1 Pedro 1:1 - La'aqtaqa Ñim Lo'onatac 'Enauacna 2013

^1-2 Aỹem Pedro, maye aỹem lamaxashec So Jesucristo da sa'axat da na'aqtac, sequiitac 'enauac na ỹa'amaqten Somaye maye 'eeta'am ca ỹaqa'a ca chegaqa'ague maye lma' ye Ponto, Galacia, Capadocia, Asia qataq ye Bitinia. Qaq Ñim Lo'onatac 'Enauacna ipacchigui da maiche lapaqtañi, nache qami' lca'ateua'alo co'ollaxa da yaqto' ỹauo'oi qami' lalamaqa'ate. Qataq ỹachegoxotchigui So Saqcha'a Na'añaxac Qui'itta qataq da l-leuaxa So Jesucristo, da Ñimaye ỹapalaxat 'enauac na qarasouaxashechi da yaqto' qaualaqaiguet. Huo'o da iyaxa da Ñimaye ỹataqta qami' ỹauoteque qataq qami' ỹanema da qarlagaxayiqui.

Nuevo Testamento Toba Sur

¹ Aÿim Pedro, aÿim lamaxashic so Jesucristo, shiyiñi ana ÿide da samaxa 'enauac nam nlagaxattacpi mayi sa ishit da nqajleguete naua lañoqo'te, nam neta'alo yiua 'ale'u Ponto, Galacia, Capadocia, Asia, qataq yi Bitinia.

Nuevo Testamento Toba Sombrero Negro

¹ Jayem Pedro, da'me jayem lamaĝajec joñe'me Jesucristo, male ami jamaĝalo da'me yep'iyenataĝanaĝac, da'me ami jo'ne lagaĝaiquipi 'me oñita'ña ga'me jo'ne p'aye joga'me te'me at'achaqadi', gaa'me ale'u lael jo'ne lenaqa'te da'me Ponto, Galacia, Capadocia, Asia nataq'aen di'me Bitinia.

1 Pedro 1:1 Referans Kwoze

Santiago 1:1

Aỹem Santiago, aỹem so'onataxaatacot Ñim Lo'onatac 'Enauacna qataq So Qarataxala' Jesucristo, samaxa da iquinaxanaxac 'enauac na ỹa'amaqteetac So Cristo maye huetalec 'enauac ana 'alhua.

Hebreos 11:13

'Enauac se'eso shiỹaxauapi maye sa'axataqtac somayepi choche ivitta'a da ileu da saishet da ỹaconeguet cam chegoqo'ot Ñim Lo'onatac 'Enauacna maye ỹachaxanapeguem. Qalaxaye somayepi souaxat da huo'o da lpi'iỹaxac Ñim Lo'onatac 'Enauacna, nache ilota'a cam talec somayepi da ñaq qaỹoqta. Qalaxaye nache 'ena'am ỹataqta huo'o da ntonaxac, cha'aye somayepi ỹaỹaten da huetalec ana 'alhua qalaq 'eeta'am da ỹaqa'a ca chegaqa'ague da choche cara'ac da hueta'a anamaye.

Efesios 2:19

Qaq ỹoqo'oye qami' saishet da 'eco' ỹaqa'a ca qauachegoqỹa'ague naqa'en Ñim Lo'onatac 'Enauacna. Nachaqrata da nagui qami' qaualliquiitaigui nam lalamaxat lauo' Ñimaye qataq nataqa'en qanhuañiỹaua'a nam lalamaxatpi namayepi, cha'aye nagui mashe qaualliquiitaigui nam llalaqpi Ñim Lo'onatac 'Enauacna.

Salmos 44:11

Nache qomi' 'aỹa'aarec shenaqta'am aca qagueta da qaỹauega ca nalaataqa', qataq qomi' 'aulagaxatoiguilo na ỹotta'a't shiỹaxauapi.

Hechos 8:4

Qalaxaye nam nlagaxattacpi maye chegaqaña ye Jerusalén, namayepi ỹa'axattac da na'aqtac maye chegaqaigui da nca'alaxa, da huo'o da iviregue.

Juan 11:52

qaq saishet da nachaqnata nam judiopi, cha'aye nataqa'en 'enauac nam llalaqpi Ñim Lo'onatac 'Enauacna maye nlagaxattac da yaqto' lapona't.

