1 Samuel 13:4 - La'aqtaqa Ñim Lo'onatac 'Enauacna 2013

⁴ Nache 'enauac so Israel le'ecpi la'axaỹaxac co'ollaxa da so Saúl iloquiaxaatac som alleppi filisteopi, qaq ỹoqo'oye nachera da huo'omshe so filisteopi dalemataỹa so Israel le'ecpi, ỹoqo'oye so alleppi Israel le'ecpi laỹona't co'ollaxa huaña ye Gilgal da datalec so Saúl.

Toba del Oeste

⁴ Ena'uaque jogaa'me Israel laje'pi male nomeda'a ñe'me Saúl queda'me nomachichidiñe jogaa'me coico laje' jo'ne filisteopi, nataq'aen jouaĝat da'me dojo' jogaa'me filisteopi nach'e eta't da'me niquiyatapegalo jogaa'me Israel laje'pi. Chane'eja gaa'me Israel laje' jo'ne nalada't lo'ol yitaĝa yema'a't, dajoyeda'aguet ñe'me Saúl, ueda'a di'me Guilgal.

1 Samuel 13:4 Referans Kwoze

Génesis 34:30

Qaq huaña nache so Jacob 'enapego' so Simeón, qataq so Leví, 'eeta': «Qami' aỹem qauo'ochec da lta'araic qauem. Cha'aye nagui na lma' ne'ena 'alhua, nam cananeopi, qataq na ferezeopi, aỹem nquiỹa qome. Qaq namayepi ishet da laỹona't qome da yaqto' aỹem iloquiaxan, qaq nam ñalleppi ye saq 'amaqtaq, nache namayepi aỹem ỹalauat qome, qataq na ỹalaqpi.»

Éxodo 5:21

nache qoỹenapegalo', qoỹeeta': «Ñim Nataxala' ỹalletagui da qauo'ocheetac, qaq ỹoqo'oye ỹauo'o qome ca qanhuaxanaguiiqui, cha'aye nache qami' da qarasouaqtaxanaxaqui da ỹataqta qomi' sa ỹama'n ñi faraón qataq na nalleppi, qataq 'eeta'am da qaupataqaigui na lhuaq lauel ca no'ogoxonaxat da yaqto' qomi' ỹalaua't.»

Zacarías 11:8

Qaq so 'oonolec ca'agoxoic, nache huaigui da samaqraue'c soua tres qagueta lo'ol, cha'aye mashe ñasamiisopa, qataq soomaye ỹataqta aỹem nquiỹalo.

1 Samuel 10:8

Ime nache 'aua'auta qome da 'anqo'ona ye Gilgal, nache aỹem 'auataique caua siete na'axa'te, qaq huaña, nache qaltaq 'am ñauane' qome, da yaqto' 'am ñenaicapegue' qom so'ot aca nachetaqtaxanaqte qaỹavigaxatta, qataq aca nachetaqtaxanaqte qanhuaachigui da sanot Ñim Nataxala'. Qaq aỹem 'auata'aguet qome yaqto' 'am sa'aqtaxanem cam 'auo'ot qome da 'am nta'a.

Josué 5:9

Huaña nache Ñim Nataxala' 'enapego' so Josué, 'eeta': «De'era la'anaxat na lo'oc ne'ena shiỹaxauapi, nache sachegoxotchigui da ñeqateeguesop da ncoxo maye qami' huetaleguete souaxat da 'enauac qami' l-latacpi co'ollaxa ye Egipto le'ecpi.» Qaq ỹoqo'oye yi'iye 'alhua, nache qoỹanagui da le'enaxat Gilgal, nache ivitta'a nagui.

Génesis 46:34

nache qami' qaua'aqtaxañim qome qoñiita: qomi' dam sachegoxosoqta'ague qalaq nache 'eetai' da seloqtague' ana qaguetapi, shenaqta'am so hua'au qarta'alpi. Qaq qoñeetec qome de'era, yaqto' ishet da qoñiỹalec na 'alhua Gosén, cha'aye na Egipto le'ecpi deqaiga da lauoreua nam ilotague' ana qaguetapi.»

2 Samuel 10:6

Nache so amoniitapi co'ollaq nanoma da dalemata so David, nache iỹaxana qataq ỹauo'o aso nsheetenaqte so veinte mil alleppi siiriopi, maye lma' ye Bet Rejob, qataq so lma' ye Soba qataq so mil nalleppi so nta'a Macá, qataq so doce mil Istob le'ecpi.

1 Samuel 27:12

Qaq so Aquis, pe'etega co'ollaxa so David, cha'aye 'eetaco' naxa: «Na Israel le'ecpi ỹataqta nquiỹa nagui ñi David, souaxat na ỹo'ottacpi ñimaye, qaq ỹoqo'oye nache 'eetai' qome da aỹem do'onataxaatacot.»