1 Juan 5:16 - La'aqtaqa Ñim Lo'onatac 'Enauacna 2013

¹⁶ Da huo'otaq huo'o ca ỹauaachigui ca la'amqaanataxanaxaua da huo'o ca ỹo'ot lasouaxashet maye saishet da taỹa'a naqa'en da nleuaxa, qaq no'on da nqouagaxaueetalec camaye da yaqto' Ñim Lo'onatac 'Enauacna ỹami' ca lca'alaxa. Qalaxaye nache qoỹeetec de'era da qaỹaỹaten da ca nasouaxashet saishet da taỹa'a da nleuaxa. Cha'aye huo'o na nasouaxashetpi da dauegaqtaxana da nleuaxa. Qaq aỹem ñeshetaique da qami' shenapegalo da saishet da qanqouagaxauñiilec cam ỹo'ot de'era.

Nuevo Testamento Toba Sur

¹⁶ Qaq da huo'otaq huo'o ca ÿauaachigui ca l'amqajnataxanaxaua da huo'o ca isoma'aguet lasouaxashit, da huo'otaq sa ishit da taÿa'a naq'en da nleuaxa, qaq no'on da nqouagaxaueelec camayi. Nachi ñi Dios ÿami' camayi da lca'alaxa, da huo'otaq que'eca lasouaxashit sa ishit da taÿa'a naq'en da nleuaxa. Cha'ayi huo'o ca nasouaxashit mayi taÿa'a naq'en da nleuaxa ca shiÿaxaua. Qaq sa ishit da shiitega da qanqouagaxaueelec que'eca nasouaxashit.

Nuevo Testamento Toba Sombrero Negro

¹⁶ Qama'le qom jauanaĝa ga'me qadaqayolec da'me yejamaĝatalegue da'me ya'uo ga'me loec jo'ne maqachaĝa ja yovidaĝa'ta da'me leleuaĝa, 'noota qom ñetamenaĝalegue, qaedi Dios yanem da'me netouenaĝac ga'me qadaqayolec. Qom naq'aeta ga'me loec 'me ya'uo jo'ne maqachaĝa ja yovidaĝa'ta da'me leleuaĝa, qama'le Dios yataqachiñe yanem da'me netouenaĝac. Qalaĝaja, 'uo ga'me loe'j gaa'me jiyaĝadipi jo'ne eja yovidaĝa'ta da'me leleuaĝa, qama'le naqaega loe'j jo'ne ja jaqanatetaq ta'le ñetamenaĝalegue.

1 Juan 5:16 Referans Kwoze

Jeremías 11:14

Qaq ỹoqo'oye 'am Jeremías, saishet qome da 'anatamen da 'auỹaxaalec ne'ena nhuo' le'ecpi, qataq saishet da aỹem 'aỹa'anot ca 'anatamnaxac qataq ca 'anachoxonnaxac da talec namayepi, cha'aye Aỹem saishet qome da sa'axaỹa namayepi da Aỹem iỹaxanot da setauan, qom mashe huetaigui que'eca qauem.

1 Samuel 2:25

Ca shiỹaxaua da nasouaxata'ai' ca lỹa, nache huo'o nam aloico lo'opi da nmit camaye, qalaxaye ca shiỹaxaua da nacheñi Ñim Nataxala' da hueto'ot ca lasouaxashet, ¿qaq negue't ca iueelec camaye?» Qalaxaye soomaye saishet co'ollaxa da ỹoqochetrega da la'aqtac so lta'a. Qaq ỹoqo'oye Ñim Nataxala' taỹa'a naqa'en da nqat da nachaalataxa'c soomaye.

Lucas 12:10

Qami' da huo'o ca qara'aqtaqui qauem da qauasaqailec Aỹem Shiỹaxaua Llalec, nache Ñim Lo'onatac 'Enauacna qami' ichoxore'n. Qalaxaye da huo'o ca qauem qara'aqtaqui da qauasaqailec So Saqcha'a Na'añaxac Qui'itta, nache Ñim Lo'onatac 'Enauacna saishet da qami' ichoxore'n.

Jeremías 14:11

Qaq huaña nache Ñim Nataxala' aỹem 'enapega, 'eeta': «Saishet qome da Aỹem 'auỹaxanot da 'auỹaxanaique ca laỹamaxa ne'ena nhuo' le'ecpi.

