1 Samuel 1:10 - La'aqtaqa Ñim Lo'onatac 'Enauacna 2013

¹⁰ Nache aso Ana nỹeetac, cha'aye ỹataqta lta'araic da laquicoxo, nache nqouagaxaunot Ñim Nataxala',

Toba del Oeste

¹⁰ Ana noyetac ca'li, nataq'aen lichigui ga'me lauel, qama'le netamenot ca'li ñe'me Jaliaĝanec.

1 Samuel 1:10 Referans Kwoze

Da na'aqtaguec so Job 7:11

Qaq ỹoqo'oye saishet da se'enaxaatai'. Qaq souaxat da ỹataqta lta'araic da ñiqui'ic qataq da ỹachetataic, qaq nachera da ỹo'ot da ñasaxarec ne'enaua ỹa'aqtaqa.

Lucas 22:44

Qaq co'ollaq mashe ỹaguec da nque'eenaxac, nache qaltaq nquigaxattec da na'añaxataxac da nqouagaxaunaxac, nache na nchelchaxa maye anactac, 'eeta'ama naua ntago'q da ñeeleguete na 'alhua.]

Da na'aqtaguec so Job 10:1

«¡Qaq aỹem mashe ñasamiisop da ñaq ñeca'altauec! Ỹoqo'oye ñematcheguem da ñasaxauec 'enauac na sa saỹamaxarenpi, qataq ñeqatsheguem 'enauac na ñequi'iguesat.

Salmos 91:15

Qataq qom aỹem iỹaxana, nache sasateguet, qataq soota'aguet qom huo'o da nque'eenaxac, qataq ñeca'alaxatec qome qataq sanem da ño'oxonnataguec.

Hebreos 5:7

So Cristo co'ollaq hueta'a ana 'alhua, qalaq Somaye ỹataqta ỹaguec da nqouagaxaunaxac da nqouagaxaueetacot Ñim Lo'onatac 'Enauacna, qataq ỹataqta nỹeeto'ot qataq nachoxoreetacot da sa ivireguet qanqa'en da l-leuaxa, cha'aye Ñim Lo'onatac 'Enauacna huo'o da la'añaxac da yaqto' ỹo'ot damaye. Qalaxaye So Cristo ye nache 'eetai' naxa da laxaraic, nache Ñim Lo'onatac 'Enauacna ỹasateguet da nqouagaxaunaxac.

Isaías 54:6

'Am qoneta'am co'ollaxa aca nhua maye ñaq qa'añole maye qaỹalat nache huo'o da laquicoxo qalaxaye Ñim 'Anatamnaxala' qaltaq ỹe'eguelaxalec da 'am iỹaxana nache 'eeta':

Jueces 21:2

Qaq co'ollaq ime de'era nache se'eso nhuo' le'ecpi laỹona't huaña ye Betel, ỹauaachigui Ñim Lo'onatac 'Enauacna nache palom da nỹeetacpi, qataq nachoxoreetac nache, 'eeta':

Lamentaciones 3:15

Ñim Nataxala', ỹataqta aỹem nlaxatchigui da ñequi'ic, qataq ỹataqta chem som aỹem nỹomaxangui.

Jeremías 22:10

Saishet da qanỹeñiilec ye nta'a Josías; qataq saishet da qanỹeñiilec da l-leuaxa, maye nacherata da qanỹeñiilec som llalec Salún, cha'aye jec qaq saishet qome da qaltaq da ñe'eguelaq, nache saishet qome da nauane' yem 'alhua maye lañoqo'.

Isaías 38:15

Qalaxaye cam sheeteco' ca ỹa'aqtac, ye nacheñi ñimaye da ỹo'ot damaye? Som ỹo'ochaxa qalaq jec souaxat da laquicoxo da ñachaalataxac.

Salmos 50:15

Qataq Aỹem 'aỹaxana qom huo'o ca 'anque'eenaxac, nache aỹem qome 'am ñepaxattalec, huaña nache 'am aỹem 'avio'oxoreetac.»

