1 Samuel 1:9 - La'aqtaqa Ñim Lo'onatac 'Enauacna 2013

⁹ Qaq huo'o so na'a'q, co'ollaq huaña ye Silo, nache aso Ana ñisheguem co'ollaq imat da lquia'axac. Qaq so ntaxaỹaxanaxanec Elí nso'ootangui aso nso'onaxaqui, netaña so sa qaỹapeque so ñegueuo aso atamnaxaqui maye lalamaqte Ñim Nataxala'.

Toba del Oeste

⁹ 'Uo ga'me ua'a ca'li ueteda'a di'me Siló, Ana ñejeguem da'me yem da'me deque'e. Ñe'me tamenaĝaiqui lo'o Elí ñichiñe ca'li, qoyoqo'ta ga'me qotayape'uo ga'me tamenaĝaiqui jo'ne 'lachaqa' ñe'me Jaliaĝanec.

1 Samuel 1:9 Referans Kwoze

1 Samuel 3:3

Qaq so Samuel do'ocheta huetaigui aso atamnaxaqui maye netaigui aso arca maye laỹe' da naỹamaxataxac Ñim Lo'onatac 'Enauacna. Qaq aso lcoỹaraqte aso atamnaxaqui ñaq 'ettaigui.

Salmos 27:4

Qaq 'oonolec da seỹaxaatapegueua'a qataq 'oonolec da ñeqopittega da aỹem ỹami' Ñim Nataxala', qaq damaye 'eeta': sootaua'a añi atamnaxaqui maye lalamaqte Ñim Nataxala' 'enauaque naua na'axa'te da ñachaalataxac, da yaqto' ñatameetac da sootaigui añimaye, qataq da semeteetac da lyacỹaxac Ñimaye.

Salmos 5:7

Aỹem, qalaxaye souaxat da ỹataqta lta'araic 'arsoxoyec, nache ishet da senoxoneua'a añi 'aralamaqte atamnaxaqui, qataq ishet da 'am sa'aroto naua illecte, da sootaigui añi qui'itta atamnaxaqui maye 'aralamaqte.

2 Samuel 7:2

nache so nta'a David 'enapego' so Natán, som la'aqtaxanaxanec Ñim Lo'onatac 'Enauacna, 'eeta': Ña 'aumeten aỹem, mashe sootaigui na nỹec maye no'onataxat ana qo'oipaq cedro, qaq añi arca maye laỹe' naua lqataxaco Ñim Lo'onatac 'Enauacna qalaq ñaq netaigui ñi npe'lolec.

1 Samuel 3:15

Qaq co'ollaq ime de'era, nache so Samuel ỹe'eguelaxañi da nnaañi, nache ivitta'a so mashe yo'oxoñi nache ñisheguem, nache ỹauatoiguilo soua laso'omi aso atamnaxaqui, qalaxaye saishet da da'aqtaxanem so Elí som lauanaqchec somaye.

Salmos 29:9

Da lavilỹaxac Ñim Nataxala' ỹataqta inoxon ana qo'oipaqpi le'enaxat encina, nache ỹataqta qaca naqa'en ana qo'oipaq na aviaq. Qaq huaña añi lalamaqte atamnaxaqui da 'enauac qaỹo'oxoreetac Ñimaye.

Éxodo 21:6

nache que'eca na'aco' iuen da ỹauegueua'a yem lanataqa' Ñim Lo'onatac 'Enauacna, nache naloteua'a naqa'en ñi lasom da ỹa'arec ana ltela camaye. Yaqto' ỹataqta lalamaxat l-latac.

1 Samuel 1:10

Nache aso Ana nỹeetac, cha'aye ỹataqta lta'araic da laquicoxo, nache nqouagaxaunot Ñim Nataxala',

1 Samuel 4:13

Qaq co'ollaq ivireuo, nache so Elí nso'ootangui aso nso'onaxaqui, nauaatac so nqa'aic, cha'aye ỹataqta lta'araic da lviloxolaxa añi lquiyaqte, souaxat da tatapigui lauel aso arca maye laỹe' da naỹamaxataxac Ñim Lo'onatac 'Enauacna. Qaq se'eso ỹale, co'ollaq ivireua'a se'eso huaqta'a't nỹecpi, nache ỹa'axattac de'era qanayeuaigui, nache 'enauac so netaña yemaye ỹataqta ỹa'alaqtagui.