Mateo 24:22

Ñim Lo'onatac 'Enauacna ỹataqta ỹauotec nam maiche lca'aguishecpi, ỹoqo'oye caua na'axa'te que'eca que'eenaxac saishet da qaỹoqtre'c naqa'en Ñimaye. Cha'aye da saishet da nache 'eetec de'era Ñimaye, nache 'enauac ileu na shiỹaxauapi.

1 Pedro 2:11

Qami' ñauochaxau' ỹaqaỹarolqa maye sa'amaqtenaqtac So Cristo, qami' qoñiita'am ca chegaqauec maye cara'acolec da hueta'a ana 'alhua. Saisheto' da qoquiitalec da maiche qaralamaxache qarqopitaxanaqtaiqui, cha'aye da qauo'oche damaye, nache qami' iqataqche't.

Ester 3:8

Qaq huaña nache so Amán 'enapega so nta'a Asuero, 'eeta': 'Enauac na nhuo' le'ecpi maye hueta'a nam 'alhuapi maye 'aulotague' 'am nta'a, huo'o na nhuo' le'ecpi maye saishet da nhuoiguet na laỹepi, huo'o na maiche lalamaxat nqataxacpi maye saishet da nateneguet na nqataxacpi maye lalamaxat na laỹepi nhuo' le'ecpi, qaq namayepi saishet da ỹalaxaguet na 'aramaxasoxonaxacpi 'am nta'a. Qaq saỹaỹamaxañi da ne'ena nhuo' le'ecpi, nache queta da 'aulotague' 'am nta'a.

Deuteronómio 28:64

Ñim Nataxala' 'am ilagaxatoigui qome ca ỹotta'a't shiỹaxauapi ana 'alhua, qaq huaña qome nache 'anatameetacot ca ỹaqa'a atamnaxala'pi maye 'epaq, qataq coma' maye 'am qataq so hua'au 'arta'alpi sa ỹauatton.

Deuteronómio 4:27

Qataq Ñim Nataxala' qami' ilagaxatoiguilo qome na ỹotta'a't shiỹaxauapi, nache da qoñiita saq 'amaqtaq qome ca ishet da nca'alec da netalec yi'iye 'alhua.

2 Pedro 1:1

Aỹem, Simón Pedro, so'onataxaatacot So Jesucristo, Som aỹem ỹamaq da sa'axatec da la'aqtaxanaxac. Qauacoñiiguet da iquinaxanaxac. So Jesucristo maye ñatamnaqtacot qataq Qarca'alaxaqui, Somaye ỹataqta no'on da lataxac qataq ichoxoren 'enauac da qoñiita, cha'aye qami' ỹo'oteque da qaupi'iỹa'ai Somaye 'eeta'am da qomi' ỹo'oteque da sepi'iỹaqa'a Somaye.

2 Corintios 1:8

Qami' qarqaỹañicpi, sauoqtaique da qauaỹaañita da qalota da souaqaigui da lta'araic qarqalaic qataq da qanque'eenaxac co'ollaq souaqta'a ye 'alhua Asia. Damaye ỹataqta lta'araic, ỹoqo'oye mashe sepetaqa'a da saishet da yaloxoguet. Mashe seviraqa'a da qaica ca qanaquitaxac da ñeca'alaqtauec.

Hechos 18:2

Qaq huaña yemaye, nache natena'aguet so judío le'ec le'enaxat Aquila. Somaye lma' co'ollaxa ye 'alhua le'enaxat Ponto. Qaq se'eso Aquila qataq aso lhua Priscila ñaq cha'aguelo da nvi't, chegoqtra'a ye 'alhua Italia. Quera'ai yemaye, cha'aye so lta'a na nta'alpi le'enaxat Claudio 'enapega 'enauac na judiopi da ca'ai ye 'alhua Roma. Nache so Pablo namaqtegalo' soomaye,

Ezequiel 6:8

Qalaxaye da qoñiita so'ot qome da huo'oi caua nca'aleeguesopa da nleuaxa nache queta da nca'altauec, nache laguelec qome na hueta'a nam ỹotta'a't shiỹaxauapi.