Da na'aqtaguec so Job 9:18

nache ỹo'ot da qaica naqa'en ca ldaqa' naua ỹa'a'che, qataq aỹem nlaxatchigui da ñequi'icỹaxac.

2 Reyes 20:3

«'Am Nataxala', 'am ñachoxonnot, da 'antoueeta'ac qome da ỹataqta 'am salaxaguet co'ollaxa, qataq ỹataqta imauec da iquiyaqteỹaxac da so'ot nam 'auaỹamaxareeta.» Nache so Ezequías ỹataqta lta'araic da nnoinaxac souaxat da laquicoxo.

Rut 1:20

Qalaxaye asomaye 'enapeco': «Saishet qome da qauỹaxañiỹa da ỹe'enaxat Noemí, maye nacherata da aỹem qauỹaxañiỹa Mara, cha'aye Ñim Qaica ca Ỹaqalanapec, aỹem ỹo'otec da qalota ỹaquicoxo.

Jeremías 13:17

Qalaxaye da saqaualaqai, nache aỹem sepa'axaatauo qome da ñenoinaxac souaxat da qaño'oxonnaxaqui, naua ỹa'ai'te qalaq huecolde'c qome naua ỹache', cha'aye ana lalopi qaguetapi Ñim Nataxala', qaỹauec qome da qaicoñe'.

2 Samuel 13:36

Nache co'ollaq choche ime da la'aqtaxanaxac somaye, nache nvireuo so llalaqpi so nta'a, nache somayepi ỹataqta nỹeetac, nataqa'en so nta'a, qataq so ltauapi somaye ỹataqta lta'araic da nnoinaxac.

Génesis 50:10

Qaq somayepi co'ollaq ivita ye no'onaxa maye lalamaxat so Atad maye pa'aigue da nala' lliguisheguem ye tala Jordán, qaq huaña yemaye nache qaỹo'ot so lta'araic nasouaxac qataq noinaxac. Qaq huaña yemaye, nache so José ỹo'ot so lasouaxac, ivittrec soua siete na'axa'te souaxat so lta'a.

2 Samuel 17:8

Cha'aye 'am, 'auaỹateeta da so 'arta'a, qataq so nalleppi ỹataqta 'añaxaicpi, qataq nagui camaye yo'oqta da ỹataqta denotac, 'eeta'am aca shiguiỹac da qaiuotaxaneque caua llalqa. Qataq so 'arta'a ye ỹataqta nalaataxaic, nache da pe qaq yo'oqta da saishet da ỹalectaigui so nalleppi.

1 Samuel 1:9

Qaq huo'o so na'a'q, co'ollaq huaña ye Silo, nache aso Ana ñisheguem co'ollaq imat da lquia'axac. Qaq so ntaxaỹaxanaxanec Elí nso'ootangui aso nso'onaxaqui, netaña so sa qaỹapeque so ñegueuo aso atamnaxaqui maye lalamaqte Ñim Nataxala'.

1 Samuel 1:11

nache ỹanot da la'aqtac, 'eeta': «'Am Nataxala' maye Qaica ca 'Auqalanapec, qom 'aula'a da lta'araic lhuogoxo ana'ana 'aramaxashe, qataq da aỹem 'auennata'a, nache 'auauo'o qome ca ỹalec. Nache camaye 'am sanot qome, da yaqto' 'enauaque naua na'axa'te da 'am do'onataxaatacot. Qataq 'Am sanot da ỹa'aqtac, da saishet qome da qanpetec na laue camaye.»

Proverbios 14:10

Añi nquiyaqte ỹauatton da maiche lalamaxat nqui'ic, qataq da lamaicỹaxac saishet da ỹaỹaten ca ỹaqa'a shiỹaxaua.

Génesis 30:1

Qaq aso Raquel, co'ollaq ila'a da saishet da deco'oiguet so Jacob, nache huo'o da lquiỹaxa aso lqaỹa Lea. Nache 'enapego' so lhua Jacob, 'eeta': «'Auauo'o qome ca ỹalaqpi, cha'aye da qaica ca ỹalaqpi, nache seleu qome.»