1 Juan 4:17 - La'aqtaqa Ñim Lo'onatac 'Enauacna 2013

¹⁷ Qaq da ỹoqta 'eesa da sauotaxac na qarqaỹañicpi qataq shenaqta'am da 'eetec So Jesucristo co'ollaq huetalec ana 'alhua, nache saishet qone' da qomi' icolanaqche't que'eca na'a'q qom ñe'eguelaq So Jesús da nmit 'enauac na shiỹaxauapi.

Nuevo Testamento Toba Sur

¹⁷ Qaq yaqto' sevidaqta'a da ÿataqta nalochiguiñi da qadauotaxanaqtaic, yaqto' ca na'a'q qom qanmit 'enauac na shiÿaxauapi, qalaq sa ishit da ñi'aloxonaqtac. Cha'ayi qomi' nagui da ñaq souaqta'a ana 'alhua, qalaq ÿataqta shinaqta'am so Jesucristo.

Nuevo Testamento Toba Sombrero Negro

¹⁷ Qom da'me qat'oyaĝac nach'e ena'am da'me 'loyaĝac joñe'me Jesucristo, qama'le da'me Dios loqopich'i male qo'mi qoyiyamaĝatetouelo; qom naq'aeta, qama'le qaya'te qadepocoĝo qom yovita ga'me nolo' jo'ne 'uo da'me Dios lec'atenaĝanaĝac.

1 Juan 4:17 Referans Kwoze

1 Juan 4:12

Qaica ca nma'ai' da ỹauatton Ñim Lo'onatac 'Enauacna, qalaxaye da ñi 'oonolec da shenaqta da ỹataqta ỹauotec ca lỹa, nache 'eesa da Ñim Lo'onatac 'Enauacna qomi' netaiguilo, qataq nataqa'en da lauotaxanaqtaic Ñimaye qomi' do'onataxaatapoiguilo.

1 Juan 2:28

Qaq ỹoqo'oye nagui qami' ỹalqolqa, no'on da nache qoquiito'ot da qana'ayeetaua'a So Cristo. Yaqto' qom ñe'eguelaq Somaye, nache nda'a't da qanaquitaxac, qaq saishet da huo'o ca qara'aloxo souaxat da ỹauo'o ca qanhuaxanaguec.

1 Juan 3:3

'Enauac nam iuattaique qataq huo'o da lpi'iỹaxac da 'enauac ipacchigui de'era, nache ỹataqta ỹauo'o da na'añaxataxac da ỹo'ot ca ỹaỹamaqchiguiñi, 'eeta'am da 'eetec co'ollaxa So Jesús.

1 Juan 2:5

Qalaxaye cam ỹo'ot ca damaxasoxoolec Ñim Lo'onatac 'Enauacna, qaq nacheca ca ỹaỹaten da lauotaxanaqtaic, 'eeta'am da lauotaxanaqtaic Ñim Lo'onatac 'Enauacna qataq ỹataqta ỹaỹateeta da nauochaxaua Ñimaye.

Romanos 8:29

Cha'aye nam nale'ena co'ollaxa da ỹauattonpi Ñim Lo'onatac 'Enauacna, qaq nachena nam lca'aua'a co'olloxocheye Ñimaye, da yaqto' 'eeta'am naqa'en So Llalec, qataq yaqto' So Llalec nacheso so ñaxanec.

Juan 15:20

Qaq qauennachiỹa'a da ỹa'aqtac maye qami' sanema quiye da sheeta': «Qaica ca nlatac da huo'otaq ishet da napacalec ca na'aco'.» Qaq da huo'otaq Aỹem qaicaatac, qaq nataqa'en da qoñiita huo'o da qancanaguiiqui. Qaq da ỹataqta ỹalaxalec da ỹapaxaguenataxanaxac na shiỹaxauapi, qaq nataqa'en ỹataqta ỹalaxaguet da qarapaxaguenataxanaxaqui.

1 Juan 3:1

¡Ña qauloỹa! Ñim Lo'onatac 'Enauacna maye Nta'a ỹataqta lta'araic da lauotaxanaqtaic da shenaqta, ỹoqo'oye na shiỹaxauapi da qomi' iỹaxanalo, nache qomi' llalqa Ñimaye, qaq damaye ỹoqta 'eesa. Qaq ỹoqo'oye na 'etaxaloxoicpi maye netalec ana 'alhua saishet da qomi' ỹauatto'n, cha'aye nataqa'en saishet da ỹauatton Ñim Lo'onatac 'Enauacna.

