1 Juan 3:5 - La'aqtaqa Ñim Lo'onatac 'Enauacna 2013

⁵ Qaq qami' mashe qauaỹachiñi da So Jesucristo naỹa co'ollaxa ana 'alhua, da yaqto' ỹapalaxat 'enauac na lasouaxashetpi na shiỹaxauapi. Qaq Somaye qaica ca lasouaxashet qataq saishet da ishet da huo'o ca lasouaxashet.

Nuevo Testamento Toba Sur

⁵ Cha'ayi qami' mashi qauaÿajñi da so Jesucristo somayi anaÿa ana 'alhua, da yaqto' ÿapalaxat 'enauac na qadasouaxashitpi. Qaq somayi ÿataqta qaica ca 'oonolec lasouaxashit.

Nuevo Testamento Toba Sombrero Negro

⁵ Ami joote auayachiñe queda'me Jesucristo nec'ata joca'li jena'me aleua, qaedi nemenegueta ena'uaque jodaa'me qadoeco, nach'eñe jo'ne qaya'te gamachaqaega ta'le loec.

1 Juan 3:5 Referans Kwoze

2 Corintios 5:21

So Cristo ỹataqta qaica ca lasouaxashet. Qalaxaye souaxat qomi', nache Ñim Lo'onatac 'Enauacna, 'eeta'am naqa'en ca 'etaxaloxoic, da yaqto' chegoqchigui Somaye da qomi' ỹaỹamaxareete' Ñimaye.

Hebreos 9:28

Qaq nache 'eeta'am So Cristo da 'oonolec da nañan da yaqto' qalota da shenaqta na qaỹapalaxat na lasouaxashetpi. Ime, nache Somaye ñe'eguelaxa qome ana 'alhua, qalaxaye saishet da naỹa da qaltaq ileualec na qarasouaxashetpi, nachaqrata da anac da 'enauac qomi' nca'alaxatre'c, qomi' maye seuataqtaique ca lviraxac.

1 Pedro 3:18

Cha'aye So Cristo 'oonolec co'ollaxa da ileu, nache sa lỹa da ỹe'eguelaxalec da ileu, da yaqto' ỹapalaxat na qarasouaxashetpi. Somaye ỹataqta soxoraic qataq qaica ca lasouaxashet qataq huo'o da nque'eenaxac, souaxat na 'etaxaloxoicpi da yaqto' qami' qaviyeeta'a da qanauochaxauai Ñim Lo'onatac 'Enauacna. Som ỹalauatpi So Cristo, somayepi ilaxachigui da lo'ocỹaxac, qalaxaye Somaye nca'alec yaqto' taigui da lca'alaxa saqcha'a.

1 Pedro 2:24

So Cristo ỹache 'enauac na qarasouaxashetpi, cha'aye ileualec so npe'enaxaqui. Qaq ỹo'ot damaye yaqto' qomi' saxanaxañi 'enauac nam so'otaqtac qauem, nache ndotec da so'otaqtac cam 'onaxaic. So Cristo co'ollaxa ỹataqta qaique'emaqchet, yaqto' ishet da qami' no'oite'.

Hebreos 9:26

Qaq So Cristo taxa da nache 'eetec nataqa'en de'era, nache Somaye ỹe'eguelaqtalectaxa da ileu, chegoqchiguiña co'ollaq cheta'ague da ỹo'ot ana 'alhua Ñim Lo'onatac 'Enauacna. Qalaxaye ỹoqta 'eesa da nagui da mashe nayeeta'a ca loga'tna, nache So Cristo 'oonolec da nachaxan, nache sa iuen da ỹe'eguelaxalec da nañan. Somaye nachaxan qataq nañan da 'eeta'am aca nachetaqtaxanaqte maye qaỹavigaxatta da yaqto' Ñim Lo'onatac 'Enauacna ỹapalaxat 'enauac na qarasouaxashetpi.

Juan 1:29

Qaq so lỹa na'a'q, nache so Juan ila'aguet So Jesús da naỹaxaama somaye, nache somaye 'enapega so shiỹaxauapi 'eeta': –Ña qauloỹeeguet, 'ena cha'aguet na Jesús, nachena na 'eeta'am ca nachetaqtaxanaxat Qagueta Llalec maye ỹachegoxotchigui Ñim Lo'onatac 'Enauacna da ỹapalaxat na lasouaxashetpi na shiỹaxauapi.

