1 Juan 3:7 - La'aqtaqa Ñim Lo'onatac 'Enauacna 2013

⁷ Qami' ỹalqolqa, ¡qaica qome ca qami' ỹatenache't! 'Enauac nam ỹalaxaguet Ñim Lo'onatac 'Enauacna, nache ỹataqta no'on shiỹaxaua, 'eeta'am So Cristo Jesús.

Nuevo Testamento Toba Sur

⁷ Qami' ÿalqolqa, sa ishit qome da huo'o ca qami' ÿatenachi't. Cam i'ot ca ÿaÿamaqchiguiñi, camayi ÿataqta no'on shiÿaxaua, qaq 'eeta'am so Cristo da ÿataqta no'on shiÿaxaua.

Nuevo Testamento Toba Sombrero Negro

⁷ Ami yalaqapi, 'noota qom qaya'te ami yoqovi'n. Ga'me jo'ne quetalegue da'me en joĝodaic da'me nejiyaĝauayaĝac, nach'ega jo'ne chimaqachiñe, ena'am joñe'me Jesucristo queda'me yataqata chimaqachiñe.

1 Juan 3:7 Referans Kwoze

1 Juan 2:29

Qaq cha'aye qami' mashe sogote da qauaỹaañita da So Jesucristo ỹo'ot 'enauac nam ỹataqta ỹaỹamaxareeta Ñim Lo'onatac 'Enauacna. Qaq ỹoqo'oye nataqa'en iuen da qauaỹaañi da 'enauac nam ỹo'ot ca ỹaỹamaxareeta Ñim Lo'onatac 'Enauacna, nache namayepi ỹataqta llalaqpi Ñimaye.

1 Juan 3:3

'Enauac nam iuattaique qataq huo'o da lpi'iỹaxac da 'enauac ipacchigui de'era, nache ỹataqta ỹauo'o da na'añaxataxac da ỹo'ot ca ỹaỹamaqchiguiñi, 'eeta'am da 'eetec co'ollaxa So Jesús.

1 Juan 2:26

Qaq shiyiñi de'era, cha'aye qami' sevitaqteetapeegueta nam huotaique da qami' ỹatenache't.

1 Juan 2:1

Aỹem ỹataqta qami' sauoteque, 'eeta'am ñaqa'en da maiche qami' ỹalqa. Ỹoqo'oye qami' samaxalo ana ỹere da yaqto' saishet da huo'o ca qauo'oche qarasouaxashechi. Qalaxaye da huo'otaq huo'o ca huo'o ca lasouaxashet, nache So Jesucristo maye no'on da lataxac, Somaye qomi' detaqleguete da datato'ot Ñim Lo'onatac 'Enauacna maye Nta'a.

Salmos 45:7

'Am ỹataqta 'auauotec da no'on, qalaxaye 'auaỹemec da qauem. Qaq ỹoqo'oye 'am lca'ateua'a Ñim Lo'onatac 'Enauacna, Ñim 'Anatamnaxala', da 'am talec naqa'en da 'antonaxac, qaq saq 'ena'am na 'araỹepi.

Hechos 10:35

Chaqrata da Ñimaye ỹataqta ỹaỹamaxareeta ca camachaqca nam ỹotta'a't shiỹaxauapi da huo'otaq ỹataqta ỹalaxaguet Ñimaye qataq ỹo'ot ca ỹaỹamaqchiguiñi, saishet da ỹectega cam chegaqa'ague.

Efesios 5:9

cha'aye se'eso Saqcha'a Na'añaxac nacheso so chegoqchigui da nauotaxanaqtaic qataq da 'eesa lataxac qataq dam achaalataxac maye qui'itta.

Salmos 106:3

Ỹoqo'oye machiguiñi qome ca ỹo'ottac da no'on lataxac, qataq ca nache 'eetai' da ỹo'ottac da nalochiguiñi lataxac.

1 Pedro 2:24

So Cristo ỹache 'enauac na qarasouaxashetpi, cha'aye ileualec so npe'enaxaqui. Qaq ỹo'ot damaye yaqto' qomi' saxanaxañi 'enauac nam so'otaqtac qauem, nache ndotec da so'otaqtac cam 'onaxaic. So Cristo co'ollaxa ỹataqta qaique'emaqchet, yaqto' ishet da qami' no'oite'.