Jeremías 7:16

«'Am Jeremías, saishet qome da 'anatameelec ne'ena nhuo' le'ecpi, qataq saishet da aỹem 'anachoxoreetacot, qataq da aỹem 'auỹaxaatacot da 'auỹaxaateguelec namayepi, qataq saishet da Aỹem 'avi'eguelaqto'ot, cha'aye Aỹem saishet da 'am sa'axaỹa qome.

Números 15:30

Qalaxaye da huo'o ca shiỹaxaua da nache 'ena'anac da ỹo'ot ca lasouaxashet, na'aictaxa da Israel le'ec, huo'otaq chegaqauec, nache camaye Aỹem inogoqchet. Nache que'eca shiỹaxaua qanqateeguesop na lauo' le'ecpi,

Éxodo 34:9

'Eeta': «¡'Am Nataxala'! Qom ỹataqta 'eesa da aỹem 'auchoxoren, qaq no'on da nache qomi' qoueta'agueta qome. Aỹem saỹaten da ne'ena shiỹaxauapi ỹataqta 'eesa da sa ỹalaq, qalaxaye 'onaxaico' da 'auapalaxat qome na qarasouaxashet qataq na qaye'etaxaloxosat, qataq 'auacona da ỹataqta qomi' 'aralamqa'ate.»

Génesis 20:17

Qaq huaña, nache so Abraham nqouagaxaunot Ñim Lo'onatac 'Enauacna, nache Ñimaye qaltaq no'oita naqa'en so Abimelec, qataq aso lhua. Qataq nataqa'en nataren 'enauac aso l-latapi da yaqto' ishet da huo'o ca llalec.

Génesis 20:7

Qalaxaye nagui aña'añi 'alo 'avi'eguelaxatem qome ñi lhua, cha'aye ñimaye na'aqtaxanaxanec, qaq 'am nqouagaxaueelec qome da yaqto' 'anca'alec. Qalaxaye qom saishet da 'avi'eguelaxatem ñimaye, nache 'am 'aleu qome, qocañi' na 'aralamaxatpi.»

Salmos 106:23

Nache Ñim Lo'onatac 'Enauacna detaxaỹa co'ollaxa da ilaxachigui somayepi, qalaxaye souaxat so Moisés maye lca'aguishec Ñimaye, dataỹa'aguet co'ollaxa da yaqto' nqanaxat da lalemataic, nache Ñimaye saishet da ipaca'a da ilaxachigui.

Juan 17:9

Qaq Aỹem 'am ñachoxonnot, souaxat naamaye. Qaq saishet da ñachoxoreetapeguelec nam huetalec ana 'alhua, nachaqnauate' naua Aỹem 'aỹa'anema, cha'aye 'aralamqa'ate.

Ezequiel 22:30

Aỹem ñimittapigui ne'ena shiỹaxauapi, da huo'otaq huo'o ca iueelec ne'ena 'alhua, huo'otaq da Aỹem iỹaxanot da yaqto' saishet da selaxachigui, qalaxaye Aỹem saishet da sanata.

Números 12:13

Nache so Moisés nachoxonnot Ñim Nataxala', 'eeta': «'Am Ỹataxala', 'Am ñachoxonnot da 'anataren aramaye nagui.»

2 Timoteo 4:14

So lcat lo'o, le'enaxat Alejandro, ỹataqta qalota na aỹem ỹo'otec qauem. Qalaxaye So Qarataxala' isheeteneguet qome 'enauac nam aỹem ỹo'otecpi.

1 Samuel 12:19

Qaq ỹoqo'oye 'enauac somayepi 'enapega so Samuel, 'eeta': 'Anachoxonnot qome Ñim Nataxala' maye 'Anatamnaxala', nache 'auỹaxaalec ne'ena 'aramaxashecpi, yaqto' saishet da seleuaq, cha'aye co'ollaq seỹaxanaqaique ñi qarta'a nache maiche ñequigaxataxauec da qarasouaxashet.

1 Juan 5:17

'Enauac nam ỹotta'a't qauemsat ỹo'ot na nasouaxashetpi, qalaxaye saishet da 'enauac na nasouaxashetpi da taỹa'a da nleuaxa.