1 Samuel 11:1 - La'aqtaqa Ñim Lo'onatac 'Enauacna 2013

¹ Qaq so Najás maye lataxala' so amoniitapi, somaye nqo'ona ye Jabés maye huaigui ye Galaad, nache ỹaqataxanai' so nalleppi da huotaique da iloquiaxan so lma' se'eso huaqta'a't nỹecpi. Qalaxaye som lma' ye Jabés 'enapego' somaye, 'eeta': 'Onaxaictaxa da qomi' 'anaỹamaxateto, nache 'am ñañanqot qome.

Toba del Oeste

¹ 'Uo ga'me nolo' ca'li ñe'me Nahas, jaliaĝanec di'me Amón, yec'ata di'me noic Jabés jo'ne na'ña di'me 'naleua di'me Galaad, qama'le yiyamaĝateta't gaa'me nalada't lo'ol qaedi quidiñgui jodi'me noic. Qalaĝaja jogaa'me 'lachaqa't di'me Jabés eetac da'me 'laqata'j: «Qo'mi auanema ga'me at'aqatac jo'ne yataqatelegue jo'ne ja auoqovitac, qama'le am jouoqo'ot qaedi qo'mi adalemaĝaje'te.»

1 Samuel 11:1 Referans Kwoze

1 Samuel 12:12

Qalaxaye qami', co'ollaq qauloỹa'a da so Najás, so lta'a so amoniitapi, da huotaique da qami' iloquiaxa'n, nache aỹem qauỹaxañiỹot da sauo'o ca nta'a da qami' ilo'oguelo, qamaq ñi qarta'ai nacheñi Ñim Nataxala' maye Qanatamnaxala'ai.

Ezequiel 17:13

Qaq ime, nache ỹaconeua'a so 'oonolec llalec so nta'a, nache naỹamaxate' somaye, nache 'enapega da ipacchigui so ỹan la'aqtac, qataq ỹauec so shiỹaxauapi 'amaqtaqaicpi yi'iye 'alhua

1 Reyes 20:34

Nache so Ben Adad, 'enapeco': Aỹem, 'am she'eguelaxatot qome ye huaqta'a't nỹecpi maye so ita'a deuotaxanec co'ollaq nhuo' so 'arta'a. Qaq 'am, nache ishet da 'aỹa'anaña ye Damasco ca nmenaqa' na 'armenecpi, 'eeta'am da 'eetec so ita'a co'ollaq ỹanaña ye Samaria so nmenaqa' so lmenecpi. Nache so Ajab 'enapeco': Qaq souaxat da aỹem 'anaỹamaxate' nagui, nache aỹem, 'am saxanec da qojec. Qaq co'ollaq ime da naỹamaxate' somaye, nache ỹaxanec da jec.

Jueces 21:8

Nache nnattega't, 'eeta': ¿Qaq ne'ena maiche nhuo' Israel le'ecpi peta'a huo'o ca sa ỹalegueua'a co'ollaxa se'eso qaraponaxac da ñenataxai' Ñim Nataxala' maye huaña ye Mispá? Qaq huaña nache somayepi ntoonec da ye Jabés maye huaigui ye Galaad qaica co'ollaxa ca ỹalegueua'a se'eso lta'araic naỹonaxac,

Génesis 26:28

Nache soomaye 'ena'apo': «Qomi' selaqa'a da Ñim Nataxala' 'am hueta'aguet, nache qomi' tachigui qarhuel da 'am ñeca'ataxa da 'am ñaỹamaxataxai'. Qaq que'eca qanaỹamaxataxac qome, 'eeta':

Da na'aqtaguec so Job 41:4

¿Qalqo' 'aupi'itaxaatega peta'a da nañan somaye da choche 'arlatac, 'enauaque naua na'axa'te da nachaalataxac?

Éxodo 23:32

Qaq saishet qome da qanaỹamaxache' yemayepi, qataq saishet da qauatailec ye natamnaxala'pi.

Isaías 36:16

¡Qaq saishet qome da qaualaqaiguet ñimaye! Cha'aye ñim nta'a ye Asiria, aỹem namaq da qami' shenapegalo da qanmañi' ñimaye, qataq qanañañi, yaqto' ñi 'oonolec da qoñiita ishet qome da chectac ana ala aca maiche lañiguishe uva qataq hiigo, qataq nỹomtapigui na 'etaxat maye chegaqangui aca maiche lshere.

