1 Samuel 1:3 - La'aqtaqa Ñim Lo'onatac 'Enauacna 2013

³ Qaq 'enauaque naxa soua vi'iye da so Elcana ca'ai naxa ye lma', nache taỹa ye Silo da yaqto' huaña yemaye da ỹo'oxoren, qataq ỹanot ana lachetaqtaxanaqte Ñim Nataxala' maye Qaica ca Ỹaqalanapec. Qaq yemaye nache netraña soua dos llalqa so ntaxaỹaxanaxanec Elí, som le'enaxat Jofní qataq so Finés, qaq soomaye nataqa'en ntaxaỹaxanaxanaqa da qaitaxaỹapegue' Ñim Nataxala'.

Toba del Oeste

³ Yemeda gaa'me 'uoidi Elcaná ca'e nale ga'me 'lachaqa', dajoyi di'me Siló qa'a ua'a nale yauote lemaĝa'j nataq'aen yauote gaa'me lajaqaje'j, yate'm joñe'me Jaliaĝanec jo'ne napacalegue ena'uac. Nataq'aen uo'oe dos gaa'me c'oqo'te ñe'me tamenaĝaiqui lo'o jo'ne Elí, jodaa'me lenaqa'te Hofní nataq'aen Finees, jo'ne nach'e ena'ama tamenaĝaiqui lo'ol.

1 Samuel 1:3 Referans Kwoze

Lucas 2:41

So José qataq aso María 'enauaque naua vi'iye da ỹe'eguelaqtra'ague da Jerusalén naxa da iviteuga so naponaxac maye le'enaxat da Lapascua.

Josué 18:1

Qaq so Israel le'ecpi, co'ollaq mashe 'enauac da deuotaxanec se'eso 'alhuapi, nache 'enauac somayepi da ỹo'ot so laponaxac lta'araic huaña ye huaqta'a't nỹecpi ye Silo, qataq nache huaña yemaye da ỹa'ayiñi so npe'l maye huañacnaxa da qanauane' Ñim Nataxala'.

Éxodo 34:23

Qaq ye 'oonolec vi'i nache ivi' tres da Aỹem naua'a qome da aỹem ỹo'oxoren 'enauac na ỹalleppi. Qaq 'era da ỹa'aqtac, Aỹem Nataxala' maye Natamnaxala' na Israel le'ecpi.

Éxodo 23:14

«Qauo'oche' qome caua tres lta'al naponaxaqui' ye 'oonolec vi'i da Aỹem qavio'oxoyiñi.

1 Samuel 1:21

Qaq so lỹa vi'i, nache so Elcana qaltaq ỹauec co'ollaxa so llalaqpi da taỹa ye Silo, da yaqto' ỹaneuo aso lachetaqtaxanaqte da ỹanot Ñim Nataxala', qataq da ipacchigui som ỹan la'aqtac co'ollaxa,

1 Samuel 1:9

Qaq huo'o so na'a'q, co'ollaq huaña ye Silo, nache aso Ana ñisheguem co'ollaq imat da lquia'axac. Qaq so ntaxaỹaxanaxanec Elí nso'ootangui aso nso'onaxaqui, netaña so sa qaỹapeque so ñegueuo aso atamnaxaqui maye lalamaqte Ñim Nataxala'.

Deuteronómio 16:16

Qataq 'enauac na ỹalleppi, ye 'oonolec vi'i nache tres da ỹe'eguelaxalec da nachaateua'a ca lca'ateua'a lanataqa' Ñim Nataxala' maye Qanatamnaxala'ai, da yaqto' qaỹo'ot ca naponaxac maye laloxoqui da qanallec aca nauole maye qaca aca lalecte maye ỹasheeraxachigui, qataq ca naponaxac maye huetoigui da qanqat ca la'auaxanec ala ca nañiguishec, qataq ca laloxoqui da qanayenaigui na npe'lpiolec qo'oipaq lcouepi. Qalaxaye qaica qome ca nachaateua'a Ñim Nataxala' da qaica ca ỹanot Ñimaye.

Jueces 18:31

Qaq somayepi nache neto'ot se'eso nqolac maye lo'onatac co'ollaxa so Micaía, maye netaigui co'ollaxa aso atamnaxaqui maye lalamaqte Ñim Nataxala' maye naña ye Silo.

Salmos 78:60

qataq ca'ai so npe'l maye naña ye Silo, maye lanataqa' naxa da netangui na shiỹaxauapi.

1 Samuel 4:11

Qaq nataqa'en qaiuotaxanec aso arca maye laỹe' da naỹamaxataxac Ñim Lo'onatac 'Enauacna, qataq qaỹalauat so Jofní qataq so Finés, maye llalqa so Elí.

1 Samuel 4:4

Huaña nache so Israel le'ecpi huo'oi soua ỹamaxalo ye Silo da yaqto' ndoi' aso arca maye laỹe' da naỹamaxataxac Ñim Nataxala' maye Qaica ca Ỹaqalanapec, maye netanguilo soua dos ne'enaqtaqa maye huo'oi na laua't. Qaq so Jofní qataq so Finés som dos llalqa so Elí, nache pa'atra'agueta da ilotrague' asa'aso arca maye laỹe' da naỹamaxataxac Ñim Lo'onatac 'Enauacna.

1 Samuel 3:13

Mashe sa'aqtaxanem ñimaye da sauo'o qome ca nhuaxanaguec soua llalqa souaxat da lle'etaxaloxo, cha'aye ñimaye mashe ỹaỹateetac da soua llalqa ỹataqta qauem na aỹem ỹasaxarelec la'aqtaqa qalaq saishet da nhuogaxalo.

1 Samuel 2:34

Qaq 'am sanem de'era la'anaxa't naua dos 'aỹa'alqa, Jofní qataq so Finés da hueraigui qome ca 'oonolec na'a'q da ileu'.

Éxodo 23:17

'Enauac na shiỹaxauapi iuen da tres da ỹe'eguelaxalec, da nachaateua'a Aỹem Nataxala' ye 'oonolec vi'i.

Jueces 21:19

Qalaxaye somayepi tachigui lauel co'ollaxa da ye 'oonolec vi'i, nache qaỹo'ot naxa so naponaxac lta'araic da qaỹo'oxoren Ñim Nataxala' huaña ye Silo, maye naña ye pa'aỹa'ague da sheu' ye Betel, qataq ye pa'aỹa'ague da nala' lliguisheguem so nqa'aic maye chegaqaua'a ye Betel, nache taỹa'a ye Siquén qataq pa'aỹa'ague da sheu' ye Lebona.

1 Samuel 2:19

Qaq naxa da inoxonec ye vi'i, nache aso late'e taua'a aso atamnaxaqui, nnaictague' so lhua da yaqto' ỹaareuo ana lachetaqtaxanaqte' da inoxonec ye vi'i. Nataqa'en asomaye ỹachetauo naxa na lo'onatac da yaqto' lapo' so nogotolec.

1 Samuel 14:3

Qaq so nhuomaigui lomaxaqui le'enaxat efod qalaq ỹachetac so Ahias, so llalec so Ajitob, qataq lasoshec so Icabod, som llalec so Finés, qataq laual so Elí, som ltaxaỹaxanaxanec Ñim Nataxala' co'ollaq huaña ye Silo. Qaq se'eso nhuo' le'ecpi saỹaỹaten co'ollaxa da jec so Jonatán.