1 Juan 5:17 - La'aqtaqa Ñim Lo'onatac 'Enauacna 2013

¹⁷ 'Enauac nam ỹotta'a't qauemsat ỹo'ot na nasouaxashetpi, qalaxaye saishet da 'enauac na nasouaxashetpi da taỹa'a da nleuaxa.

Nuevo Testamento Toba Sur

¹⁷ Qaq 'enauac nam qauemsat naigui na nasouaxashitpi, qalaxayi huo'o ca nasouaxashit sa ishit da taÿa'a naq'en da nleuaxa ca shiÿaxaua.

Nuevo Testamento Toba Sombrero Negro

¹⁷ Yema gaa'me ja chimadichidiñe mach'e ja no'en. Qalaĝaja uo'oe gaa'me loeco joga'me jiyaĝadipi jo'ne maqachaĝa ja yovidetaĝateda'a da'me leleuaĝa.

1 Juan 5:17 Referans Kwoze

1 Juan 3:4

'Enauac nam ỹo'ot ca lasouaxashet, namayepi sa ỹalaxalec na lamaxasoxonaxacpi Ñim Lo'onatac 'Enauacna, cha'aye da nasouaxashet chegoqchigui da sa qaỹalaxaguet Ñim Lo'onatac 'Enauacna.

1 Juan 5:16

Da huo'otaq huo'o ca ỹauaachigui ca la'amqaanataxanaxaua da huo'o ca ỹo'ot lasouaxashet maye saishet da taỹa'a naqa'en da nleuaxa, qaq no'on da nqouagaxaueetalec camaye da yaqto' Ñim Lo'onatac 'Enauacna ỹami' ca lca'alaxa. Qalaxaye nache qoỹeetec de'era da qaỹaỹaten da ca nasouaxashet saishet da taỹa'a da nleuaxa. Cha'aye huo'o na nasouaxashetpi da dauegaqtaxana da nleuaxa. Qaq aỹem ñeshetaique da qami' shenapegalo da saishet da qanqouagaxauñiilec cam ỹo'ot de'era.

Santiago 1:15

Qaq nam qauem qarqopitaxanaqtaicpi, nachena nam qomi' ỹaueca'alo da so'otaq ca qarasouaxashet. Qataq da nachaqrata da souaqtaigui da so'otaqtac da qauem, nache 'oonolec dam qomi' iuatta'agueta, qaq damaye nachera da nleuaxa maye chochaq tatec.

1 Juan 2:1

Aỹem ỹataqta qami' sauoteque, 'eeta'am ñaqa'en da maiche qami' ỹalqa. Ỹoqo'oye qami' samaxalo ana ỹere da yaqto' saishet da huo'o ca qauo'oche qarasouaxashechi. Qalaxaye da huo'otaq huo'o ca huo'o ca lasouaxashet, nache So Jesucristo maye no'on da lataxac, Somaye qomi' detaqleguete da datato'ot Ñim Lo'onatac 'Enauacna maye Nta'a.

Isaías 1:18

¡Ñim Nataxala', 'eeta': «Ña qauanaqui da ñecotaỹaqapigui de'era lataxac, na'aictoxo' da ỹataqta togaxaraic na qarasouaxashichi, qalaxaye Aỹem so'ot qome da ỹataqta ỹapagaq 'eeta'am aca aloñi, na'aictoxo' da 'eeta'am ca ỹataqta togaxaraic nqo'oilliguishec hualoxolaỹi, qalaxaye Aỹem so'ot qome da ỹataqta ỹapagaq 'eeta'am ca qagueta laue.

Deuteronómio 12:32

Qaq ỹoqo'oye qauloitelec qome 'enauac nam qami' samaxaleguete, saishet da huo'o ca qanqotchiñiiuec, huo'otaq da qanqacheeua'a.

Deuteronómio 5:32

Qaq ỹoqo'oye ỹataqta qauo'oche, saishet da qauashaxañiiuec qome na qami' ỹamaxaleguete Ñim Nataxala' maye Qanatamnaxala'ai.