1 Samuel 12:3 - La'aqtaqa Ñim Lo'onatac 'Enauacna 2013

³ qaq nagui soota'a ne'ena, qalaq da huo'o co'ollaxa ca secachiỹa ca lauegaxanaxala' huaca, huo'otaq 'ashena, huo'otaq da huo'o co'ollaxa ca huetaiya' ñaqa'en, huo'otaq da huo'o ca aỹem isheeten da yaqto' so'ot ca 'eetapeguec sa ỹaỹamaxañi lataxac, nache nagui qaua'axache cam ỹasouaxashet, ỹauaachigui qanqa'eñi Ñim Nataxala', qataq ñi nta'a maye lca'aguishec Ñimaye, yaqto' aỹem sesheeten qome aca ỹavigaxaiste.

Toba del Oeste

³ Naqayem male joueta'ñena nayi: ¿qo'li jecachiya ca'li joga'me uaca uotaĝa ajena jo'ne mach'e aloyi? Uotaĝa ¿qo'li 'uo joga'me ja jodinac, uotaĝa je'etec ga'me ja no'en, uotaĝa ja'uo lajo'vi ca'li qaedi jotauan joga'me? Qom naq'aeta, qama'le 'noota ta'le jayem a'uaĝachiyem nayi, nataq'aen auechoĝochiyem joñe'me Jaliaĝanec Dios choqoñe'me adejaliaĝanequi jo'ne mach'e liquiyac joñe'me, qama'le jayem jejeten nayi yema joga'me ñep'iayaĝac.»

1 Samuel 12:3 Referans Kwoze

Hechos 20:33

Aỹem saishet da choche ñaquitta'a co'ollaxa aca anom huo'otaq ca nogoxot.

Números 16:15

Nache so Moisés ỹataqta dalemata, nache 'enapega Ñim Nataxala', 'eeta': ¡Saishet qome da 'auaconeguet da 'Am ndoua'a aca lachetaqtaxanaqte namayepi! Cha'aye aỹem, saishet da sacona ca 'oonolec 'ashena maye lalamaxat namayepi, huo'otaq da so'otec ca qauem.

1 Pedro 5:2

Qanchilỹa'a na shiỹaxauapi maye qami' ipataxagueta Ñim Lo'onatac 'Enauacna da qauloỹeegue, cha'aye namayepi lalamaxat Ñimaye. Qanchilỹa'a namayepi 'eeta'am da ltelaqtaxanaxac ca qagueta lo'o da ntela'a aca ilotague' lalopi. Qaq damaye ỹataqta qanasapacheetelec da qauo'ocheetac, cha'aye nachera da 'eetapeguec Ñim Lo'onatac 'Enauacna qaq saishet da choche qami' qaỹamaqtaleguete. Saishet da qauo'ocheetac damaye da choche qanaquicheeta'a da qanaviqui aca anom, nachaqrata da ỹataqta qanasapacheetelec da qaro'onataxanaxaqui.

1 Samuel 24:6

nache 'enapego' so nalleppi, 'eeta': ¡Ñim Nataxala', aỹem ỹeltaxaneguet qome da so'otec ca sa ỹaỹamaxañi ñi ỹataxala' maye nta'a! ¡Ñimaye huo'omshe nta'a cha'aye lca'aguishec Ñim Nataxala'!

Deuteronómio 16:19

Qataq saishet qome da ỹashaxanec da nalochiguiñi lataxac, qataq saishet da lca'atagui na shiỹaxauapi, qataq saishet da ỹaconeguet aca nsheetenaxanaqte, cha'aye aca nsheetenaxanaqte iqanamaqchet ca ỹaanaxanaxaic, qataq ỹashaxanec ca la'aqtac ca shiỹaxaua maye no'on da lataxac.

1 Ts 2:10

Qami' huo'o da qarpi'iỹaxaqui Ñim Lo'onatac 'Enauacna qataq qomi' co'ollaq qami' souaqta'agueta, qalaq ỹataqta no'on da qarataxac. Qaq Ñimaye ỹataqta ỹaỹateeta da 'eesa de'era, nataqa'en qami'. Ỹoqo'oye qaica ca ishet da huo'o ca qomi' ỹasaxaleguete ca qarasouaxashet.

