1 Samuel 12:2 - La'aqtaqa Ñim Lo'onatac 'Enauacna 2013

² Qaq nagui 'iñi ñim nta'a maye qami' ilo'oguelo qome. Aỹem qalaxaye, mashe aỹem ỹa'axaiquiolec, qataq mashe ỹapagaq na iqaic, qaq naua ỹalqa nache qami' ỹalectaiguilo. Qaq aỹem qami' selotegueto co'ollaxa chegoqchiguiña so ñaq aỹem nsoqolec, nache ivitta'a nagui,

Toba del Oeste

² Chane'eja, nach'ena jena'me jenjo' adejaliaĝanequi jo'ne adajoĝola' nayi. Da'me jayem, joote nayi jayem 'yaĝaicachigui nataq'aen male yapagaq jena'me yayoĝot, nataq'aen jogaa'me yalaqa joote ami uetauelo. Chiyoqo'teguet da'me jayem nejoqolec chayovida'a nayi, nach'e jayem jo'ne auajoyita'ye.

1 Samuel 12:2 Referans Kwoze

1 Samuel 8:5

nache 'enapega, 'eeta': «'Am mashe 'am ỹa'axaiquiolec, qaq soua 'aỹa'alqa saishet da 'eeta'am da 'arataxac. Qaq ỹoqo'oye 'am, 'auauo'o qome ca qarta'a da yaqto' qomi' ilo'oguelo, nache shenaqta'am da lataxac 'enauac nam shiỹaxauapi maye qarhuoreuapi.»

1 Samuel 8:20

yaqto' shenaqta'am na laỹepi ỹotta'a't shiỹaxauapi, qataq da yaqto' qarta'a camaye nache qomi' ilo'oguelo qataq sataxalec da huo'o ca qanalaataxac.

1 Samuel 8:1

Qaq co'ollaq mashe ỹa'axaiqui so Samuel, nache ỹaareuo soua llalqa da yaqto' lataxala'ate naqa'en so Israel le'ecpi.

1 Samuel 8:3

Qalaxaye se'esoua llalqa, saishet da 'eeta'ama da lataxa'c so lta'a, nachaqrata da ỹataqta qopitaxanaqtaqaiqa, qataq nasheete' naxa da qaisheete'n, nache saishet da ỹo'o't ca ỹaỹamaqchiguiñi.

Números 27:17

yaqto' camaye, nacheca ca lataxala' qome namayepi da nqatec qataq da ñe'eguelaxateuo. Yaqto' ne'ena nhuo' le'ecpi maye lalamaxatpi Ñim Nataxala', saishet da 'eeta'am aca qaguetapi maye qaica ca ilo'ogue.

2 Pedro 1:14

So Qarataxala' Jesucristo mashe aỹem ỹaỹaanaxanaxanec da saqaỹaloq da ivita ca loga't da ñachaalataxac;

2 Timoteo 4:6

Da ñachaalataxac mashe qoỹanot Ñim Lo'onatac 'Enauacna, 'eeta'ama caua ntago'q da qaicoreleguete aca nca'atoxonaxalate. Cha'aye mashe saqaỹapeque ye laloqo' da ñachaalataxac.

Salmos 71:18

'Am Ñatamnaxala', saishet qome da aỹem 'aualat, na'aictoxo' da mashe aỹem ỹa'axaiquiolec, qataq ỹapagaq na iqaic cha'aye sauotaique da shecto'ot da sa'aqtaxaateguem da lta'araic 'ara'añaxac ne'ena shiỹaxauapi, qataq ca ñaq natauo maye chegoxoguetpi namayepi.

1 Samuel 3:16

Qalaxaye so Elí iỹaxano' somaye, 'eeta': ¡'Am ỹalcolec, Samuel! Nache somaye 'enapeco': Aja' soota'a ne'ena.

1 Samuel 3:13

Mashe sa'aqtaxanem ñimaye da sauo'o qome ca nhuaxanaguec soua llalqa souaxat da lle'etaxaloxo, cha'aye ñimaye mashe ỹaỹateetac da soua llalqa ỹataqta qauem na aỹem ỹasaxarelec la'aqtaqa qalaq saishet da nhuogaxalo.

1 Samuel 2:29

¿Qalaq ta'ainco' da sa qauyacñiỹapec na qoỹaneuo shiguiỹacpi, qataq ana nachetaqtaxanaqtepi maye Aỹem samaxasoxoolec co'ollaxa da Aỹem qandoua'a? ¿Ta'ainco' da 'agaqnauec da llo'oxoyec naua 'aỹa'alqa, nache Aỹem 'auỹotta'a, qataq chaxaraiqa 'anqa'en souaxat da 'auquia'axaategueque 'enauac ana ỹataqta no'on lachetaqtaxanaqtepi na Israel le'ecpi maye ỹalamaxatpi?

1 Samuel 2:22

Qaq so Elí, mashe ỹataqta ỹa'axaiquiolec, qalaxaye ỹaỹaten 'enauac nam ỹo'ottrac soua llalqa maye ỹo'otec so Israel le'ecpi, qataq ỹaỹaten da soomaye lauatrapiguiñi' so 'alpi maye huetague' som ñegueuo so npe'l maye huaña naxa da qanauane' Ñim Lo'onatac 'Enauacna.

1 Samuel 3:10

Huaña nache Ñim Nataxala' qaltaq nvita somaye, nache qaltaq iỹaxana, 'eeta': ¡Samuel! ¡Samuel! Nache so Samuel 'enapeco': Ña 'autaqa, cha'aye na 'aramaxashec 'am hua'aqtega.

Josué 23:1

Qaq co'ollaq mashe qaỹoqtegue da Ñim Nataxala', ỹanem da lactapiguiñi so Israel le'ecpi, qataq so Josúe mashe ỹa'axaiquiolec co'ollaxa,

Josué 23:2

nache so Josué iỹaxaneuga 'enauac so Israel le'ecpi, nqueroxonecpi, qataq so lataxala'pi som nalamaxat nhuo' le'ecpi, qataq so nmit na nasouaxashetpi, qataq so lataxala'pi so alleppi, nache 'enapega somayepi, 'eeta': «Aỹem, mashe aỹem ỹa'axaiquiolec, qataq naua vi'iye mashe sa ñalo'ogueta.