Apocalipsis 1:11

Qaq se'eso nvilỹaxac aỹem 'enapega, 'eeta': «'Auauo'o aca 'ere da 'iyiñi nam 'aulota'api, ime, qaq 'auamaxalo naua siete 'aleu' maye hueta'alo nam ỹa'amaqten So Jesús maye huetaigui ye 'alhua Asia, yem nỹecpi ye Éfeso, Esmirna, Pérgamo, Tiatira, Sardis, Filadelfia, qataq ye Laodicea.»

2 Timoteo 1:15

Qaq 'am mashe 'auaỹateeta da na 'amqaanataxanaxaicpi maye hueta'a ye Asia aỹem ỹalat. ¡Ivira'alo soua Figelo qataq so Hermógenes aỹem no'onaxatchiguilo!

1 Corintios 16:19

Na 'amqaanataxanaxaicpi maye netalec ne'ena 'alhua Asia, qami' ỹamaxalo da lquinaxanaxac. Ñi Aquila qataq añi lhua Priscila qataq na 'amqaanataxanaxaicpi maye lo'onaxanaqa' ye lma', namayepi ỹataqta qalota da lquinaxanaxac qami' ỹamaxalo, cha'aye qami' la'amqaanataxanaxau'.

Hechos 19:10

Qaq 'era da 'eetec, choche iviraxattraue'c soua dos vi'iye. Nache ỹataqta 'enauac na netaña ye 'alhua Asia, judiopi qataq nam saishet da judiopi, na'axaỹaxaatega da na'aqtaguec So Qarataxala' Jesús.

Hechos 18:23

Qaq co'ollaq mashe huo'oi soua na'axa'te da hueta'a yemaye, nache qaltaq inoxonec, quetaguilo yeua 'aleu' Galacia qataq ye Frigia, da ỹa'añaqchettac 'enauac na 'amqaanataxanaxaicpi.

Hechos 6:9

Nache huo'oi soua chegaqa'alo aca napaxaguenaxaqui na judiopi maye qaỹamata'ac Napaxaguenaxaqui na Ỹalleppi Huesochiguiñi, huaxaiguet so chegaqa'a ye nỹecpi ye Cirene, qataq ye nỹecpi ye Alejandría, qataq ye 'alhua Cilicia, qataq ye 'alhua Asia. Nache soomaye ncotatague' so Esteban.

Juan 7:35

Nache nam judiopi maiche nnattega't, 'eeta': –¿Chaq hua'ago' ca dataigue damaye da yaqto' saishet da sanataxa? ¿Qalqo' nqo'ona nam judiopi maye netaña na ỹaqa'a 'alhuapi, da yaqto' ỹapaxaguen nataqa'en nam saishet da judiopi?

Mateo 10:2

Qaq 'enaua naua le'enaqa'ate soua doce lapaxaguenataqa So Jesús maye lca'aua'alo da ỹauo'oi lamaxa'she: Simón da le'enaxat lỹa Pedro, qataq so lqaỹa Andrés; nataqa'en so Santiago qataq so lqaỹa Juan, maye llalqa so Zebedeo;

Mateo 4:18

Qaq huo'o so na'a'q So Jesús queto'ot so loigue aso lapel late'erai maye huaña ye Galilea. Nache ila'alo soua dos nqaỹa't ya'acoxoiqa: Simón Pedro qataq so lqaỹa Andrés, soomaye ya'acota'ape,

Levítico 26:33

Nache qami' selagaxaaleguete ca ỹaqa'a 'alhuapi, souaxat da ñeqatsheguem ca ỹainec da yaqto' qami' secaata'ape, ivitta'a da ỹataqta toolec ñaqa'en ca qana'alhuai, qataq ñelaxaañi ca qaralamaxache huaqta'a't nỹecpi.

Deuteronómio 32:26

Qaq Aỹem iuennataxa co'ollaxa da selagaxattac namayepi, qataq ỹataqta sapalaxat namayepi ana 'alhua,

Lucas 18:7

Qaq Ñim Lo'onatac 'Enauacna ¿peta'a saq 'eeteco' nataqa'en de'era, da iueelec cam lca'aguishec maye nachoxoreetacot Ñimaye naua na'axa'tesa'ache qataq naua pe'? Qaq ¿peta'a huo'o ca ỹectega? 'A'i saishet.