Jueces 10:7

Ỹoqo'oye Ñim Nataxala' ỹataqta dalemataỹa somayepi, nache ỹaneguet da la'añaxac so filisteopi qataq so 'amoniitapi.

Deuteronómio 23:3

Qataq na amoniitapi, moabiitapi, saishet qome da ỹalegoigui qanqa'en ca naponaxac maye lalamaxat Ñim Nataxala', na'aictaxa da mashe ivitta'a da diez da nqochen ca llalec ca chegoxoguetpi.

1 Samuel 14:47

Qaq 'era da 'eetec so Saúl co'ollaq mashe lta'a so Israel le'ecpi, nache 'enauaque naua pa'aiguelo naua nma'ate da deloctague' so mpa'aguenaxauapi maye lma' co'ollaxa ye Moab, Amón, Edom, qataq so nta'a ye Soba, qataq so lta'a so filisteopi, qaq nache camachaqca ca nqo'ona somayepi nache loxonec.

2 Samuel 10:1

Qaq co'ollaq qaỹoqtegue de'era, nache ileu so Najás, som lta'a so amoniitapi, qaq da lo'onataxanaxac da nta'a somaye, nache talec qanqa'en so llalec Janún.

2 Samuel 10:2

Nache so David huo'o da lhuennataxa da ỹo'otec ca ỹaỹamaqchiguiñi so Janún, da ỹe'enaxatchigui da 'eetec co'ollaxa so Najás da ỹataqta ỹauotec somaye, ỹoqo'oye so David ỹama'q soua lamaxa'she da yaqto' ỹa'añaqchet so Janún souaxat da ileu so lta'a. Qalaxaye somayepi co'ollaq ivita ye na'alhua so amoniitapi,

2 Samuel 17:27

Qaq so David co'ollaq ivita ye Majanayin, nache huaqata'agueta somaye so Sobi, som llalec so Najás, maye lma' ye Rabá yem 'alhua Amón, qataq so Maquir, som llalec so Amiel maye lma' ye Lodebar, qataq so Barzilay maye lma' ye Roguelim, yem huaigui ye 'alhua Galaad.

Jeremías 40:11

Qaq nataqa'en na judiopi maye hueta'a ye Moab, Amón, Edóm, qataq na hueta'a na laỹepi 'alhuapi la'axaỹaxac co'ollaxa, da so nta'a ye Babilonia ỹasheetem na judiopi da huo'o na no'onaña ye maiche na'alhua, qataq da ỹanagui da nta'a so Gedalías da ilo'ogue somayepi.

Jeremías 40:14

nache 'enapega somaye, 'eeta': ¿Saishet peta'a da 'auaỹaten da ñi nta'a Baalís maye lma' ye Amón, da namaq so Ismael som llalec so Netanías, da yaqto' 'am ỹalauat? Qalaxaye so Gedalías saishet da ỹa'amaqten somayepi

Jueces 11:4

Qaq co'ollaq mashe qaỹoqteguelo soua na'axa'te, nache so amoniitapi iloquiaxan so Israel le'ecpi,

2 Samuel 2:5

nache so David ỹamaxalo soua la'aqtaxanaxanaqa so netaña ye Jabés da da'aqtaxanem da la'aqtac somaye, 'eeta': «Ñim Nataxala' qami' taleguete naqa'en qome ca lchoxonnataxanaxa, souaxat da qauaỹamaxachiichiguiñi da qaulayiiñi ye Saúl maye qarataxala'ai co'ollaxa.

1 Crónicas 10:11

Qaq so lma' ye Jabés maye huaigui ye Galaad, co'ollaq ỹaỹaten da so filisteopi ỹo'otec de'era so Saúl,

1 Crónicas 10:12

nache 'enauac so ỹalleppi maye 'añaxaicpi ñisheguem, da ỹe'eguena'a so lo'ocỹaxac so Saúl, qataq soua llalqa. Nache ira'a ye Jabés, yem huaña da ilayiñi ỹachetot aso qo'oipaq le'enaxat encina, maye naña ye Jabés, nache ỹo'ot so nqouaqchetaxac soua siete na'axa'te.