1 Juan 3:22 - La'aqtaqa Ñim Lo'onatac 'Enauacna 2013

²² Nache qomi' ỹanema cam seỹaxanaqaique, cha'aye salaxasoxoguet nam lamaxasoxonaxacpi, qataq so'otaq cam ỹaỹamaxareeta Ñimaye.

Nuevo Testamento Toba Sur

²² Qaq ñimayi ishit da qomi' ÿanema 'enauac cam seÿaxanqaique, cha'ayi ÿataqta salaxasoxoguet nam lamaxasoxonaxacpi, qataq so'otaq cam ÿaÿamaxadeeta ñimayi.

Nuevo Testamento Toba Sombrero Negro

²² Nataq'aen joñe'me qo'mi yanema ena'uaque gaa'me jo'ne jajelaĝanaqaque, qa'a jouaĝat queda'me jiyamaĝata' daa'me lamaĝajoĝonaĝaco, nataq'aen jauoqo'oe jodaa'me jo'ne yepaquetapegalo.

1 Juan 3:22 Referans Kwoze

Juan 15:7

Qaq qami' da nache 'eetai' da Aỹem qana'ayeetaua'a, qaltaq qaualaqaiguet 'enauac nam qami' sapaxagueneque, nache Ñim Ita'a qami' ỹanema 'enauac cam qauỹaxañiỹaique.

Juan 9:31

Qomi' saỹaanaqta da Ñim Lo'onatac 'Enauacna saishet da hua'axaỹa na 'etaxaloxoicpi; chaqnata nam ỹo'oxoreetac qataq ỹo'ot cam 'eetapeguec Ñimaye.

1 Juan 5:14

Qomi' huo'o da qarpi'iỹaxac Ñim Lo'onatac 'Enauacna, cha'aye saỹatenaq da qomi' hua'axaỹalo da seỹaxanaqot Ñimaye da seỹaxanaqaique ca ỹaỹamaxareeta.

Juan 14:13

Qaq 'enauac nam qauỹaxañiỹaique da qoviilec da ỹe'enaxat, nache Aỹem so'ot, yaqto' ne'ena Llalec Ñim Lo'onatac 'Enauacna ishet da ỹachaxan da llo'oxoyec Ñim Lta'a.

Proverbios 15:29

Ñim Nataxala' qaỹoqtaique naqa'en na qauemaicpi, qalaxaye hua'axaỹa da natamnaxac ca no'on da lataxac.

Salmos 34:4

Aỹem seỹaxanot co'ollaxa Ñim Nataxala', nache Ñimaye aỹem ỹasateguet, qataq aỹem isoueeguesop 'enauac na icolanaxasat.

Santiago 1:5

Da huo'o ca 'oonolec da qoñiita da iuen ca laỹaanec, qaq no'on da iỹaxanot Ñim Lo'onatac 'Enauacna. Qaq Ñimaye ỹami' camaye ỹataqta sa naloqnañi, cha'aye saishet da ỹauota'a da la'aloxo ca shiỹaxaua.

Juan 8:29

Cha'aye Ñim Aỹem namaq, Ñimaye Aỹem hueta'aguet; Ñim Ita'a saishet da Aỹem ndoqteetec, cha'aye Aỹem nache 'eetai' da so'ottac cam ỹaỹamaxareeta Ñimaye.

Colosenses 1:10

Yaqto' da qarataxaqui nateeteguet dam ỹoqta 'eetapeguec So Qarataxala'. Qaq Somaye ỹataqta machiguiñi souaxat da qami' qauo'ocheetac 'enauac nam lataxacpi maye ỹaỹamaqchiguiñi, qataq qaviyeeta'a da ỹataqta qauauattoñiita Ñim Lo'onatac 'Enauacna.

Jeremías 33:3

Aỹem 'aỹaxana qome, nache Aỹem 'am sasateguet, nache 'am sa'axatem cam lataxac maye ỹataqta lta'araic, qataq saqcha'a maye 'am sa 'auaỹaten.