1 Samuel 12:5

Nache so Samuel 'enapeco': Ñim Nataxala' qataq ñim nta'a maye lca'aguishec Ñimaye, qami' ỹauaachiguilo nagui da qaica ca qauloỹalec ỹasouaxashet. Nache somayepi 'enapeco': Aja', nache 'eetec.

1 Samuel 10:1

Nache so Samuel ỹacona aso ncoraxanaqte maye laỹe' so aceite, nache icorelec na lqaic so Saúl, ime, qaq napigoxoi' nache 'enapega, 'eeta': Ñim Nataxala', 'am lca'aguishec nagui da yaqto' 'aulo'ogue na lalamaxat nhuo' Israel le'ecpi.

Éxodo 23:8

Saishet da 'auaconeguet aca 'ansheetenaqte, cha'aye ana nsheetenaxanaqte ishet da 'eco' iqanamaqchet ca shiỹaxaua, qataq ỹo'otec ca qaica ca ỹasouaxat da daqat ca 'eetapeguec lataxac.

1 Ts 2:5

Cha'aye qami' qauaỹaañita da qomi' saishet da choche ño'onaxata'q naua qartaxaỹaxaco da sauoqtaique da qomi' qauaỹamaxayiñiite', qataq saishet da qami' satenachetaqta'ape da sauoqtaique da ñeqataq aca qo'omi. Qaq Ñim Lo'onatac 'Enauacna ỹaỹaten da ỹataqta 'eesa de'era.

Éxodo 20:17

Saishet da 'auqopitta'a ca lma' ca 'arỹa, qataq saishet da 'auqopitta'a aca lhua ca 'arỹa, huo'otaq ca l-latac, huo'otaq aca l-lata, huo'otaq ca lauegaxanaxala' huaca, nataqa'en ca lalo 'ashena, huo'otaq camachaqca nam logoxoshetpi».

Lucas 19:8

Qaq co'ollaq ime da nquia'axac, nache nachaañi so Zaqueo, nache 'enapega So Jesús, 'eeta': –'Am Ỹataxala', aỹem qome secolaxatchiguingui na laiñi da isallaxa. Ime, qaq sanem nam choxoraqpi. Qaq da huo'otaq huo'o ca secachiỹot, nache cuatro da she'eguelaxalec da she'eguelaxatot camaye cam secachiỹa.

Mateo 22:21

Nache somayepi 'eeta': –Qomye nacheñi ñi lta'a na nta'alpi maye netaña ye Roma. Nache So Jesús 'enapeco': –Qaỹa'añim qome ñim lta'a na nta'alpi cam lalamaxat ñimaye, qaq Ñim Lo'onatac 'Enauacna qalaq qaỹa'añim cam maiche lalamaxat nataqa'en.

Levítico 6:4

nache que'eca shiỹaxaua huo'o da lasouaxashet, nache camaye iuen da ỹe'eguelaxat que'eca lcachaxat, huo'otaq lhuotaxanaxat, huo'otaq ca nogoxoshet maye ilalec,

Éxodo 22:4

Qaq da huo'otaq qailalec que'eca ncachaxat shiguiỹac, qataq da ña nca'altauec da hueto'ot ca decachiỹa, nache camaye dos qanqa'en caua desheetenaxanalo shiguiỹaxac, na'aictaxa da huaca, huo'otaq 'ashena, qalqo' qagueta.

2 Corintios 12:14

Qaq nagui mashe ñaỹamaxattac da qaltaq qami' ñamaqtegalo. Qaq damaye mashe ivi' da tres da she'eguelaxalec da qami' ñeqo'onalo, qalaxaye saishet da qami' seỹaxanoto da aỹem qautauñic aca qo'omi. Cha'aye saishet da nacheca cam ñalaqpi cam laỹona't aca alom da yaqto' itaua'n caua lta'al, maye nachecaua caua nta'al maye iuen da laỹona't aca alom, da yaqto' talec ca llalaqpi. Qaq qami' maye qami' ỹalaqpi.

