1 Juan 4:10 - La'aqtaqa Ñim Lo'onatac 'Enauacna 2013

¹⁰ Da ỹoqta 'eesa nauotaxanaqtaic saishet da chegoqchiguilo qomi' da sauotaxac Ñim Lo'onatac 'Enauacna, nachaqrata da Ñimaye qomi' ỹauoteque. Ỹoqo'oye namaxa ana 'alhua So Llalec, da yaqto' ỹapalaxat na qarasouaxashetpi chegoqchigui da l-leuaxa.

Nuevo Testamento Toba Sur

¹⁰ Qaq 'eda da huo'o mshi saÿajnaq da lauotaxanaqtaic ñi Dios da ñimayi hua'auñi da qomi' ÿauoteque. Ÿoqo'oyi qomi' namaxalo so llalec, da yaqto' chigoqchigui naq'en somayi da ÿapalaxat na qadasouaxashitpi. Qaq sa ishit da nachiqomi' chigoqchiguilo da sauotaxac ñimayi.

Nuevo Testamento Toba Sombrero Negro

¹⁰ Qama'le naq'aeta da'me noqopich'i: yaqa'a ta'le qadoqopita joñe'me Dios, dite da'me nach'eñe jo'ne qo'mi noqopitalo, ca'li namaĝa'ña jena'me aleua joñe'me Lec'oĝot qaedi nemela't qaedi qoyalat, qaedi yemeda daa'me qadoeco male qoyapalaĝa't.

1 Juan 4:10 Referans Kwoze

1 Juan 2:2

Ñim Lo'onatac 'Enauacna ỹapalaxat na qarasouaxashetpi qataq 'enauac na lasouaxashetpi na shiỹaxauapi maye huetalec ana 'alhua, cha'aye So Cristo maiche chegoqtot da nañan da yaqto' qomi' ileualeguete.

1 Juan 4:19

Qomi' ỹataqta sauotaxac na qarqaỹañicpi, cha'aye Ñim Lo'onatac 'Enauacna hua'auñi da qomi' ỹauoteque.

Juan 15:16

Qami' saishet co'ollaxa da Aỹem qarca'aguishiqui, Aỹem maye qami' ica'agui'she. Nache qami' shenapegalo da yaqto' ỹataqta qalota da alaỹaxac da qanachaalataxaqui, qaq de'era alaỹaxac da qanachaalataxaqui, damaye nache 'eetai'. Yaqto' Ñim Ita'a qami' ỹanema 'enauac nam qauỹaxañiỹaique da qoviilec da ỹe'enaxat.

Juan 3:16

Cha'aye Ñim Lo'onatac 'Enauacna ỹataqta lta'araic da lauotaxanaqtaic na shiỹaxauapi ana 'alhua, nache ỹan na 'oonolec Llalec. Yaqto' 'enauac nam ỹa'amaqten namaye saishet da ileu, nachaqrata da huo'o da lca'alaxa maye chochaq tatec.

1 Juan 3:1

¡Ña qauloỹa! Ñim Lo'onatac 'Enauacna maye Nta'a ỹataqta lta'araic da lauotaxanaqtaic da shenaqta, ỹoqo'oye na shiỹaxauapi da qomi' iỹaxanalo, nache qomi' llalqa Ñimaye, qaq damaye ỹoqta 'eesa. Qaq ỹoqo'oye na 'etaxaloxoicpi maye netalec ana 'alhua saishet da qomi' ỹauatto'n, cha'aye nataqa'en saishet da ỹauatton Ñim Lo'onatac 'Enauacna.

1 Pedro 3:18

Cha'aye So Cristo 'oonolec co'ollaxa da ileu, nache sa lỹa da ỹe'eguelaxalec da ileu, da yaqto' ỹapalaxat na qarasouaxashetpi. Somaye ỹataqta soxoraic qataq qaica ca lasouaxashet qataq huo'o da nque'eenaxac, souaxat na 'etaxaloxoicpi da yaqto' qami' qaviyeeta'a da qanauochaxauai Ñim Lo'onatac 'Enauacna. Som ỹalauatpi So Cristo, somayepi ilaxachigui da lo'ocỹaxac, qalaxaye Somaye nca'alec yaqto' taigui da lca'alaxa saqcha'a.

1 Pedro 2:24

So Cristo ỹache 'enauac na qarasouaxashetpi, cha'aye ileualec so npe'enaxaqui. Qaq ỹo'ot damaye yaqto' qomi' saxanaxañi 'enauac nam so'otaqtac qauem, nache ndotec da so'otaqtac cam 'onaxaic. So Cristo co'ollaxa ỹataqta qaique'emaqchet, yaqto' ishet da qami' no'oite'.

Daniel 9:24

Iuen qome da inoxonaqchetrec caua Setenta semanas nam 'arhuo' le'ecpi, qataq na qui'itta huaqta'a't nỹecpi maye 'aralamaxat, da yaqto' nache tachiguiña naqa'en da lle'etaxaloxo qataq da lasouaxashet, qataq yaqto' ỹaconeguet ca nchoxonnataguec souaxat nam qauempi, nache chochaq tatec qome naqa'en da na'ayiñi da nalochiguiñi lataxac, yaqto' ipacchigui qome som 'arauanaqchec qataq som 'ara'aqtaxanaxac, qataq da qaiqui'itaxat yem saqaishetapec.

Juan 6:51

Aỹem maye Nachaỹem nauole maye ñeca'altauec, qataq sachegoqo'ot na piguem. Ca chec ana'ana nauole, nache qaica ca loga't da nachaalataxac. Ana nauole maye san, nachera da ỹo'ocỹaxac. Qaq damaye san yaqto' nca'alec 'enauac na shiỹaxauapi.

Juan 13:34

Qaq nagui qami' sanema da dalaxaic namaxasoxonaxac, 'eeta': Ñi 'oonolec da qoñiita ỹataqta ỹauotec ca lỹa. 'Eeta'am da sheetec da ỹataqta qami' sauoteque, qaq nachera qome da qoñiitec da ñi 'oonolec da qoñiita ỹataqta ỹauotec ca lỹa.

Hebreos 2:17

Qaq da yaqto' ishet da itauan, nache Somaye, iuen da ỹataqta 'eeta'am naqa'en da lataxac namayepi. Qaq ỹoqo'oye souaxat da chegoqchigui da 'eeta'am naqa'en da shenaqta, nache ivira'a da lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq ishet da qaipi'iỹa'a. Qaq Somaye ỹataqta nlaqchigui da lsoxoyec da do'onataxanot Ñim Lo'onatac 'Enauacna. Qaq 'era da 'eetec Somaye da ỹan da nachaalataxac da 'eeta'am aca nachetaqtaxanaqte yaqto' Ñim Lo'onatac 'Enauacna ỹapalaxat na qarasouaxashetpi.

1 Juan 5:11

Qaq dam la'aqtac Ñim Lo'onatac 'Enauacna, damaye ỹa'axat da Ñimaye qomi' ỹanema da nca'alaxa chochaq tatec. Qaq qomi' saconaxaguet de'era nca'alaxa da huo'o ca qarpi'iỹaxac So Llalec.