Santiago 5:16

Qaq ỹoqo'oye ñi 'oonolec da qoñiita da'aqtaxanem ca lỹa ca lasouaxashet, qataq ñi 'oonolec nqouagaxaueetalec ca lỹa, yaqto' Ñim Lo'onatac 'Enauacna qami' natare'n. Da nqouagaxaunaxac ca no'on shiỹaxaua ỹataqta huo'o da la'añaxac, cha'aye Ñim Lo'onatac 'Enauacna ỹataqta hua'axaỹa.

Salmos 50:15

Qataq Aỹem 'aỹaxana qom huo'o ca 'anque'eenaxac, nache aỹem qome 'am ñepaxattalec, huaña nache 'am aỹem 'avio'oxoreetac.»

Juan 6:29

Nache So Jesús 'enapeco': –'Oonolec da 'eetapeguec Ñim Lo'onatac 'Enauacna, nshetaique da qami' qaua'amaqchiñi nam namaq Ñimaye.

Filipenses 4:18

So Epafrodito aỹem ỹami' aso aỹem qanamaqỹa, qaq asomaye ỹataqta ỹapacauec. De'era qartaunaxanaxaqui ỹataqta ama da laitaỹaxac, 'ena'am da alaitaỹaxac aca nachetaqtaxanaqte maye qoỹanot Ñim Lo'onatac 'Enauacna da ỹataqta ỹamaateguet.

Hechos 17:30

Qaq Ñim Lo'onatac 'Enauacna saishet co'ollaxa da iloguilo naua ne'enaxaco na shiỹaxauapi soua hua'au' vi'iye. Qalaxaye nagui Ñimaye 'enapega na shiỹaxauapi maye netaleguete naua ỹotta'a't 'aleu', da yaqto' ỹaxaare'c naua no'onataxaco.

Juan 15:10

Qataq da qaualaqaiguet 'enauac na ỹamaxasoxonaxacpi; nache, Aỹem nache 'eetai' da qami' sauoteque, 'eeta'am Ñim Ita'a da Aỹem ỹauotec, cha'aye Aỹem ỹataqta salaxaguet.

Mateo 17:5

Qaq co'ollaq ña detaqtac so Pedro, nache anac so lo'oc na piguem ỹataqta 'eroigui. Ipelteeleguete soomaye. Nache se'eso lo'oc chemaqtoigui so na'aqtac, 'eeta': «'Era dam Ỹalec maye ỹataqta ỹauotaxat, damaye ỹataqta ñetootapeguec, qaq qami' iuen da ỹataqta qana'axaỹaxañiỹa damaye.»

Isaías 1:15

Qami' naxa da qaỹa'añeetrasheguem naua qarhuaxayilli' da qanatamñi, nache Aỹem ỹaqa'a da samata'ague, qaq na'aictaxa da ỹaguec da qanatamnaxaqui, qalaxaye Aỹem saishet da qami' sa'axaỹalo, cha'aye naua qarhuaxayilli' ỹataqta nlaqchiguilo na ntago'q.

Proverbios 28:9

Ñim Lo'onatac 'Enauacna sa ỹaconeguet da natamnaxac, ca sa ỹalaxagueta naua lqataxaco Ñimaye.

Salmos 10:17

Qaq 'Am Nataxala', qalaq 'aua'axaỹa da natamnaxac na choxoraqpi, 'aua'añaqchet qataq 'aulo'oguet da lỹaxanaxac.

Hechos 20:21

Qaq 'enauac nam judiopi qataq nam saishet da judiopi sheetega da ca'aisalo naua qauema lataxaco, nache ỹa'amaqten Ñim Lo'onatac 'Enauacna, qataq ỹa'amaqten So Qarataxala' Jesucristo.

Da na'aqtaguec so Job 22:26

Qaq Ñimaye, nacheñi ñi ỹo'ot da 'aramaicỹaxac qataq ishet da 'auamato'ot Ñimaye.

Santiago 4:3

Qaq da ivita da qauỹaxañiỹaique, qalaq qauem da qarquiquiaxaqui, cha'aye souaxat da qansheetaique da choche taigui qanqa'eñi da qarqopitaxanaqtaiqui.

1 Juan 2:3

Qomi' saỹatenaq qataq sauattonaqta Ñim Lo'onatac 'Enauacna, cha'aye salaxasoxogueta naua lamaxasoxonaxaco.