1 Juan 3:14 - La'aqtaqa Ñim Lo'onatac 'Enauacna 2013

¹⁴ Cha'aye de'era nsoxoyec maye qomi' hueto'oto ỹachaxan da mashe saishet da qomi' leuaxaiqa, nachaqrata da nagui ñeca'alaqtauec. Qalaxaye ñi 'oonolec da qoñiita da saishet da ỹauotec ca lỹa, nache damaye naigui da ñaq qoviitaigui da la'añaxac da nleuaxa.

Nuevo Testamento Toba Sur

¹⁴ Cha'ayi qomi' mashi soqolqa'ai da 'ico' qadeleuaxa, nachi huo'o da qadca'alaxa. Qaq damayi saÿajnaqta, cha'ayi sauotaxac na qadqaÿañicpi. Qaq cam sa ishit da ÿauotec ca lqaÿa, qaq camayi ñaq 'eetalec da leuaxaic.

Nuevo Testamento Toba Sombrero Negro

¹⁴ Jayatenaq queda'me jachiyajaqaue da'me neleuaĝa qama'le nayi jaĝaue da'me qadec'alaĝa; dojo' jayatenaq qa'a qadoqopitalo gaa'me qadaqaya'olqa. Ga'me jo'ne ja noqopita ga'me laqaya maliaĝa uetaue da'me neleuaĝa.

1 Juan 3:14 Referans Kwoze

1 Juan 5:2

Da qomi' sauotaxac Ñim Lo'onatac 'Enauacna, qataq so'otaq 'enauac nam lamaxasoxonaxacpi, nache nataqa'en saỹatenaq da sauotaxac na llalaqpi Ñimaye.

Juan 13:35

Qaq ñi 'oonolec da qoñiita ỹataqta ỹauotec ca lỹa, nache 'enauac na huetalec ana 'alhua ỹaỹaten da ỹataqta 'eesa da qami' ỹapaxaguenataqa.

1 Ts 4:9

Qaq da lataxac da qanauote' ca na'amqaanataxanaxaua, sa iuen da shiyiñi, cha'aye Ñim Lo'onatac 'Enauacna mashe qami' ỹapaxagueneque da 'eetec da qaỹauotec ca nỹa.

Juan 5:24

Qaq ỹataqta 'eesa de'era qami' sa'axatema, da ca na'axaỹaxana de'era sa'axattac, qataq ỹa'amaqten Ñim Aỹem namaq, nache camaye mashe inoxoneua'a da lataxac da nca'alaxa maye qaica ca loga't. Qaq camaye nataqa'en saishet da qaỹauo'o qome ca nhuaxanaguec, cha'aye mashe sogote da ca'ai da nleuaxa da inoxoneua'a da nca'alaxa.

1 Pedro 1:22

Nagui qami' qaualaqaiguet dam 'eesa la'aqtaxanaxac Ñim Lo'onatac 'Enauacna: nache Ñimaye iỹouec 'enauac na qarasouaxashechi: da yaqto' ñi 'oonolec da qoñiita ỹataqta 'eesa da ỹauotec ca lqaỹa. Qaq ỹoqo'oye ñi 'oonolec da qoñiita ỹataqta imauec naqa'en da lquiyaqteỹaxac qataq da la'añaxac da ỹauotec ca lqaỹa.

Mateo 25:40

Qaq Aỹem maye Aỹem Nta'a, sheeta': «Dam qauo'ochec na shiỹaxauapi maye qaica ca la'amaqchec ana 'alhua, qataq nam samata'ac da ỹataqta ỹaqaỹañicpi, nache damaye 'eeta'am da nache Aỹem da Aỹem qauo'ochec.»

Hebreos 13:1

Saishet da ỹaxanec ñi 'oonolec da qoñiita da ỹauotec ca lỹa, cha'aye nachera da lataxac nam quetague' So Cristo.

Juan 15:12

Qaq dam ỹamaxasoxonaxac maye qami' sanema 'eeta': Ñi 'oonolec da qoñiita ỹataqta ỹauotec ca lỹa, 'eeta'am da 'eetec da ỹataqta qami' sauoteque.

1 Juan 4:12

Qaica ca nma'ai' da ỹauatton Ñim Lo'onatac 'Enauacna, qalaxaye da ñi 'oonolec da shenaqta da ỹataqta ỹauotec ca lỹa, nache 'eesa da Ñim Lo'onatac 'Enauacna qomi' netaiguilo, qataq nataqa'en da lauotaxanaqtaic Ñimaye qomi' do'onataxaatapoiguilo.

1 Juan 3:23

Qaq dam lamaxasoxonaxac Ñimaye qomi' 'enapegalo da sa'amaqtenaq So Llalec Jesucristo, qataq ñi 'oonolec da shenaqta ỹataqta ỹauotec ca lỹa, ipagaqchiichigui dam qomi' ỹamaxaleguete So Jesús.

