1 Samuel 14:3 - La'aqtaqa Ñim Lo'onatac 'Enauacna 2013

³ Qaq so nhuomaigui lomaxaqui le'enaxat efod qalaq ỹachetac so Ahias, so llalec so Ajitob, qataq lasoshec so Icabod, som llalec so Finés, qataq laual so Elí, som ltaxaỹaxanaxanec Ñim Nataxala' co'ollaq huaña ye Silo. Qaq se'eso nhuo' le'ecpi saỹaỹaten co'ollaxa da jec so Jonatán.

Toba del Oeste

³ Ga'me qoyen yachi ga'me efod jo'ne degueja da'me 'lonaĝa nach'eñe ñe'me Ahías, jo'ne mach'e c'oĝot ñe'me Ahitub nataq'aen la'yolec ñe'me Icabod, jo'ne c'oĝot di'me Finees, jo'ne c'oĝot di'me Elí, jo'ne lo'o ga'me netamenaĝaiqui ñe'me Jaliaĝanec ca'li di'me Siló. Qalaĝaja gaa'me jiyaĝadipi ja yayate'n da'me ec ñe'me Jonatán.

1 Samuel 14:3 Referans Kwoze

1 Samuel 22:20

Qalaxaye huo'o so 'oonolec som llalaqpi so Ajimélec, le'enaxat Abiatar maye ishet da datauec co'ollaxa, nache nqo'ona ye hueta'a so David.

1 Samuel 4:21

souaxato' aso arca maye laỹe' da naỹamaxataxac Ñim Lo'onatac 'Enauacna da qaiuotaxanec, qataq souaxat so lacho' qataq so lhua da ileu', qaq so nogotolec ỹanagui da le'enaxat Icabod, qaq damaye naigui da, qaica so llo'oxoyec na Israel le'ecpi.

1 Samuel 2:28

Qataq sachegoxottoigui 'enauac na Israel le'ecpi da lleca'aua'a so Aarón da yaqto' itaxaỹaxanaxanec, qataq da ỹaneuo aso nachetaqtaxanaqte maye qaỹavigaxatta, ỹasaxalec aso nca'atoxonaxalate maye ỹalamaqte, qataq da ỹavigaxat na nchenaxanaxat maye ama da laitaỹaxac, qataq da ỹaatañi so ntogue lapoxot le'enaxat efod da Aỹem naua'a. Qataq sanem co'ollaxa so hua'au 'arhuo' 'enauac aso nachetaqtaxanaqtepi maye na Israel le'ecpi ỹavigaxat naxa da Aỹem ỹanot.

1 Samuel 1:3

Qaq 'enauaque naxa soua vi'iye da so Elcana ca'ai naxa ye lma', nache taỹa ye Silo da yaqto' huaña yemaye da ỹo'oxoren, qataq ỹanot ana lachetaqtaxanaqte Ñim Nataxala' maye Qaica ca Ỹaqalanapec. Qaq yemaye nache netraña soua dos llalqa so ntaxaỹaxanaxanec Elí, som le'enaxat Jofní qataq so Finés, qaq soomaye nataqa'en ntaxaỹaxanaxanaqa da qaitaxaỹapegue' Ñim Nataxala'.

1 Samuel 14:36

Qaq ime nache 'enapeco' so Saúl: Senotaxaña ne'ena pe da seloquiaxanaq qataq ñeuoraq ye filisteopi seviraxataqa'aguet ca yo'oxoñi, nache qaica ca ñeca'alaxataqtauec. Nache somayepi 'enauac da ỹasat, 'eeta': Aja', 'auo'ot qome cam ỹaỹamaqchiguiñi 'anqa'en. Qalaxaye so ntaxaỹaxanaxanec 'enapeco': Ña sa'auaxanaxañi taxa da ña'aqtaxanaxai' Ñim Lo'onatac 'Enauacna.

1 Samuel 2:18

Qaq se'eso nsoqolec Samuel, somaye nache queto'ot da do'onataxaatacot Ñim Nataxala', ỹaatañi naxa so efod maye chegaqaigui na lino.

1 Samuel 4:4

Huaña nache so Israel le'ecpi huo'oi soua ỹamaxalo ye Silo da yaqto' ndoi' aso arca maye laỹe' da naỹamaxataxac Ñim Nataxala' maye Qaica ca Ỹaqalanapec, maye netanguilo soua dos ne'enaqtaqa maye huo'oi na laua't. Qaq so Jofní qataq so Finés som dos llalqa so Elí, nache pa'atra'agueta da ilotrague' asa'aso arca maye laỹe' da naỹamaxataxac Ñim Lo'onatac 'Enauacna.