1 Juan 4:21 - La'aqtaqa Ñim Lo'onatac 'Enauacna 2013

²¹ Qaq So Jesucristo qomi' ỹanema de'era lamaxasoxonaxac, 'eeta': «¡Qauauochec Ñim Lo'onatac 'Enauacna, qataq ñi 'oonolec ỹauotec ca lqaỹa!»

Nuevo Testamento Toba Sur

²¹ Qaq ñimayi qomi' ÿanema da lamaxasoxonaxac, 'eeta': Ca ÿauotec ñi Dios, qaq no'on da nataq'en ÿauotec ca lqaÿa.

Nuevo Testamento Toba Sombrero Negro

²¹ Dios joote qo'mi yanema dojo' lamaĝajoĝonaĝac: queda'me ta'le qadoqopita joñe'me Dios, 'noota qom nach'e ena'am ñoqopitaqapega't.

1 Juan 4:21 Referans Kwoze

Levítico 19:18

Saishet da huo'o ca ipalaique lvi' da ỹe'enaxata'aguet ca qaỹo'otec, qataq saishet da nache queta da nquiỹatega ca lỹa da huo'o ca ỹasouaxat. Nacherata da ỹauotec ca lỹa, 'eeta'am da ỹauotec da maiche nachaalataxac. Qaq 'era da ỹa'aqtac, Aỹem Nataxala'.

1 Juan 3:11

Cha'aye dam chegoqta'ague da qami' qaỹapaxagueetegueque da ñi 'oonolec da shenaqta, iuen da ỹataqta ỹauotec ca lỹa.

1 Ts 4:9

Qaq da lataxac da qanauote' ca na'amqaanataxanaxaua, sa iuen da shiyiñi, cha'aye Ñim Lo'onatac 'Enauacna mashe qami' ỹapaxagueneque da 'eetec da qaỹauotec ca nỹa.

1 Pedro 3:8

Qaq da pa'atec, qami' iuen da qoviitaigui da 'oonolec da qarhuennataqai, qataq ñi 'oonolec ỹataqta ỹauotec ca lỹa qataq qanaỹaañeta't, yaqto' nache 'eetai' da qana'ayeeta'a't. Qataq ỹataqta qami' soxoraiqa, qataq huesota da qarataxaqui.

Gálatas 5:14

Cha'aye 'enauac na lqataxacpi Ñim Lo'onatac 'Enauacna 'oonolec da lataxac maye imatta't namayepi, 'eeta': «Ñi 'oonolec iuen da ỹauotec ca 'ena'am lỹa, 'eeta'am da lauotaxanaqtaic da maiche nachaalataxac.»

Juan 15:12

Qaq dam ỹamaxasoxonaxac maye qami' sanema 'eeta': Ñi 'oonolec da qoñiita ỹataqta ỹauotec ca lỹa, 'eeta'am da 'eetec da ỹataqta qami' sauoteque.

1 Juan 3:23

Qaq dam lamaxasoxonaxac Ñimaye qomi' 'enapegalo da sa'amaqtenaq So Llalec Jesucristo, qataq ñi 'oonolec da shenaqta ỹataqta ỹauotec ca lỹa, ipagaqchiichigui dam qomi' ỹamaxaleguete So Jesús.

1 Juan 3:14

Cha'aye de'era nsoxoyec maye qomi' hueto'oto ỹachaxan da mashe saishet da qomi' leuaxaiqa, nachaqrata da nagui ñeca'alaqtauec. Qalaxaye ñi 'oonolec da qoñiita da saishet da ỹauotec ca lỹa, nache damaye naigui da ñaq qoviitaigui da la'añaxac da nleuaxa.

1 Pedro 4:8

Qalaxaye ỹataqta ỹactec qanqa'eñi da qarauotaxanaqtaiqui ca qarỹai, cha'aye da nsoxoyec nachera da ỹapalaxat na nasouaxashetpi.

Lucas 10:37

–Qomye som huo'o da ltaunaxanaxac somaye, qataq ilotague', 'enapeco' som dapaxaguenataxaatapeguec na namaxasoxonaxacpi. Nache So Jesús 'enapeco': –'Aue, qojec, nataqa'en 'auo'ot qome de'era.

1 Juan 4:11

Qami' ỹalqolqa, Ñim Lo'onatac 'Enauacna da nache 'eetec da lauotaxanaqtaic da shenaqta, nache nataqa'en qomi' iuen da ñi 'oonolec ỹataqta ỹauotec ca lỹa.

Gálatas 5:6

Ỹataqta huo'o da qana'achecỹaxac chegoqchigui dam ỹo'ot So Cristo, qaq na'aictaxa da huo'o ca la'anaxat na qaro'oc huo'otaq qaica. Cha'aye dam ỹataqta huo'o da naigui nachera da qarpi'iỹaxac So Cristo, qaq de'era qarpi'iỹaxac qomi' ỹo'oteque da sauotaxac na laỹepi shiỹaxauapi.

1 Juan 3:18

Qami' ỹalqolqa, saisheto' qome da ndotre'c naua qara'aqtaqa da shenaqtega da huo'o da qarsoxoyec, nachaqrato' qome da iuen da sachaxanaq da qarsoxoyec chegoqchigui ca so'otaq.

Mateo 5:43

'Era nataqa'en da lỹa damaxasoxoolec so Moisés soua qaỹoqteguelo vi'iye, 'eeta': «'Auauotec ca 'arqaỹa, qalaxaye ỹataqta 'anquiỹa ca 'am ipa'agueetac.»

1 Juan 2:7

Qami' ỹaqaỹa't maye sa'amaqtenaqtac So Cristo, aỹem saishet da qami' saateguema ca dalaxaic namaxasoxonaxac. Nachaqrata dam namaxasoxonaxac maye qami' ỹanema Ñim Lo'onatac 'Enauacna co'ollaxa. Qaq de'era namaxasoxonaxac damaye ỹataqta nache 'eetai', Qaq damaye qami' mashe qauaỹachiñi.