1 Pedro 3:8

Qaq da pa'atec, qami' iuen da qoviitaigui da 'oonolec da qarhuennataqai, qataq ñi 'oonolec ỹataqta ỹauotec ca lỹa qataq qanaỹaañeta't, yaqto' nache 'eetai' da qana'ayeeta'a't. Qataq ỹataqta qami' soxoraiqa, qataq huesota da qarataxaqui.

Colosenses 1:4

Cha'aye qomi' saỹaanaq da lta'araic da qarpi'iỹaxaqui So Cristo Jesús, qataq da qarauotaxanaqtaiqui 'enauac nam lalamaxatpi Ñim Lo'onatac 'Enauacna.

Efesios 1:15

Aỹem ỹa'axaỹaxac da qoñiita da lta'araic da qarpi'iỹaxaqui So Qarataxala' Jesucristo qataq da qarauotaxanaqtaiqui nam lalamaxatpi Ñim Lo'onatac 'Enauacna. Ỹoqo'oye dam hua'auchiguiñi ỹa'aqtac,

1 Juan 5:13

Shiyiñi de'era da qami' samaxalo, qami' maye qaua'amaqchiñiitac So Llalec Ñim Lo'onatac 'Enauacna, yaqto' qauaỹaañita da qami' huo'o da qarca'alaqai chochaq tatec.

Juan 15:17

Qaq 'era da qami' samaxaleguete, 'eeta': Ñi 'oonolec da qoñiita ỹataqta ỹauotec ca lỹa.

1 Juan 2:3

Qomi' saỹatenaq qataq sauattonaqta Ñim Lo'onatac 'Enauacna, cha'aye salaxasoxogueta naua lamaxasoxonaxaco.

2 Pedro 1:7

qataq qauauochec na qaraỹepi maye ỹa'amaqteetac So Cristo, qaq da pa'atec, iuen da qauauochec 'enauac na laỹepi, qaica ca qauỹocheetegueuga.

Efesios 2:5

Qaq ỹoqo'oye na'aictaxa da souaqtaigui co'ollaxa da 'eeta'am da qomi' leuaxaiqa souaxat na qarasouaxashetpi, qalaxaye Ñimaye qomi' ỹanema da qarca'alaxa co'ollaq nca'alaxatec So Cristo. Qomi' ñeca'alaxauec, chegoqchigui da lsoxoyec Ñim Lo'onatac 'Enauacna, na'aictaxa da saishet da saxaguet damaye.

2 Corintios 5:1

Qaq ỹoqo'oye qomi' saỹaanaq da huo'otaq nlaguiñi de'era qaro'ocỹaxac, maye 'eeta'am ca nỹec maye saq 'eetai', qalaxaye Ñim Lo'onatac 'Enauacna sogote da iqataxaatai' ca qarma' da piguem maye qaica ca loga't. Camaye saishet da choche shiỹaxaua ca lo'onatac.

Salmos 16:3

Na atamnaxala'pi maye huetalec ne'ena 'alhua ỹataqta 'añaxaicpi, cha'aye nache 'enapec na ỹo'oxoreetac namayepi,

Efesios 2:1

Qaq qami' qoviitaigui co'ollaxa da 'eeta'am da qami' leuaxaiqa, souaxat da sa qaualaiguet Ñim Lo'onatac 'Enauacna qataq qoviitaigui da qaye'etaxalqoi.

Gálatas 5:22

Qalaxaye So Saqcha'a La'añaxac Ñim Lo'onatac 'Enauacna, qomi' ỹo'oteque da huo'o da qarsoxoyec, qataq nache 'eetai' da ñetonaqtapigui' qataq souaqtaigui da qarlagaxayec. Qataq qomi' ỹo'oteque nataqa'en da qarhualaxavic qataq da qarauotaxanaqtaic, qataq so'otaxac ca ỹaỹamaqchiguiñi ca qarỹa, qataq huo'o da qarpi'iỹaxac Ñim Lo'onatac 'Enauacna,

Lucas 15:32

Qalaxaye nagui no'on da so'otaq ca qarquia'axac da ñetonaqtapigui'. Cha'aye ñi 'arqaỹa, ñimaye mashe saqca, qalaxaye qaltaq nca'alec; ñimaye deqat, qalaxaye mashe sanataxa.›»

Lucas 15:24

Cha'aye de'era ỹalcolec, damaye mashe saqca, qalaxaye qaltaq nca'alec. Damaye deqat, qalaxaye mashe sanataxa.› Nache qaỹo'ot se'eso tonaxac.

Proverbios 21:16

Qaq ca shiỹaxaua da ca'ai da llecỹaxac da naỹaanataxanaxac, camaye taỹa'a da ỹalectaigui na leuaxaicpi.

Lucas 7:5

Qomi' judiopi ỹataqta qomi' ỹaỹamaxatte'; ¡qataq ivira'a da damaxasoxoolec da qano'oxoosheguem añi qanapaxaguenaxaqui!»