1 Samuel 10:9 - La'aqtaqa Ñim Lo'onatac 'Enauacna 2013

⁹ Qaq so Saúl co'ollaq choche ncoyeguene' so Samuel da jec, nache Ñim Lo'onatac 'Enauacna naralaxat da lataxac somaye, qaq se'eso na'a'q ỹataqta ipacchigui 'enauac nam ỹa'axatta'api co'ollaxa so Samuel.

Toba del Oeste

⁹ Qampaja'a da'me Saúl male ca'e ñe'me Samuel da'me male ec, ñe'me Dios yataqachiñe yadalaĝat jaga'me lequidiaqate; nach'ejo jo'me nolo' da'me yepaquichigui ena'uac ga'me jo'ne qo'yaĝatem.

1 Samuel 10:9 Referans Kwoze

Jueces 7:11

nache 'ana'axaỹaxana cam na'aqtaxaatapigui yemayepi, huaña qome nache 'ana'añaxat da yaqto' 'auloquiaxan.» Huaña nache so Gedeón huenoteeguesop som hueta'a lanataqa', nache nnaicapegue' so lo'onataxanaxanec Purá, nache ivildaua'a so lauanaxanaqa' so alleppi maye mpa'aguenaxauapi.

Jueces 6:21

Huaña nache so nale piguem le'ec Ñim Nataxala', ỹauota'a so lsheenec aso nashelte maye nasoqta'a da nhuoiguet naqa'en so lapat, qataq aso nauole 'ayiiña. Nache se'eso coma' chegaqaigui so norec, nache somaye ỹataqta chipchiguiñi nataqa'en so lapat qataq aso nauole 'ayiiña, huaña nache so nale piguem le'ec Ñim Nataxala' 'eco' da quiguiñi.

Marcos 14:16

Nache soua dos lapaxaguenataqa je'c. Qaq co'ollaq ivildeua'a so nỹecpi, nache ỹataqta ipacchigui 'enauac nam ỹa'axat So Jesús. Nache soomaye iqataxaarai' so nallec maye qanallec naxa da ivireuga so naponaxac le'enaxat Lapascua.

1 Samuel 2:35

Qalaxaye aỹem sauo'o qome ca 'oonolec ntaxaỹaxanaxanec maye npe'et, cam ỹataqta ỹo'ot qome ca sheetapeguec, qataq ipacchigui da ỹo'ot ca samaxalecpi, qataq sanem da huo'o ca llalaqpi, qataq qaỹoqtec ñaqa'en da nachaalataxac da do'onataxaatacot ca nta'a maye lleca'aguishec.

1 Samuel 16:13

Nache so Samuel saỹaỹaloxon da ỹacona aso lcoraxanaxat laỹe' huetagui so aceite, nache ỹauaachigui naqa'en so lqaỹañecpi da icorelec se'eso nsoq maye le'enaxat David da yaqto' nta'a. Qaq huaña, nache so Saqcha'a La'añaxac Ñim Nataxala', nvita somaye, nache ỹo'ot da la'añaxac. Qaq co'ollaq ime de'era, nache so Samuel ncoyeguene' somayepi, nache ỹe'eguelaxa ye Ramá.

Ezequiel 36:26

nache qami' sanaiguilo aca dalaxai nquiyaqte, qataq ca dalaxaic saqcha'a nca'alaxa. Nache ñeqateeguesopa qami' ana nquiyaqtepi maye ỹataqta qaramchigui 'eeta'am ca coma', nache qami' sanaiguilo aca nquiyaqte maye ỹataqta huesota.