1 Pedro 1:14 - La'aqtaqa Ñim Lo'onatac 'Enauacna 2013

¹⁴ Qami' co'ollaxa da saxanaxa da qauauattoñi da no'on na'axaỹaxac maye na'aqtaguec So Jesucristo, nache qauo'ocheetac 'enauac nam qauem maye maiche qoñiitapeguec. Qalaxaye nagui iuen da imauec da qaualaqaiguet Ñim Lo'onatac 'Enauacna qoñiita'am ca ñalaqpi maye laxaraicpi.

Nuevo Testamento Toba Sur

¹⁴ Qaq cha'ayi qami' qoñiita'am ca ñalec mayi ÿataqta laxadaic, sa ishit qome da qau'ochi nam qoñiitapeguecpi co'ollaq saxanaxa da qauauattoñi ñi Dios.

Nuevo Testamento Toba Sombrero Negro

¹⁴ Ena'am ga'me nec'oĝot jo'ne yoqochiyeguet da'me namaĝajoĝoc, ena'te auauoyapiye jonaa'me adamaicodi' 'me jalchi'ena ami uetauelo joca'li jona'li auatetoñi joñe'me Dios,

1 Pedro 1:14 Referans Kwoze

Romanos 12:2

Qataq saishet da qoquiitague' da lataxac 'enauac na huetalec ana 'alhua. Nachaqrata da qanaralaxache' naua qarhuennataxacolli'. Qaq 'era da ishet da qauaỹachiñi maye ỹaỹamaxareeta Ñim Lo'onatac 'Enauacna, 'eeta': Cam 'onaxaic qataq cam qaỹaỹamaxareeta qataq cam nalochiguiñi.

Efesios 2:2

Qataq souaxat da qoquiitague' da qauem lataxac maye ỹo'ottac na shiỹaxauapi maye huetalec ana 'alhua. Qataq qauo'ocheetac na 'eetapeguecsat som saqcha'a maye damaxasoxonapec som ilotague' nam qauem saq cha'api na'añaxacpi qataq maiche ỹoiqueetac nam saishet da ỹalaxaguet Ñim Lo'onatac 'Enauacna.

1 Ts 4:5

Saishet da choche ỹauectac da qauem lqopitaxanaqtaic da ỹe'enaxat na sa ỹa'amaqten Ñim Lo'onatac 'Enauacna.

Romanos 6:4

Co'ollaq qomi' qanachelaxa'n, nache seleuaq qataq qarỹachiguiñi' Somaye da qomi' qailalyiñi. Qalaxaye seleuaq da yaqto' qomi' qanca'alaxatre'c. Qaq 'eeta'am co'ollaq Ñim Lo'onatac 'Enauacna maye Qarta'a da irolec da lta'araic la'añaxac da nca'alaxatec So Jesús, nache nataqa'en 'eetec de'era da qomi' ỹanema da achaalataxac maye dalaxaic maye ishet da qolaqto'ot.

Hechos 17:30

Qaq Ñim Lo'onatac 'Enauacna saishet co'ollaxa da iloguilo naua ne'enaxaco na shiỹaxauapi soua hua'au' vi'iye. Qalaxaye nagui Ñimaye 'enapega na shiỹaxauapi maye netaleguete naua ỹotta'a't 'aleu', da yaqto' ỹaxaare'c naua no'onataxaco.

Efesios 5:6

Qataq saishet qome da huo'o ca qami' ỹatenache't da qami' iroleguete naua napaxaguenataxanaxaco maye qaica ca naiguilo. Cha'aye ne'enaua sa ỹaỹamaxaayiñi, nachenaua naua chegoqchiguilo dam qaica ca 'ena'am da lchec layeloxo Ñim Lo'onatac 'Enauacna da ỹauo'o da nhuaxanaguec nam saishet da ỹalaq.

Deuteronómio 27:10

Qaq ỹoqo'oye ỹoqta qaualaqaiguet qome Ñimaye, qataq qauo'oche na lamaxasoxonaxacpi, qataq na lqataxacpi maye qami' samaxaleguete nagui.»