1 Juan 1:7

Qalaxaye da ñachaataqtaigui na yo'oqchiguiñi, da shenaqta'am Ñim Lo'onatac 'Enauacna maye huetaigui da yo'oqchiguiñi, nache ỹataqta ña'araqta't da qomi' nqaỹañecpi, qaq Ñim Lo'onatac 'Enauacna ỹapalaxa't naua qarasouaxashe'ete, chegoqchiguilo naua ltago'q So Llalec Jesús.

Tito 2:14

Somaye nañan co'ollaxa da qomi' ileualeguete, cha'aye nshetaique da qomi' nca'alaxateeguesopa na qauemsat, qataq qomi' iqui'itaxa't da ỹauo'oi qomi' lalamaqa'ate, qataq da yaqto' so'otaq ca ỹaỹamaqchiguiñi.

1 Pedro 2:22

So Cristo saishet da huo'o ca lasouaxashet, qataq saishet da huo'o ca ỹatenachet.

Hebreos 1:3

So Llalec qomi' ỹachaxanalo da la'añaxac qataq da la'amaqchec Ñim Lo'onatac 'Enauacna, cha'aye imatta't da lataxac Ñimaye, qataq do'ogoxona da lta'araic la'añaxac da nlletañi 'enauacna. Qataq chegoqchigui Somaye da Ñim Lo'onatac 'Enauacna ỹapalaxa't naua qarasouaxashe'ete, ime, nache taỹa cam neta'ague Ñimaye da yaqto' nso'ooñi, na'ague da aloic.

1 Timoteo 1:15

Qaq de'era ỹataqta 'eesa, qataq saishet da qaiqoleguet da So Cristo Jesús naỹa ana 'alhua da nca'alaxatec na shiỹaxauapi 'etaxaloxoicpi, ivira'a aỹem, maye ỹactec da aỹem 'etaxaloxoic.

Mateo 1:21

Qaq añimaye qom ñiguiñi ca llalec. Qaq 'am nache 'aỹa'anagui da le'enaxat Jesús. Cha'aye nca'alaxateeguesop qome da nhuaxanaguec na lalamaxatpi souaxat na lasouaxashetpi.

1 Juan 2:1

Aỹem ỹataqta qami' sauoteque, 'eeta'am ñaqa'en da maiche qami' ỹalqa. Ỹoqo'oye qami' samaxalo ana ỹere da yaqto' saishet da huo'o ca qauo'oche qarasouaxashechi. Qalaxaye da huo'otaq huo'o ca huo'o ca lasouaxashet, nache So Jesucristo maye no'on da lataxac, Somaye qomi' detaqleguete da datato'ot Ñim Lo'onatac 'Enauacna maye Nta'a.

1 Pedro 1:20

Qaq damaye maiche lhuennataxac Ñim Lo'onatac 'Enauacna co'ollaq saxanaxa da ỹo'ot ana 'alhua, qaq So Cristo nachaxan ne'enaua pa'atre'c na'axa'te, qaq damaye maiche qana'achequi.

Hebreos 4:15

Da lle'eguenataxanaxac so pa'aguenataxanaxaic co'ollaq ỹe'eguen So Jesús, nache 'eeta'am da lle'eguenataxanaxac nagui da qomi' ỹe'egue'n da yaqto' ỹauo'o ca qarasouaxashet, qalaxaye So Jesús co'ollaxa saishet da huo'o ca lasouaxashet. Qaq ỹoqo'oye Somaye ỹaỹaten da saqalaq da qaỹalaxaguet Ñim Lo'onatac 'Enauacna.

Hebreos 7:26

Qaq ỹoqo'oye So Jesús nacheso so 'oonolec da Lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna maye seuenaqtac. Cha'aye Somaye ỹataqta qui'itta, saishet da qauem da lataxac, qataq sa nauane' da huo'o ca lasouaxashet. Qaq Ñim Lo'onatac 'Enauacna nqateeguesop co'ollaxa na 'etaxaloxoicpi, nache tasheguema naqa'en ca hueta'a Ñimaye, nache ỹami' da ỹataqta ỹo'oxoraq, napacalec na laỹepi.

