1 Juan 4:18 - La'aqtaqa Ñim Lo'onatac 'Enauacna 2013

¹⁸ Ca shiỹaxaua maye huo'o da lauotaxanaqtaic, camaye saishet huo'o ca ñe'etaique. Cha'aye cam hueta'a da nsoxoyec, nache qaica ca ncolanaxa. Nachaqrata da que'eca 'eesa nsoxoyec, camaye ỹo'orauec da ncolanaxa. Da huo'o ca huo'o da lcolanaxa da Ñim Lo'onatac 'Enauacna ỹauo'o ca nhuaxanaguec, qaq camaye saxanaxa da ỹaỹaten da dauotaxanaqta.

Nuevo Testamento Toba Sur

¹⁸ Qaq cam hueta'ague de'eda nauotaxanaqtaic, nachi sa ishit da huo'o ca ncolanaxa. Cha'ayi de'eda nauotaxanaqtaic mayi nalochiguiñi, damayi i'odauec ca ncolanaxa. Cha'ayi de'eda ncolanaxa, damayi ilota'aguet da nhuaxanaguec. Qaq ÿoqo'oyi ca huo'o da lcolanaxa, qachi camayi sa ishit da ÿataqta dauotaxanaqta.

Nuevo Testamento Toba Sombrero Negro

¹⁸ Yataqachiñe jayatenaq queda'me Dios qo'mi noqopitalo, qama'le qaya'te qadoqolanaĝa, qa'a gamachaqaega jo'ne yataqachiñe qonoqopita, nach'ega qaya'te t'oiya. Qalaĝaja qom 'uo ga'me jo'ne t'oiya qama'le nach'e ena'am ta'le joote 'uo da'me ne'uaĝanaguec; qo'che' gamachaqaega jo'ne maliaĝa t'oiya da'me Dios le'uaĝanaĝanaĝac, nach'ega maliaĝa ja yauana da'me Dios loqopich'i jo'ne yataqatelegue.

1 Juan 4:18 Referans Kwoze

2 Timoteo 1:7

Cha'aye So Saqcha'a La'añaxac Ñim Lo'onatac 'Enauacna saishet da qomi' colanqaiqa naqa'en. Nachaqrata da qomi' ỹanema da qara'añaxac da sauotaxac 'enauac na laỹepi shiỹaxauapi, qataq qomi' ỹa'añaqche't da yaqto' seshetaq da souaqtaigui da no'on achaalataxac maye chegoqo'ot So Cristo.

Romanos 8:15

Cha'aye som Saqcha'a Na'añaxac maye qami' ỹanema Ñim Lo'onatac 'Enauacna, Somaye saishet da qami' l-lataqa qataq saishet da qami' icolanaqche't. Nachaqrata da Somaye qomi' ỹaueegueta da ỹataqta qomi' llalqa Ñim Lo'onatac 'Enauacna qataq qomi' ỹapaxagueneque da seỹaxanaxa Ñimaye qalaq shenaqta': «'Am Ita'a.»

1 Juan 4:12

Qaica ca nma'ai' da ỹauatton Ñim Lo'onatac 'Enauacna, qalaxaye da ñi 'oonolec da shenaqta da ỹataqta ỹauotec ca lỹa, nache 'eesa da Ñim Lo'onatac 'Enauacna qomi' netaiguilo, qataq nataqa'en da lauotaxanaqtaic Ñimaye qomi' do'onataxaatapoiguilo.

Hebreos 12:28

Sanqot da qana'achec Ñim Lo'onatac 'Enauacna, cha'aye da lo'onataxanaxac Ñimaye maye qomi' ỹanema saishet da ishet da qanqochenaxat. Qaq ỹoqo'oye iuen da sho'oxorenaq Ñimaye chegoqchigui da lta'araic lsoxoyec qataq da ño'oxonnataguec maye ỹaỹamaxareeta da qoỹami'.

Santiago 2:19

'Am 'aua'amaqten da 'oonolec Ñim Lo'onatac 'Enauacna. ¡Qaq damaye ỹataqta ỹaỹamaqchiguiñi! Qalaxaye ivira'a nam saqcha'a na'añaxac leguemaxaicpi da ỹa'amaqten Ñimaye qataq iviloxolaqchet da lcolanaxa.

Salmos 119:120

Da ỹo'ocỹaxac ỹataqta iviloxol souaxat da icolanaxa da qoneta, cha'aye huo'o naq 'enec ñaqa'en naua 'arqataxaco.

Salmos 73:19

Qaq choche nque'elaxatta qome da nlaguiñi namayepi, nache maiche nlaguiñi naqa'en da lcolanaxa namayepi.

Da na'aqtaguec so Job 15:21

Qataq hua'aqtega na lta'araic nllimiaxa maye ỹo'ot da ncolanaxa, qaq da ivita da ỹe'emaqtac, nache na cachaxaicpi decachiỹot.

Mateo 9:34

Qalaxaye nam ỹalectaigui na fariseopi, 'eeta': –De'era ỹale do'otaxaatega da la'añaxac som lataxala' nam saqcha'a na'añaxac qauemaicpi, da ỹo'orauec nam saqcha'a na'añaxac leguemaxaicpi.