2 Pedro 3:7

Qalaxaye nataqa'en ỹachegoxotchigui se'eso la'añaxac da Ñim Lo'onatac 'Enauacna ỹan da la'aqtac, da qom ivita que'eca laloqo', nache na piguem qataq ana 'alhua maye huo'oi nagui, naamaye ilaxachiguilo, irolec ca norec. Naamaye qaỹavigaxa't qom ivita que'eca na'a'q da Ñim Lo'onatac 'Enauacna nmit 'enauacna, nache ilaxachigui 'enauac nam ỹo'ottac na qauem.

2 Pedro 2:9

Qaq de'era qomi' ỹachaxanalo Ñim Lo'onatac 'Enauacna, da Ñimaye ỹaỹaten da ỹaỹamaxaañi nam lqalaiguesat qataq nam ishet da nqanaxat nam ỹalaxaguet Ñimaye, qataq nataqa'en ỹaỹaten da ỹauo'o ca nhuaxanaguec nam ỹo'ottac na qauem. Qaq damaye ỹo'ot que'eca na'a'q qom nmit 'enauacna.

Santiago 2:22

Da lpi'iỹaxac so Abraham, damaye ỹachaxan som ỹo'ot. Qaq chegoqchigui 'enauac da ỹo'ot, nache da lpi'iỹaxac somaye ivira'a da ỹataqta nalochiguiñi.»

Mateo 12:36

Qaq Aỹem ỹataqta 'eesa de'era qami' sa'aqtaxanema da que'eca na'a'q qom ivita da qanmit 'enauacna, nache 'enauac na shiỹaxauapi ỹa'axat da ta'ainco' co'ollaxa da detaxaỹa ca lỹa qalaq sa iyacnapec.

Mateo 11:24

Qaq Aỹem qami' shenapegalo da que'eca pa'atec na'a'q qom qaỹauo'o ca nhuaxanaguecna, nache qami' ỹataqta ỹactec ca qanhuaxanaguiiqui, qaq saq 'ena'am se'eso shiỹaxauapi maye netaña se'eso nỹecpi ye Sodoma.»

Mateo 11:22

Qaq ỹoqo'oye qami' shenapegalo da que'eca pa'atec na'a'q qom qaỹauo'o ca nhuaxanaguecna, nache qami' ỹataqta ỹactec ca qanhuaxanaguiiqui, saq 'ena'am nam netaña ye Tiro qataq ye Sidón.

Mateo 10:25

Ỹoqo'oye ca napaxaguenatac ishet qome da machiguiñi da ivi' da 'eeta'am ca napaxaguenaxala', qataq cam choche namaxashec da ivi' da 'eeta'am ca na'aco'. Cha'aye na shiỹaxauapi da huo'otaq Aỹem iỹaxana, qaq 'eetega da Aỹem pa'aguenataxanaxaic, nache, ¿chaq 'eetec ca lỹaxanataxanaxac da qoñiita maye qami' ỹapaxaguenataqa?

Mateo 10:15

Qaq ỹataqta 'eesa de'era qami' sa'aqtaxanema da qom ivita que'eca na'a'q da qanmit 'enauacna, nache ca nhuaxanaguec que'eca shiỹaxauapi ỹataqta napacalec qome da nhuaxanaguec som shiỹaxauapi maye netaña co'ollaxa so nỹecpi le'enaxat Sodoma qataq Gomorra.

Santiago 2:13

Cha'aye Ñim Lo'onatac 'Enauacna saishet da ichoxoreetac cam saishet da ichoxoren ca lỹa. Qalaxaye ca huo'o da lchoxonnataxanaxa ca lỹa, nache camaye qaica ca lasouaxashet qom qanmitna.

Juan 17:22

Qataq Aỹem sanema naamaye dam na'añaxac maye Aỹem 'aỹa'anem co'ollaxa, yaqto' naamaye nache queto'ot da na'atta'a't. Qaq ỹoqo'oye naamaye iue'n da nache 'eetai' da Aỹem na'attaua'alo, 'eeta'am da 'eetec da 'am ña'attaua'a. Yaqto' de'era lataxac da na'atta'a't naamaye ỹataqta nalochiguiñi, yaqto' nam shiỹaxauapi maye huetalec ana 'alhua ỹaỹaten da Aỹem 'aramaxashec qataq ỹataqta 'auauoteque naamaye 'eeta'am da 'eetec da Aỹem 'auauotec.

Hebreos 9:27

'Enauac da shenaqta 'oonolec da seleuaq, ime, nache nvi' ca nmitaguec 'enauacna.

1 Juan 2:6

Qataq ca 'eetega da nauochaxaua Ñim Lo'onatac 'Enauacna, nache camaye iuen da nateeteguet da lataxac co'ollaxa So Jesús.

1 Juan 3:7

Qami' ỹalqolqa, ¡qaica qome ca qami' ỹatenache't! 'Enauac nam ỹalaxaguet Ñim Lo'onatac 'Enauacna, nache ỹataqta no'on shiỹaxaua, 'eeta'am So Cristo Jesús.