1 Juan 3:19 - La'aqtaqa Ñim Lo'onatac 'Enauacna 2013

^19-20 Qomi' saỹatenaq da qomi' lalamaqa'ate Ñim Lo'onatac 'Enauacna, cha'aye sauotaxac na qaraỹepi. Qaq ỹoqo'oye da ñanomaqta da huo'o ca qarasouaxashet, qalaxaye nache 'ena'am saỹaanaqta da Ñim Lo'onatac 'Enauacna saishet da qomi' nmaxaleguete camaye, cha'aye Ñimaye nataỹaña 'enauac nam nvilỹaxacpi qataq 'enauac ỹaỹaten.

Nuevo Testamento Toba Sur

¹⁹ Qaq 'eda da 'eetec da qomi' saÿajnaq da ÿoqta qomi' 'eesoda qataq da sa ñi'aloxonaqtac da souaqto'ot ñi Dios.

Nuevo Testamento Toba Sombrero Negro

¹⁹ Qom jauoqo da'me dojo', qama'le jayatenaq queda'me jachiyajaqaue da'me eja, qama'le 'uo da'me qat'emaĝac queda'me jouaqat'ot joñe'me Dios.

1 Juan 3:19 Referans Kwoze

Hebreos 10:22

Qaq ỹoqo'oye no'on da ña'añaxataxac de'era qanauochaxac Ñim Lo'onatac 'Enauacna, qataq ỹataqta 'eesa ñaqa'enaq da qarpi'iỹaxac So Cristo. Cha'aye Somaye nacheso so qomi' iỹoueeguesopa na qarasouaxashetpi, 'eeta'am da qomi' iỹoi' da deỹoxona ca 'etaxat maye ỹataqta qui'itta. Qaq ỹoqo'oye mashe qomi' huesoueeguesopa naqa'en na qarasouaxashetpi.

1 Juan 3:21

Qami' ỹaqaỹarolqa, da ñanomaqta da qarvilỹaxac da saishet da huo'o ca qarasouaxashet, nache saỹaanaqta da Ñim Lo'onatac 'Enauacna da saishet da ỹo'ot ca qarasouaxashet.

Isaías 32:17

Nache dam nalochiguiñi lataxac chegoqchigui qome da nlagaxayec, ñe'emaxa qataq chochaq tatec da qaica ca qandaqtaique.

Juan 18:37

Nache so Pilato 'enapego' Somaye, 'eeta': –¿Qache ỹoqta 'eesa da 'am nta'a? Nache So Jesús 'enapeco': –Aja', Aỹem nta'a, nachera dam qonapec. Aỹem sañiguiñi da ñanaỹa ana 'alhua, da yaqto' sa'axat cam 'eesa. Qaq 'enauac nam ỹalaxalec dam 'eesa, namayepi na'axaỹaxana dam ỹa'aqtaxanaxac.

1 Juan 1:8

Qaq da shenaqtega da qaica ca qarasouaxashet, nache qomi' maiche ñatenachetaqtapeguela't, cha'aye saishet da 'eesa dam ñasaxasoxouec.

2 Timoteo 1:12

Qaq nachera da huo'omshe huo'o de'era ñeque'eenaxac nagui. Qalaxaye saishet da ñecoqtac souaxat nam sevireguetpi, cha'aye aỹem saỹateeta Ñim hueto'ot de'era ñaquitaxac. Qataq saỹateeta Ñimaye da huo'o da la'añaxac da ỹo'ot da nache queta da qaỹa'axattac da no'on na'axaỹaxac, choche ivitta'a ca loga't ana 'alhua.

Romanos 4:21

So Abraham ỹataqta ỹaỹateeta da Ñim Lo'onatac 'Enauacna huo'o da la'añaxac da ishet da ipactelec dam ỹachaxanapec.

Juan 13:35

Qaq ñi 'oonolec da qoñiita ỹataqta ỹauotec ca lỹa, nache 'enauac na huetalec ana 'alhua ỹaỹaten da ỹataqta 'eesa da qami' ỹapaxaguenataqa.

1 Juan 3:14

Cha'aye de'era nsoxoyec maye qomi' hueto'oto ỹachaxan da mashe saishet da qomi' leuaxaiqa, nachaqrata da nagui ñeca'alaqtauec. Qalaxaye ñi 'oonolec da qoñiita da saishet da ỹauotec ca lỹa, nache damaye naigui da ñaq qoviitaigui da la'añaxac da nleuaxa.

Hebreos 11:13

'Enauac se'eso shiỹaxauapi maye sa'axataqtac somayepi choche ivitta'a da ileu da saishet da ỹaconeguet cam chegoqo'ot Ñim Lo'onatac 'Enauacna maye ỹachaxanapeguem. Qalaxaye somayepi souaxat da huo'o da lpi'iỹaxac Ñim Lo'onatac 'Enauacna, nache ilota'a cam talec somayepi da ñaq qaỹoqta. Qalaxaye nache 'ena'am ỹataqta huo'o da ntonaxac, cha'aye somayepi ỹaỹaten da huetalec ana 'alhua qalaq 'eeta'am da ỹaqa'a ca chegaqa'ague da choche cara'ac da hueta'a anamaye.

Romanos 8:38

Aỹem ỹataqta saỹateeta da qaica ca ishet da qomi' nqateeguesopa da lauotaxanaqtaic Ñim Lo'onatac 'Enauacna; na'aictaxa da huo'otaq achaalataxac, qataq da nleuaxa, huo'otaq nam namaxashecpi piguem le'ecpi qataq na saq cha'api, huo'otaq nam souaqtaigui nagui qataq cam ñaq natauo,

1 Juan 2:21

Qaq ỹoqo'oye qami' samaxalo ana ỹere, cha'aye saỹaten da qami' qauauattoñi da 'eesa lataxac, qataq qauaỹachiñi da ca ỹauatton damaye, nache camaye saishet da datenataxan.

Salmos 119:56

Cha'aye nachera da sepa'aỹa'aguet da so'ot, da salaxagueta naua 'aramaxasoxonaxaco.