1 Juan 5:10 - La'aqtaqa Ñim Lo'onatac 'Enauacna 2013

¹⁰ Da sepi'iỹaqa'a So Llalec Ñim Lo'onatac 'Enauacna, huaña, nache sa'amaqtenaq dam ỹa'axattac Ñim Lo'onatac 'Enauacna. Qalaxaye nam saishet da ỹa'amaqten Ñim Lo'onatac 'Enauacna, nache 'eeta'am naqa'en da tenataxanaxaic Ñimaye, cha'aye saishet da ỹa'amaqten dam la'aqtaxanaxac Ñim Lo'onatac 'Enauacna co'ollaq ỹa'axattac So Llalec Jesucristo.

Nuevo Testamento Toba Sur

¹⁰ Qaq cam i'amaqten so llalec ñi Dios, nachi camayi huetaigui añi lquiyaqte de'eda n'aqtaxanaxac. Qaq cam sa ishit da i'amaqten ñi Dios, nachi camayi 'eeta'am da shipecaic naq'en ñimayi. Cha'ayi sa ishit da i'amaqten da l'aqtaxanaxac ñi Dios co'ollaq i'axat so llalec.

Nuevo Testamento Toba Sombrero Negro

¹⁰ Joga'me jo'ne p'iya'a joñe'me Dios Lec'oĝot yachitaue ga'me lauel da'me dojo' Dios 'laqataĝanaĝac; ga'me jo'ne ja p'iya'a joñe'me Dios qamqa'me en pecaic joñe'me, qa'a ja p'iya'a da'me 'laqataĝanaĝac joñe'me queda'me dechoqotaĝanec joñe'me Lec'oĝot.

1 Juan 5:10 Referans Kwoze

Romanos 8:16

Se'eso Saqcha'a La'añaxac Ñim Lo'onatac 'Enauacna huaxaiguet so saqcha'a qarca'alaxa, nache ỹataqta 'itchiguiñi naqa'en da qomi' llalqa Ñimaye.

Gálatas 4:6

Qaq nagui da mashe qami' llalqa, nache Ñim Lo'onatac 'Enauacna qami' namaxalo So Saqcha'a La'añaxac So Llalec da yaqto' qami' hueta'agueta. Qaq ỹoqo'oye da ñeqouagaxaunaqot Ñim Lo'onatac 'Enauacna, nache So Saqcha'a La'añaxac qomi' ỹanema da seỹaxanaxa Ñimaye, shenaqta': «Ita'a, 'am ỹauotaxat ito'olec.»

Juan 3:33

Qaq da huo'o ca ỹa'amaqten camaye, nache que'eca da'amqaanataxan, ỹataqta 'eesa naqa'en cam 'enapec Ñim Lo'onatac 'Enauacna.

Juan 5:38

Qaq naua nanettrañi la'aqtaqa Ñimaye nataqa'en saishet da qami' taiguilo, cha'aye qami' saishet da qaua'amaqchiñi Aỹem maye Aỹem namaq Ñimaye.

Hebreos 3:12

¡Qami' ỹaqaỹa't, maxatchaxa qome! Saishet da qauennacheetega ca qauem qataq saishet da qaỹa'axañiiuec da qanaquitaxaqui, yaqto' saishet da qoquiỹa'ai Ñim Lo'onatac 'Enauacna maye chochaq tatec da nca'altauec.

Números 23:19

Ñim Lo'onatac 'Enauacna saishet da 'eeta'am ca shiỹaxaua, Ñimaye saishet da datenataxan, qataq sa naralaxat ca lhuennataxa. Cha'aye da huo'o ca ỹan la'aqtac, qalaq ipacchigui da ỹo'ot. Qataq da huo'o ca ỹachaxanapec qalaq ipacchigui da ỹan.

1 Juan 5:1

Da sa'amaqtenaq So Jesús da nacheso So Lca'aguishec Ñim Lo'onatac 'Enauacna, nache 'eesa da qomi' llalaqpi Ñimaye. Cha'aye da sauotaxac Ñim Nta'a, nache iuen nataqa'en da sauotaxac na llalaqpi Ñimaye.

1 Juan 1:10

Qataq da shenaqtega da saishet da huo'o ca so'otaq qarasouaxashet, nache qomi' so'otaxac Ñim Lo'onatac 'Enauacna da 'eeta'am ca tenataxanaxaic, qataq saishet da qomi' netaiguilo da la'aqtac maye qomi' ỹanema.

Salmos 25:14

Ñim Nataxala' ỹataqta nauochaxaua nam huo'o naq 'enec naqa'en Ñimaye, qataq ỹauattonaxanaxanec da naỹamaxataxac Ñimaye.