1 Samuel 2:35

Qalaxaye aỹem sauo'o qome ca 'oonolec ntaxaỹaxanaxanec maye npe'et, cam ỹataqta ỹo'ot qome ca sheetapeguec, qataq ipacchigui da ỹo'ot ca samaxalecpi, qataq sanem da huo'o ca llalaqpi, qataq qaỹoqtec ñaqa'en da nachaalataxac da do'onataxaatacot ca nta'a maye lleca'aguishec.

1 Samuel 12:4

Qalaxaye somayepi 'enapeco': Ỹataqta saỹauanega da qomi' sa 'achera'ape, huo'otaq da qomi' sa 'auaỹamaxata'ape, huo'otaq da qomi' 'aucachiỹoto.

Proverbios 15:27

Ca qopitaxanaqtaqaic qalaq maiche nlaxattapiguiñi da lma'ỹaxac, qaq ca saỹaconeguet da choche qaisheeten qalaq nache 'eetai' da nca'altauec.

Levítico 6:5

huo'otaq ca lỹa maye iqoleguettac da saishet da ỹo'ot. Nache camaye ỹe'eguelaxatem ca lalamaxat camaye, qataq huo'o aca huaqtalec naqa'en aca ỹataqta lasheue, nache ỹanem ca ntaxaỹaxanaxanec aca'aca lauaxaỹaxanata, da ivita da ỹaneuo aca lachetaqtaxanaqte maye sa imauaq da qaỹavigaxat.

1 Samuel 24:7

Nache so David nllañi so nalleppi, nache saỹashenem da iloquiaxan so Saúl, qaq so Saúl, co'ollaq ime nache chegoqtoigui so auac da ỹoltaq jec.

1 Samuel 24:11

Qaq nagui 'am nta'a ña 'aumeten na ñasoqta'a, namaye nachena na laỹe na 'arpo' maye secheguec, qalaq saishet da 'am salauat. Qaq nagui nache 'auaỹateeta da saishet da sauotaique da 'am salauat, qataq nataqa'en qaica ca ỹasouaxashet da qoneta. Qalaxaye 'am nta'a, maiche aỹem 'aucaatac da huotaique da aỹem 'aualauat.

1 Samuel 26:9

Qalaxaye so David, 'enapeco': 'Aua'aqta'a, saishet da 'aualauat, cha'aye saishet da saqca ca nhuaxanaguec ca ỹalauat ca nta'a maye lca'aguishec Ñim Nataxala'.

1 Samuel 26:11

Qaq Ñim Nataxala' choche aỹem ichoxoren qome, souaxat da sauotaique da salauat ye nta'a maye lca'aguishec Ñimaye. Qaq nacherato' da 'auacona ara lataquiaxai maye na'axaata'aguet, qataq añi nỹomaxaqui, nache qolaq qome.

2 Samuel 22:22

cha'aye aỹem salaxagueta naua lapaxaguenataxanaxaco Ñim Nataxala', ¡qataq saishet da sheca'ai Ñim Ñatamnaxala'!

Nehemías 5:11

Qaq ỹoqo'oye qami' ñachoxoreetoiguilo nagui da qavi'iguelaxachiỹot ñi 'oonolec namayepi na na'alhuapi, lañiguishe uva lma'pi, qataq na olivo lma'pi, qataq na lma'pi namayepi, nataqa'en qauapalaxache aca lavigaxaiste maye qami' netaiguilo, na'aictaxa da huo'otaq anom, huo'otaq ala ca trigo, huo'otaq ca lataxa, huo'otaq ca aceite qataq saishet qome da qauamaqaitalec da isheeten aca qanquigachiisheguem lavigaxaiste.»

Salmos 15:5

qataq ca ishet da ỹa'aalaxanaxanec ca lỹa aca alom, qalaxaye saishet da naquitta'a da qanquigaxatsheguem aca'aca alom, qataq ca saishet da ỹaconeguet aca nsheetenaqte da qanshetaique huo'o ca qaỹo'otec ca qaica ca lasouaxashet. Qaq ca nache 'eetec de'era, camaye saishet da huañi.