1 Corintios 6:9

¿Qami' sa qauaỹaañiỹo' da ca ỹo'ot ca sa ỹaỹamaxañi, nache camaye saishet da inoxoneua'a da lo'onataxanaxac Ñim Lo'onatac 'Enauacna? Saishet qome da qami' qaỹatenache't. Cha'aye saishet qome da inoxoneua'a da lo'onataxanaxac Ñim Lo'onatac 'Enauacna nam quetaigui da lquisheguetaxac, qataq na natameetacot na ỹaqa'api maye saq 'en qataq choche ne'enaqtacpi, qataq na lauatapiguiñi' aca sa lhua, qataq na huetapeeguet ca 'eeta'am lỹa ỹale, qataq na cachaxaicpi, qataq na mataxalaicpi, qataq na taxaicpi, qataq ca na'aqtaqa lo'o', qataq na nquigaxatapeguec aca lasheue ca lmenec.

Lucas 1:75

qataq nachaqñita Ñimaye da sonaqto'ot, da so'otaqtac ca ỹaỹamaqchiguiñi 'enauaque naua na'axa'te da qanachaalataxac.

Santiago 2:19

'Am 'aua'amaqten da 'oonolec Ñim Lo'onatac 'Enauacna. ¡Qaq damaye ỹataqta ỹaỹamaqchiguiñi! Qalaxaye ivira'a nam saqcha'a na'añaxac leguemaxaicpi da ỹa'amaqten Ñimaye qataq iviloxolaqchet da lcolanaxa.

Filipenses 1:11

Cha'aye chegoqchigui da ltaunaxanaxac So Jesucristo da qami' ishet da qauo'oche ca ỹaỹamaqchiguiñi, yaqto' na shiỹaxauapi ỹo'oxoren, qataq huo'o naq 'enec naqa'en Ñim Lo'onatac 'Enauacna.

Mateo 5:20

Qaq ỹoqta 'eesa de'era qami' sa'axatema da saishet da qanapacỹalec da lalaxayec nam fariseopi qataq nam dapaxaguenataxaatapeguec na namaxasoxonaxacpi, nache saishet qome da qaunoxoñiiua'a da lo'onataxanaxac Ñim Lo'onatac 'Enauacna.

Santiago 1:22

¡Qaualaqaiguet da la'aqtaxanaxac Ñim Lo'onatac 'Enauacna! Cha'aye da choche qana'axaỹaxañeetega, qalaxaye saishet da qaualaqaiguet, nache maiche qanatenacheetapeguela't, nache qoñiita'am ca nalleta'ai' aca tannaxai. Da camaye da jec, qaq da qaỹata'ague, nache icoua'ai da lataxac.

Hebreos 7:2

Nache so Abraham ỹanem so Melquisedec aso ndiezmo maye ỹachegoxotaigui nam lhuotaxanaxatpi maye ỹachegoxotaigui se'eso alaataxac. Qaq de'era ne'enaxat Melquisedec, da hua'auchiguiñi naigui 'eeta': «Nta'a maye no'on da lataxac.» Qalaxaye nataqa'en da qaiỹaxana qalaq lta'a nam netaña ye nỹecpi ye Salén, qaq damaye naigui da «Lta'a da nlagaxayec.»

Hebreos 1:8

Qalaxaye da detaxaỹa So Llalec, qalaq 'eeta': «Da 'aro'onataxanaxac chochaq tatec, qaica ca loga't, qataq 'auo'onataxana da 'ara'añaxac da 'aupagaqchiichigui da 'eesa lataxac.

Efesios 5:6

Qataq saishet qome da huo'o ca qami' ỹatenache't da qami' iroleguete naua napaxaguenataxanaxaco maye qaica ca naiguilo. Cha'aye ne'enaua sa ỹaỹamaxaayiñi, nachenaua naua chegoqchiguilo dam qaica ca 'ena'am da lchec layeloxo Ñim Lo'onatac 'Enauacna da ỹauo'o da nhuaxanaguec nam saishet da ỹalaq.

1 Juan 3:18

Qami' ỹalqolqa, saisheto' qome da ndotre'c naua qara'aqtaqa da shenaqtega da huo'o da qarsoxoyec, nachaqrato' qome da iuen da sachaxanaq da qarsoxoyec chegoqchigui ca so'otaq.

1 Juan 4:17

Qaq da ỹoqta 'eesa da sauotaxac na qarqaỹañicpi qataq shenaqta'am da 'eetec So Jesucristo co'ollaq huetalec ana 'alhua, nache saishet qone' da qomi' icolanaqche't que'eca na'a'q qom ñe'eguelaq So Jesús da nmit 'enauac na shiỹaxauapi.