1 Samuel 1:1 - La'aqtaqa Ñim Lo'onatac 'Enauacna 2013

¹ Qaq se'eso nma' maye huaigui aye qasoxonaxapi ye Efraín, le'enaxat Ramá, nache netaña co'ollaxa so ỹale maye chegoxoguet so llalaqpi so Suf, qaq somaye le'enaxat Elcana. Somaye nache llalec so Jeroán qataq laual so Eliú. So lỹa lapi' co'ollaxa le'enaxat Tohu, som llalec so Suf, maye chegoxoguet som llalaqpi so Efraín.

Toba del Oeste

¹ 'Uo di'me noic jo'ne Ramá, 'naleua di'me Efraín, jo'ne 'lachaqa't gaa'me qajoĝona'a. Neta'ña ga'me jiyaĝaua jo'ne chiyoĝoguet di'me Suf, lenaĝat da'me Elcaná, jo'ne c'oĝot di'me Jeroham nataq'aen laual di'me Elihú, jo'ne c'oĝot di'me Tohu, c'oĝot di'me Suf, jo'ne mach'e chiyoĝoguet di'me Efraín.

1 Samuel 1:1 Referans Kwoze

1 Crónicas 6:34

qataq so Elcana, Jeroán, Eliel, Toaj,

1 Samuel 1:19

Qaq so lỹa na'a'q nache no'ottrashegue'm, qaq co'ollaq ime da nqouagaxaueetracot Ñim Nataxala', nache ỹe'eguelaxara so lma't yem Ramá. Ime, nache so Elcana qaltaq lauatapiguiñi' aso lhua Ana, nache Ñim Nataxala' tachigui lauel da lashelaxanaxac asomaye.

Rut 1:2

Qaq somaye le'enaxat Elimelec, qaq aso lhua le'enaxat Noemí, qaq soua dos llalqa le'enaxa't, Majlón qataq Quelión. Qaq soomaye Efrata lashe', maye nacheye ye Belén. Qaq co'ollaq ivitra yi'iye 'alhua Moab, nache neraña soomaye.

1 Samuel 17:12

Qaq huo'o so ỹale maye lma' ye Belén le'enaxat Yesé, maye co'ollaq huaigui da lo'onataxanaxac da nta'a so Saúl, nache somaye nale'ena da mashe ỹe. Qaq se'eso ỹale, ocho soua llalqa, qaq so David nache nataqa'en llalec somaye.

1 Samuel 9:5

Qaq co'ollaq ivita ye 'alhua Zuf, nache so Saúl 'enapego' so lamaxashec maye nnaictague', 'eeta': Qolaq, she'eguelaxasoq, ten ca ita'a yo'oqta da mashe ỹaguec da taỹapigui lauel qomi', qaq mashe saishet da taỹapigui lauel cam 'ashenapi souaxat qomi'.

Jueces 19:1

Qaq se'eso na'a'q co'ollaq saxanaxa da huo'o ca nta'a ye Israel, nache huo'o so leviita maye netaña co'ollaxa ye ỹataqta qaỹoqta 'alhua maye huaña ana qasoxonaxapi ye Efraín, nache somaye ỹauo'o lhua lỹa aso 'alo lma' ye Belén maye huaigui ye 'alhua Judá.

Jueces 17:1

Qaq ye 'alhua maye huaña aso qasoxonaxapi ye Efraín, nache netaña co'ollaxa so ỹale le'enaxat Micaía.

Mateo 27:57

Qaq co'ollaq mashe napaltapiguiñi, nache nvi' so ỹale sallaxanec le'enaxat José. Somaye lma' ye Arimatea. Somaye nataqa'en ỹa'amaqteetac So Jesús.

Jueces 12:5

Qaq so Galaad le'ecpi nqo'ona co'ollaxa da nauan som ñeguetapi da qotaitague da le'ego so Jordán maye lalamaxat som chegoxoguetpi so Efraín. Nache naxa som chegoxoguetpi so Efraín maye naneltaxaatac da huotaique da ỹa'axasoxoolec som ñeguetapi, nache somayepi inat, da Efraín le'ec. Qaq da 'enapec saishet,

Josué 24:33

Qaq co'ollaq ileu so Eleazar, som llalec so Aarón, nache qailareña aso lcomaraxalate maye lalamaqte so llalec Finés, maye qoỹanem co'ollaq huaña aye qasoxonaxapi ye Efraín.

1 Reyes 11:26

Qaq so Jeroboán, som llalec so Nabat, nataqa'en npa'aguene' co'ollaxa so Salomón, maye maiche ltaua co'ollaxa somaye. Qaq se'eso Jeroboán, somaye lma' ye huaqta'a't nỹecpi ye Seredá, qataq chegoxoguet so Efraín, qaq aso late'e somaye pa'ai, le'enaxat da Serúa.

Rut 4:22

qaq so Obed nache llalec so Yesé, qaq so Yesé, nache llalec so nta'a David.

1 Samuel 2:11

Qaq co'ollaq ime de'era, nache so Elcana ỹe'eguelaxa so lma' ye Ramá. Qaq som nogotolec, qalaq nache no'onañi da yaqto' do'onataxanot Ñim Nataxala', qalaxaye nache ilotague' somaye so ntaxaỹaxanaxanec Elí.

1 Samuel 7:17

Qaq naxa da ime, nache ỹe'eguelaxa ye Ramá, yem naña so lma'. Qaq nache netaña yemaye da ilotague' so Israel le'ecpi. Qaq nataqa'en nache naña naqa'en yemaye aso nauaxaỹaxaasheguem nca'atoxonaxalate da yaqto' lalamaqte Ñim Nataxala'.

1 Crónicas 6:22

Qaq som chegoxoguetpi so Quehat: Aminadab, Coré, Asir,

1 Crónicas 6:33

Qaq somayepi qataq so llalaqpi maye pa'aỹa'aguet da no'onaxanaxac, nache 'ena na le'enaxatpi: Nam chegoxoguetpi so Quehat, som no'onaxanaq Hemán, som llalec so Joel maye chegoxoguet so Samuel,

Jueces 4:5

Qaq asomaye hueto'ot naxa aso chaic da nso'ootañi, maye ñichiguinguilo na laiñi yeua Ramá qataq ye Betel maye huetraigui ye 'alhuapi maye huaña ana qasoxonaxapi ye Efraín. Qaq so Israel le'ecpi nache nqo'ona naxa som nauattonatac da le'enaxat «Nchaic aso Débora», da yaqto' ỹaỹamaxaañi ca camachaqca nam ncotaxacpi somayepi.

1 Samuel 9:4

Nache so Saúl qataq so lamaxashec je'c, ỹa'axasoxoorelec aye qasoxonaxapi ye Efraín, qataq taỹalec yem 'alhua Salisa, qalaxaye saishet da ỹanata aso 'ashenapi. Qataq nataqa'en taaleco' ye 'alhua Sagalin qataq yem na'alhua so Benjamín, qalaxaye ñaqaiyeta saishet da ỹanata.

1 Crónicas 6:12

qaq so Ajitob, nacheso so lta'a so Sadoc, qaq so Sadoc, nacheso so lta'a so Salún,