1 Juan 5:14 - La'aqtaqa Ñim Lo'onatac 'Enauacna 2013

¹⁴ Qomi' huo'o da qarpi'iỹaxac Ñim Lo'onatac 'Enauacna, cha'aye saỹatenaq da qomi' hua'axaỹalo da seỹaxanaqot Ñimaye da seỹaxanaqaique ca ỹaỹamaxareeta.

Nuevo Testamento Toba Sur

¹⁴ Qaq ÿataqta sa ishit da ñi'aloxonaqto'ot ñi Dios, cha'ayi qomi' saÿajnaqta da huo'otaq seÿaxanqaique ca ÿaÿamaxadeeta ñimayi, qalaq ishit da qomi' hua'axaÿalo.

Nuevo Testamento Toba Sombrero Negro

¹⁴ 'Uo da'me qadeuataqataĝanaĝac joñe'me Dios, qa'a jayatenaq queda'me qom 'uo ga'me jo'ne jiyaĝanaqaque, qom naq'aeta da'me loequenataĝanaĝac joñe'me, qama'le qo'mi naquiaĝanalo.

1 Juan 5:14 Referans Kwoze

Juan 14:13

Qaq 'enauac nam qauỹaxañiỹaique da qoviilec da ỹe'enaxat, nache Aỹem so'ot, yaqto' ne'ena Llalec Ñim Lo'onatac 'Enauacna ishet da ỹachaxan da llo'oxoyec Ñim Lta'a.

Jeremías 33:3

Aỹem 'aỹaxana qome, nache Aỹem 'am sasateguet, nache 'am sa'axatem cam lataxac maye ỹataqta lta'araic, qataq saqcha'a maye 'am sa 'auaỹaten.

Juan 15:7

Qaq qami' da nache 'eetai' da Aỹem qana'ayeetaua'a, qaltaq qaualaqaiguet 'enauac nam qami' sapaxagueneque, nache Ñim Ita'a qami' ỹanema 'enauac cam qauỹaxañiỹaique.

Salmos 34:17

Ñim Nataxala' ỹataqta hua'axaỹa da natamnaxac nam no'on da lataxac, qataq isoueeguesop 'enauac da laquicoxo.

Santiago 4:3

Qaq da ivita da qauỹaxañiỹaique, qalaq qauem da qarquiquiaxaqui, cha'aye souaxat da qansheetaique da choche taigui qanqa'eñi da qarqopitaxanaqtaiqui.

Juan 9:31

Qomi' saỹaanaqta da Ñim Lo'onatac 'Enauacna saishet da hua'axaỹa na 'etaxaloxoicpi; chaqnata nam ỹo'oxoreetac qataq ỹo'ot cam 'eetapeguec Ñimaye.

Efesios 3:12

Qaq ỹoqo'oye So Cristo nacheso so chegoqchigui da qarpi'iỹaxac qataq qomi' huesochiyiñi da ñequigaxaua'a Ñim Lo'onatac 'Enauacna, qaica ca sho'oqtaique.

Juan 16:24

Qaq choche ivitta'a nagui da qami' saxanaxa da huo'o ca qauỹaxañiỹaique da qoviilec da ỹe'enaxat. Qaq qauỹaxañi qome, nache qauacoñiiguet ca qauỹaxañiỹaique, yaqto' ỹataqta qami' nlaqchiguilo da qantonaxaqui.

1 Juan 2:28

Qaq ỹoqo'oye nagui qami' ỹalqolqa, no'on da nache qoquiito'ot da qana'ayeetaua'a So Cristo. Yaqto' qom ñe'eguelaq Somaye, nache nda'a't da qanaquitaxac, qaq saishet da huo'o ca qara'aloxo souaxat da ỹauo'o ca qanhuaxanaguec.

Proverbios 15:29

Ñim Nataxala' qaỹoqtaique naqa'en na qauemaicpi, qalaxaye hua'axaỹa da natamnaxac ca no'on da lataxac.

Santiago 5:16

Qaq ỹoqo'oye ñi 'oonolec da qoñiita da'aqtaxanem ca lỹa ca lasouaxashet, qataq ñi 'oonolec nqouagaxaueetalec ca lỹa, yaqto' Ñim Lo'onatac 'Enauacna qami' natare'n. Da nqouagaxaunaxac ca no'on shiỹaxaua ỹataqta huo'o da la'añaxac, cha'aye Ñim Lo'onatac 'Enauacna ỹataqta hua'axaỹa.

Salmos 69:33

cha'aye Ñim Nataxala' hua'axaỹa na choxoraqpi, qataq saishet da ỹo'otan na lalamaxatpi maye qaicoñettai'.

Salmos 31:22

Cha'aye can souaigui da ñiqui'ic, nache sheeta': «Yo'oqta da aỹem 'auo'orauec», qalaxaye co'ollaq 'am seỹaxanot da aỹem 'autauan, qalaq 'am 'aua'axaỹa da iỹaxanaxac.

Hebreos 10:35

Qaq ỹoqo'oye saishet qome da qaỹa'axañiiuec da qarpi'iỹaxaqui Ñim Lo'onatac 'Enauacna, cha'aye da nache qoñiitec de'era, nache qauacoñiiguet ca lta'araic qaraviguiiqui.

Hebreos 3:14

Cha'aye da hua'auchiguiñi, co'ollaq sepi'iỹaqa'a So Cristo, nache chegoqchiguiña da qartaua Somaye; qaq da saishet da saxanaxauec da qarpi'iỹaxac Somaye, nache nataqa'en nache 'eetai' da qartaua.

Juan 11:42

Qaq Aỹem saỹaten da 'am, nache 'eetai' naxa da Aỹem 'aua'aqtega. Qalaxaye Aỹem shenapec de'era souaxat nam shiỹaxauapi maye hueta'a ne'ena, yaqto' namayepi ishet da ỹa'amaqten da 'eesa da Aỹem 'aramaxashec.

Da na'aqtaguec so Job 34:28

Nache ỹo'otec da iviro'ot Ñim Lo'onatac 'Enauacna da la'alaxac na choxoraqpi, qataq da huetaiya' qanqa'en, nache Ñimaye hua'axaỹa de'era la'alaxac namayepi.

Hebreos 3:6

Qalaxaye So Cristo, som Llalec Ñim Lo'onatac 'Enauacna, Somaye ỹataqta laxaraic qataq itauan nam lalamaxatpi Ñimaye. Qaq qomi' nache qaraỹepi ne'ena lalamaxatpi Ñimaye da qolaqtot da ña'añaxataxac da qarpi'iỹaxac qataq da ñetonaqtapeguec cam nca'alaxa maye saconaxaguet qome.

1 Reyes 3:12

Qaq Aỹem, so'ot qome da 'auỹaxaneua'a, nache 'am sanem ca naỹaanec, qataq da nauattonaxanaxac, maye qaica cam hueto'ot som hua'aupi qataq cam 'am ca'atalecpi qome.

Salmos 145:19

Ñimaye ipacchigui naqa'en nam 'eetapeguecpi nam huo'o naq 'enec naqa'en Ñimaye, qataq hua'axaỹa da lỹaxanaxac namayepi nache nca'alaxatec.

Proverbios 10:24

Cam ñe'etapeeguet ca qauemaic qaq nacheca ca naỹa'a camaye, qaq ca no'on da lataxac qalaq ipacchiguilo naua no'o'n lhuennataxaco.