1 Juan 5:12 - La'aqtaqa Ñim Lo'onatac 'Enauacna 2013

¹² Da ña'araqtaua'a So Llalec Ñim Lo'onatac 'Enauacna, nache huo'o da qarca'alaxa chochaq tatec. Qaq da saishet da ña'araqtaua'a Somaye, nache qaica ca qarca'alaxa chochaq tatec.

Nuevo Testamento Toba Sur

¹² Qaq cam n'attau'a so llalec ñi Dios, qaq camayi nataq'en hueto'ot de'eda nca'alaxa. Qaq cam sa ishit da n'attau'a somayi, qaq sa ishit da hueto'ot de'eda nca'alaxa.

Nuevo Testamento Toba Sombrero Negro

¹² Joga'me jo'ne ue'tajop joñe'me Dios Lec'oĝot, nach'e ena'am yauana da'me dojo' 'loyaĝac, qalaĝaja ga'me jo'ne ja ue'tajop joñe'me Dios Lec'oĝot, ja yauana joda'me 'loyaĝac.

1 Juan 5:12 Referans Kwoze

Juan 3:36

Qaq cam ỹa'amaqten na Ñalec, nache camaye huo'o da lca'alaxa chochaq tatec. Qaq cam saishet da ỹa'amaqten, nache camaye saishet da taỹot de'era nca'alaxa, nachaqrata da huetalec camaye dam qaica ca 'ena'am da lchec lhuaxanaxanaxac Ñim Lo'onatac 'Enauacna.

Juan 5:24

Qaq ỹataqta 'eesa de'era qami' sa'axatema, da ca na'axaỹaxana de'era sa'axattac, qataq ỹa'amaqten Ñim Aỹem namaq, nache camaye mashe inoxoneua'a da lataxac da nca'alaxa maye qaica ca loga't. Qaq camaye nataqa'en saishet da qaỹauo'o qome ca nhuaxanaguec, cha'aye mashe sogote da ca'ai da nleuaxa da inoxoneua'a da nca'alaxa.

Juan 3:15

yaqto' 'enauac nam Aỹem ỹa'amaqten, nache saishet da ileu, nachaqrata da huo'o da lca'alaxa maye chochaq tatec.

Juan 1:12

Qalaxaye nam ỹaconeguet qataq ỹa'amaqten, qaq nachena na ỹoqta 'itchiguiñi da llalaqpi Ñim Lo'onatac 'Enauacna.

1 Corintios 1:30

Qaq Ñimaye nallegoxottela't da qana'ayeetaua'a naqa'en So Cristo Jesús, qataq chegoqchigui naqa'en Somaye da qaraỹaanec. Qataq chegoqchigui naqa'en Somaye da qomi' ỹaỹamaxareete' Ñimaye, qataq da qomi' lalamaqa'ate, qataq da saconaxaguet ca nca'alaxa chochaq tatec.

Marcos 16:16

Qaq ca Aỹem ỹa'amaqten, nache qanachelaxan, yaqto' camaye nca'alec. Qalaxaye ca saishet da Aỹem ỹa'amaqten, nache camaye saishet da saconeguet.

2 Juan 1:9

Da saishet da qoquiitegue nam qami' ỹapaxagueneque So Cristo, nache Ñim Lo'onatac 'Enauacna saishet da qami' hueta'agueta. Qalaxaye da qana'añaxacheetec dam qami' ỹapaxagueneque Ñimaye, nache Ñim Lo'onatac 'Enauacna maye Nta'a qataq So Llalec nache 'eetai' da qami' hueta'agueta.

Hebreos 3:14

Cha'aye da hua'auchiguiñi, co'ollaq sepi'iỹaqa'a So Cristo, nache chegoqchiguiña da qartaua Somaye; qaq da saishet da saxanaxauec da qarpi'iỹaxac Somaye, nache nataqa'en nache 'eetai' da qartaua.

Gálatas 2:20

Cha'aye aỹem sogote nataqa'en da seleu, iỹatcheguem So Cristo co'ollaq qaiuaxaneguet so npe'enaxaqui. Qaq ỹoqo'oye nagui saishet da maiche ỹalamaxat da ñachaalataxac, cha'aye nacheso So Jesucristo som aỹem nachattaigui. Qaq nagui ñeca'altauec souaxat da ipi'iỹaxac som Llalec Ñim Lo'onatac 'Enauacna, cha'aye Somaye aỹem ỹauotec qataq nañaneguet da l-leuaxa da yaqto' aỹem nca'alaxatec.