Apocalipsis 2:17

Qaq cam huo'oi naua ltela lauaco, qaq no'on da na'axaỹaxana da la'aqtac So Saqcha'a La'añaxac Ñim Lo'onatac 'Enauacna da 'enapega na 'amqaanataxanaxaicpi, 'eeta': Nam saishet da iqallem na lqalaiguesat maye ivireguet, qataq queta da ỹa'amaqteetac Aỹem, nache sami' da chec aca Maná maye saqcha'a, chegoqo'ot Ñim Lo'onatac 'Enauacna, qataq nataqa'en sami' ca coma' lapagaxaic. Qaq que'eca coma' nanettalec ca dalaxaic ne'enaxat maye qaica ca ỹaỹaten, nachaqcata cam ỹaconeguet maye ỹaỹaten que'eca ne'enaxat.›»

Colosenses 3:3

Cha'aye qami' mashe qarleuaxauai So Cristo, qaq nagui da qanachaalataxaqui hueto'ot Somaye da na'attaua'a Ñim Lo'onatac 'Enauacna.

Proverbios 3:32

cha'aye Ñim Nataxala' ỹataqta ỹaỹemec na qauemaicpi, qalaxaye nauochaxaua ca no'on da lataxac.

Apocalipsis 12:17

Qaq ỹoqo'oye se'eso shiguiỹac leguemaxaic ỹataqta dalemataỹa asa'aso 'alo, nache jec da iloquiaxan na no'onañi llalaqpi asomaye, qaq damaye 'eeta', nam ỹataqta ỹalaxaguet nam lamaxasoxonaxacpi Ñim Lo'onatac 'Enauacna, qataq saq ỹaxanec da lpi'iỹaxac So Jesús.

2 Pedro 1:19

Qaq aỹem ỹataqta 'eesa ñaqa'en de'era la'aqtaxanaxac Ñim Lo'onatac 'Enauacna maye ỹa'axattac co'ollaxa so la'aqtaxanaxanecpi Ñimaye. Qaq ỹoqo'oye qami' ñachoxoreetoiguilo da ỹataqta qana'axaỹaxañiỹa de'era na'aqtaxanaxac, cha'aye damaye nachera da qami' da'aqtaxanema da 'eetec da qanachaalataxaqui, choche ivitta'a que'eca na'a'q qom ñe'eguelaq So Cristo, nache naralaxat da qanachaalataxaqui.

Juan 3:16

Cha'aye Ñim Lo'onatac 'Enauacna ỹataqta lta'araic da lauotaxanaqtaic na shiỹaxauapi ana 'alhua, nache ỹan na 'oonolec Llalec. Yaqto' 'enauac nam ỹa'amaqten namaye saishet da ileu, nachaqrata da huo'o da lca'alaxa maye chochaq tatec.

Isaías 53:1

¿Negue't qome ca ỹa'amaqten da qara'aqtaxanaxac? Qataq Ñim Nataxala' ¿negue't cam ỹachaxana dam la'añaxac?

Da na'aqtaguec so Job 24:25

Qaq da saishet da nache 'eetec de'era, qaq ¿negue't ca ishet da 'enapec da saq'en da shenapec, qataq ishet da ỹa'axat da saq 'eesora naua ỹa'aqtaqa?

Jeremías 15:18

¿Ta'ainco' da saishet da vi'iiguet da ñequi'ic? ¿Ta'ainco' da ique'emaxa da qaica ca lata', qataq saisheteguet ca lata'? Nache 'Am 'avi'eguelaxa da qoneta'am ca lqashelgaxa na 'alhua maye 'eeta'am ca lqashelgaxa ca 'etaxat.

Juan 3:18

Ca ỹa'amaqten na Llalec Ñim Lo'onatac 'Enauacna, nache camaye saishet da huo'o ca nhuaxanaguec. Qalaxaye cam sa ỹa'amaqten Namaye, nache sogote da huetalec da huo'o da nhuaxanaguec qanqa'en, souaxat da saishet da ỹa'amaqten na 'oonolec Llalec Ñim Lo'onatac 'Enauacna.

Gálatas 4:1

Qaq dam sauotaique da sa'axat, 'eeta': Ca ñalec da ñaq saxanaxa da ỹe, nache 'ena'am ca camachaqca nlatac qaltaq deuaqto'ot cam shiỹaxaua maye ilotague' qataq ỹapaxagueetac, choche ivitta'a ca na'a'q da ca lta'a ỹami' 'enauac da lsallaxa da talec naqa'en da ỹauo'o lalamaxat camaye.

Hechos 8:37

[Nache so Felipe 'enapego' somaye, 'eeta': Da ỹataqta imauec da 'arquiyaqteỹaxac da 'aua'amqaanataxan nache ishet da 'am ñachelaxan. Nache se'eso ỹale 'enapeco' aỹem sa'amaqten da so Jesucristo nacheso so Llalec Ñim Lo'onatac 'Enauacna.]