1 Timoteo 3:16

Qaq saishet da qaiqoleguet de'era 'eesa lataxac da qara'amqaanataxanaxac, cha'aye ỹataqta lta'araic da naigui llo'oxoyec: So Cristo nachaxan co'ollaxa, qalaxaye ỹacona da lataxac ca yo'oqchigui shiỹaxaua; qaq So Saqcha'a Na'añaxac ỹa'axat da saqca ca lasouaxashet Somaye, qaq ỹauaachigui Somaye 'enauac na chegaqasheguem lamaxashecpi Ñim Lo'onatac 'Enauacna. Qataq qaỹa'axatem 'enauac na ỹotta'a't shiỹaxauapi, qaq na shiỹaxauapi maye huetalec ana 'alhua ỹa'amaqten Somaye. Ime, qaq qaỹaueegue da piguem, nache Ñim Lo'onatac 'Enauacna ỹataqta nlaxatchigui da 'enec Somaye.

Juan 14:30

Qaq nagui saishet da qaltaq huo'o ca sa'axat, cha'aye mashe nayeetai' nam pa'aguenataxanaxaic maye damaxasoxonapec ana 'alhua. Qalaxaye namaye qaica ca la'añaxac da ishet da Aỹem ỹachiguiñi.

Juan 8:46

¿Negue't ca 'oonolec da qoñiita da ishet da ỹa'axat da huo'otaq huo'o ca ỹasouaxashet? Cha'aye da huo'otaq sa'axattac dam 'eesa lataxac, qalaq ¿ta'ainco' ye saishet da Aỹem qaua'amaqchiñi?

Juan 1:31

Qaq aỹem saishet da ỹoqta sauattoota chaq negue't Namaye. Qalaxaye aỹem ñanacto'ot da sachelaxanataxaatega na 'etaxat, yaqto' na Israel le'ecpi ishet da ỹauatton Namaye.

Lucas 23:47

Nache so huataxanaq lta'a co'ollaq ỹauaachigui de'era, nache ỹo'oxoreetac Ñim Lo'onatac 'Enauacna, 'eeta': –Ỹoqta 'eesa da ñi'iñi ỹale qaica ca ỹasouaxat.

Lucas 23:41

Qomi' ỹoqta 'itchiguiñi dam qanque'eenaxac, cha'aye maiche sesheetenaqtac dam naigui nam so'otaqtacpi maye qauem. Qaq nam na' ỹale, qalaxaye saishet da huo'o ca ỹo'ot qauem.

Oseas 14:2

Ña qavi'eguelaqaỹa qome Ñim Nataxala', qauacheetac da achoxonnaxac maye, 'eeta': «Ña 'auapalaxat qome nam qauempi maye so'otaq, nache 'auaconeguet qataq 'auamaateguet da qayo'oxonnataxanaxac maye 'am sanaqtacot.

1 Pedro 1:18

Cha'aye Ñim Lo'onatac 'Enauacna qami' nca'alaxateeguesopa dam achaalataxac maye sa ỹaỹamaxañi, dam qami' ỹapaxagueneque som hua'au qarta'ailpi. Qataq qauaỹaañita da yaqto' qami' huesochiyiñi naqa'en, nache saishet da desheetenaxana cam ishet da qailaxachigui da 'eeta'am na lcat oro huo'otaq na lcat plata;

1 Juan 2:2

Ñim Lo'onatac 'Enauacna ỹapalaxat na qarasouaxashetpi qataq 'enauac na lasouaxashetpi na shiỹaxauapi maye huetalec ana 'alhua, cha'aye So Cristo maiche chegoqtot da nañan da yaqto' qomi' ileualeguete.

1 Juan 2:29

Qaq cha'aye qami' mashe sogote da qauaỹaañita da So Jesucristo ỹo'ot 'enauac nam ỹataqta ỹaỹamaxareeta Ñim Lo'onatac 'Enauacna. Qaq ỹoqo'oye nataqa'en iuen da qauaỹaañi da 'enauac nam ỹo'ot ca ỹaỹamaxareeta Ñim Lo'onatac 'Enauacna, nache namayepi ỹataqta llalaqpi Ñimaye.

1 Juan 3:8

Qalaxaye ca saq ỹet da ỹo'ot ca qauem, nache camaye nauochaxaua so pa'aguenataxanaxaic, cha'aye so pa'aguenataxanaxaic, nache 'eetai' da lle'etaxaloxo, chegoqchiguiña co'ollaq Ñim Lo'onatac 'Enauacna ñaq cheta'ague da ỹo'ot ana 'alhua. Qaq nachera da huo'omshe anaỹa ana 'alhua som Llalec Ñim Lo'onatac 'Enauacna: da yaqto' ilaxachigui 'enauac nam ỹo'ottac so pa'aguenataxanaxaic.