1 Samuel 13:3 - La'aqtaqa Ñim Lo'onatac 'Enauacna 2013

³ Nache so Jonatán iloquiaxan co'ollaxa so alleppi filisteopi maye hueta'a ye Gabaa, nache loxonec, qaq de'era qoỹeetec, ỹaỹaten co'ollaxa so filisteopi. Qalaxaye so Saúl damaxasoxoolec co'ollaxa da qaỹashiiyigui aso nasheerepi da qaiconnaxaalec 'enauac se'eso nma', da yaqto' qaicoyeguen som hebreopi.

Toba del Oeste

³ Qama'le ñe'me Jonatán nomachichidiñe gaa'me filisteo laje' jo'ne coicopi ueteda'a di'me Guibeá, qama'le yemeda gaa'me filisteopi paja'a da'me nomedaye. Chane'eja Saúl damajoĝolegue da'me qoyajediyelo gaa'me lajeedel, yema di'me aleua jo'ne Israel, qaedi paja'a qoyayatenaĝanaĝaneque da'me dojo' jogaa'me hebreopi.

1 Samuel 13:3 Referans Kwoze

1 Samuel 10:5

Qaq qom ime, nache 'anqo'ona ye Gabaa maye lalamaxat Ñim Lo'onatac 'Enauacna, maye naña ye lanataqa' yem alleppi filisteopi. Qaq qom choche 'aunoxoneua'a ye huaqta'a't nỹecpi, nache 'anatena'aguet qome ca na'aqtaxanaxanecpi dasottagui, chegoqtasheguema yem huaña ye atamnaqa'. Qaq nca'attaueegue ca ỹalleppi maye iviqueetapigui aca lviquepi, lhuaxanapi qataq aca lasheerepi.

Jueces 3:27

Qaq co'ollaq ivita ye 'alhuapi maye huaña ana qasoxonaxapi ye Efraín, nache somaye ỹashiiyigui aso lasheere peenaq lcoue, da yaqto' laỹona't so Israel le'ecpi, nache namayepi huenoteeguesop añi qasoxonaxa da yaqto' datalec so Aod.

Jueces 6:34

Qalaxaye so Saqcha'a La'añaxac Ñim Nataxala', ỹataqta hueta'aguet so Gedeón, nache somaye ỹashiiyigui co'ollaxa aso lasheere peenaq lcoue da yaqto' laỹona't som lauo' le'ecpi so Abiezer da yaqto' huaxaiguet somaye.

Zacarías 14:10

Qaq 'enauac qome ne'ena 'alhua ỹe'eguelaxa da 'eeta'am ca nalochiguiñi 'alhua, chegoqchiguiña ye Geba nache ivitta'a ye Rimón, maye pa'aỹa'ague da taguiñi ye Jerusalén. Nache ye Jerusalén ỹataqta 'amaqtaqaic qome, qataq nache qanayeetaña qome yemaye, chegoqchiguiña ñi ñegueuo ye Benjamin, nache ivitta'a ñi ñegueuo maye naña añi lamaqai, yem naña co'ollaxa som togoshec lasom, qataq chegoqchiguiña añim nalloxolate maye le'enaxat Jananel, nache ivitta'a añim no'onataxaqui na aceite maye lalamaxat so nta'a.

Isaías 10:29

qataq ỹa'axasoxoolec so la'auaxac nache hua'a da lanataqa' ye Geba. Qaq ye Ramá qalaq ỹataqta iviloxolaqchet da lcolanaxa, qataq datauec so shiỹaxauapi ye Gabaa, maye lma' co'ollaxa so Saúl.

2 Samuel 23:14

Qaq so David, nache netaigui co'ollaxa so ñe'eguenaxaqui, qaq ye Belén nache naña so lauanaxanaqa' so alleppi filisteopi.

2 Samuel 20:1

Qaq huo'o so qauemaic shiỹaxaua netaña ye Gilgal, somaye chegoxoguet so Benjamín, le'enaxat Sebá, som llalec so Bicri. Somaye ỹashiiyigui co'ollaxa aso nasheere peenaq lcoue, nache 'eeta': ¡Qami' Israel le'ecpi, 'onaxaic da 'enauac she'eguelaxasaxalo naua qarma'ate, cha'aye qaica da huo'o ca ñeuanaqaua'a, qataq da huo'o ca qomi' taleguete nataqa'en da seca'ataqtague' so David, som llalec so Yesé!

2 Samuel 2:28

Nache so Joab, sa naỹaloxon da qaỹashiiyigui naqa'en aso nasheere, nache 'enauac somayepi vi'iiguet, ỹaxaañi da icaatac so Israel le'ecpi da iloquiaxaatac.

1 Samuel 13:16

Qaq so Saúl qataq so llalec Jonatán, qataq so alleppi maye nnaictrague' soomaye, nache hueta'a co'ollaxa ye Gabaa maye lma' so Benjamín, qaq so filisteopi qalaxaye nache lanataqa' co'ollaxa ye Micmas,

Josué 21:17

Qaq so maiche nalamaxat nhuo' le'ecpi maye chegoxoguetpi so Benjamín, nache ỹanec ye Gabaón, Geba,

Josué 18:24

Quefar Hamoní, Ofní qataq ye Geba. Nache da ima'a't se'eso huaqta'a't nỹecpi maye ỹotta'a't naua nañalo, nache ivi' doce, qataq lỹaueegue' so lauoreuapi nma'piolec.