1 Juan 3:17 - La'aqtaqa Ñim Lo'onatac 'Enauacna 2013

¹⁷ Da huo'o ca sallaxanec da ilota'a ca 'oonolec nam la'amqaanataxanaxauapi da huo'o da lhuenaxanaxa, qalaxaye saishet da itauan, nache que'eca sallaxanec saishet da dauotaxanaqta da 'eeta'am Ñim Lo'onatac 'Enauacna da lauotaxanaqtaic.

Nuevo Testamento Toba Sur

¹⁷ Ÿoqo'oyi da huo'o ca 'oonolec da shinaqta da huo'o 'enauac nam lhueneguesat da nachaalataxac, qaq da huo'otaq ilota'a ca lqaÿa da huo'otaq huo'o da lhuenaxanaxa, qalaq sa ishit da nqouaguec camayi, nachi ¿huá'ago' ca 'eetec camayi da ÿauotec ñi Dios?

Nuevo Testamento Toba Sombrero Negro

¹⁷ Qalaĝaja qom 'uo ga'me yauana leuoyaĝac jenjo' aleua, nataq'aen yauana ga'me laqayolec jo'ne 'uo da'me louenaĝanaĝac, qalaĝaja ja yichoĝoden joga'me, qama'le ¿teua'atoqo' netaye ga'me lauel joda'me Dios loqopich'i?

1 Juan 3:17 Referans Kwoze

Hebreos 13:16

Qataq saishet qome da qaucoviỹa'ai da qauo'oche ca ỹaỹamaqchiguiñi, qataq da qautauañi ca qarỹai maye huo'o da lhuenaxanaxa. Qaq 'ena nam nachetaqtaxanaxat maye ỹaỹamaxareeta Ñim Lo'onatac 'Enauacna.

1 Juan 4:20

Qaq da shenaqtega da sauotaxac Ñim Lo'onatac 'Enauacna, qalaxaye ñequiỹaqta'a't, nache qomi' tenataxanaxaiqa. Cha'aye da saishet da sauotaxac ca qarqaỹa maye seloqta'a, nache hua'aguectoxo' da ishet da sauotaxac Ñim Lo'onatac 'Enauacna maye saishet da selaqa'a.

Lucas 3:11

Nache so Juan 'enapeco': –Qomye ca dos caua l-lomaxaqui', qalaq ỹanem ca 'oonolec cam qaica ca l-lomaxaqui, qataq cam huo'o ca aloq, qalaq ỹachet cam qaica ca aloq.

Proverbios 19:17

Da qaỹa'aalaxanaxan ca choxoraq qalaq 'eeta'am da nacheñi Ñim Nataxala' da qaỹa'aalaxanaxan, ỹoqo'oye Ñim Nataxala' maiche isheeten que'eca ỹan aca na'aale.

Santiago 2:15

Da huo'o ca 'oonolec da qoñiita da qaica ca napogoña, huo'otaq qaica ca aloq ye na'a'q,

Proverbios 28:9

Ñim Lo'onatac 'Enauacna sa ỹaconeguet da natamnaxac, ca sa ỹalaxagueta naua lqataxaco Ñimaye.

2 Corintios 8:9

Cha'aye qami' qauaỹachiñi da So Qarataxala' Jesucristo ỹataqta sallaxanec, qalaxaye ye ỹataqta ỹaguec da qami' ỹauoteque, nache naỹa ana 'alhua, nache ỹacona da choxoraq yaqto' ỹachegoxotchigui da lachoxoyec da qami' qaviyiỹa'a da qami' sallaxanaqa.

1 Juan 5:1

Da sa'amaqtenaq So Jesús da nacheso So Lca'aguishec Ñim Lo'onatac 'Enauacna, nache 'eesa da qomi' llalaqpi Ñimaye. Cha'aye da sauotaxac Ñim Nta'a, nache iuen nataqa'en da sauotaxac na llalaqpi Ñimaye.

Proverbios 12:10

Ca no'on da lataxac ỹaỹaten da ntela'a na na'atetpi, qaq ca qauemaic qalaq sa ỹaỹaten da dechoxonnataxan.

Proverbios 14:31

Ca qaica ca naigui naqa'en ca choxoraq qalaq camaye inogoqchet Ñim Lo'onatac 'Enauacna, qalaxaye Ñimaye ỹo'oxoren ca ichoxoren ca choxoraq.

Proverbios 21:13

Ca saishet da hua'axaỹa da nachoxonnaxac ca choxoraq, qaq camaye nataqa'en saishet da qaỹa'axaỹa da ivita da iỹaxanaique ca ntaunaguec.

Santiago 2:16

nache qaica ca naigui da qonapega camaye da qoneta': «'Aue qome, saqca ca da, da 'icỹaxac, 'aayiñi naua 'ogo qataq 'auque'e, 'aviraxata'a da ỹataqta 'am comaraxaic», da huo'otaq 'am saishet da 'aỹa'anem cam iueetaique maye napogoña qataq cam chec.