1 Juan 3:13 - La'aqtaqa Ñim Lo'onatac 'Enauacna 2013

¹³ Qami' ñauochaxauapi, saishet qome da qarhualliỹa'a da nam 'etaxaloxoicpi maye huetalec ana 'alhua da qami' nquiỹalo.

Nuevo Testamento Toba Sur

¹³ Qami' ÿaqaÿa't, sa ishit qome da qadhualliÿa'a qom qami' nquiÿalo nam quetague' na 'onataxacpi mayi huetalec ana 'alhua.

Nuevo Testamento Toba Sombrero Negro

¹³ Ami yaqaya'olqa, ena'te adoqoch'iyem qom gaa'me jiyaĝadipi jo'ne loeco lo'olpi ami niquiyatapegalo.

1 Juan 3:13 Referans Kwoze

Juan 17:14

Qaq Aỹem sanema naamaye da 'ara'aqtac, qaq ỹoqo'oye nam huetalec ana 'alhua ỹataqta nquiỹalo, cha'aye naamaye mashe saishet da 'eeta'am da lataxac na shiỹaxauapi ana 'alhua, 'eeta'am da 'eetec Aỹem da saishet da sheeta'am namayepi.

Lucas 21:17

Qataq 'enauac qome na shiỹaxauapi maye huetalecna qami' nquiỹalo, souaxat da qami' ỹapaxaguenataqa.

Santiago 4:4

Qami' saishet da qauauochec Ñim Lo'onatac 'Enauacna qataq saishet da qaualaqaiguet. Cha'aye ca ỹauotec na huetalec ana 'alhua, nache camaye ỹe'eguelaxa da ipa'agueetac Ñim Lo'onatac 'Enauacna. ¡Qaq damaye nache 'eetec! Da qami' qauauochec na qauem maye huetalec ana 'alhua, nache qavi'eguelaqaỹa da qapa'agueñiitac Ñim Lo'onatac 'Enauacna.

2 Timoteo 3:12

Qaq ỹataqta 'eesa da 'enauac na nshetaique da nañanot da quetague' So Cristo Jesús, nataqa'en nque'etaxangui qome da ncanaguec.

Marcos 13:13

Qaq 'enauac qome na shiỹaxauapi ỹataqta qami' nquiỹalo, souaxat da Aỹem qoquiitague'. Qalaxaye cam qaica ca iqocha'a, choche ivitta'a ca loga't da nachaalataxac, qaq nacheca ca qanca'alaxatec.

Romanos 8:7

Nam saishet da nllañi nam qauem lqopitaxanaqtaicpi nda'a't da iuennatega da ỹo'ot ca qauem, nache namayepi ỹataqta ipa'agueetac Ñim Lo'onatac 'Enauacna. Cha'aye sa ỹaỹamaxaren qataq saishet da ỹalaxaguet na lamaxasoxonaxacpi Ñimaye.

Juan 16:33

Qaq Aỹem qami' sa'axatema 'enauac de'era, yaqto' huo'o da qarlagaxayiqui da Aỹem qana'ayeetaua'a. Qami' ana 'alhua maye qoviitalec huo'o da qanque'eenaxaqui. Qalaxaye qana'añaxache qome, cha'aye Aỹem mashe sogote da ỹoxonec nam 'onataxacpi maye huetalec ana 'alhua.

Juan 7:7

Nam shiỹaxauapi maye huetalec ana 'alhua, qaica cam ỹoqta 'eesa da qauasoviilec da huo'omshe qami' nquiỹategalo. Aỹem, qalaxaye Aỹem nquiỹa, cha'aye Aỹem ỹataqta sa'aqtaxaatem namayepi naua lataxaco maye sa ỹaỹamaxayiñi.

Lucas 6:22

Ñim Lo'onatac 'Enauacna qami' ỹaaleguete da lqouagaxanaqtaic souaxat na shiỹaxauapi da qami' nquiỹalo, huo'otaq da qami' isheueeta'ape qataq da qami' sa qaỹaconegueta, qataq qaica ca huotaique da qami' ỹalecta'agueta. Na shiỹaxauapi qami' ỹo'oteque de'era, cha'aye souaxat da Aỹem qaualaqaiguet, Aỹem Shiỹaxaua Llalec.

Mateo 24:9

Huaña, nache qami' qaỹaue'c da qami' qaicoñerai'salo, qataq qami' qoỹaneua'alo na nta'alpi da yaqto' saishet da qami' iyacna'ape, qataq ivira'a da qami' ỹalaua't. Qataq 'enauac na shiỹaxauapi ỹataqta qami' nquiỹalo, souaxat da Aỹem qoquiitague'.

Mateo 10:22

Qataq 'enauac qome nam shiỹaxauapi ỹataqta qami' nquiỹalo, souaxat da Aỹem qoquiitague'. Qalaxaye cam Aỹem pi'iỹa'a choche ivitta'a ca loga't da nachaalataxac nache Aỹem ñeca'alaxatec .

Eclesiastés 5:8

Saishet qome da 'aue'elaxam da huo'o ca 'alhua da huaña da sa qaiyacnapec ca choxoraq, qataq da sa qairen da nalochiguiñi lataxac, qataq da sa qaipaguelec cam lapaqtañi lataxac, cha'aye cam nataxala' qalaq huo'o ca lỹa ỹaquitcheguem nataxala' da npaxattalec camaye, qaq caamaye, qaltaq huo'o cam laỹepi nataxala'pi maye ỹactec da la'amaqchec da npaxattaleguete.

Hechos 3:12

Nache so Pedro co'ollaq ila'a de'era nqochoxo, nache 'enapego' so shiỹaxauapi, 'eeta': –Qami' Israel le'ecpi, ¿chaq ta'ainco' ye ỹapactec da qarqochoqoi? ¿Ta'ainco' da qomi' qauloito'oto, 'ena'amo' da nacheqomi' da ñatarenaq de'era ỹale, huo'otaq da maiche qara'añaxac da seroxolec damaye da yaqto' queuoỹapigui'?

Juan 16:2

Qami' qaỹamaqraue'c qome da huaigui ana napaxaguenaxaquipi na judiopi, qataq ivira'a qome ca na'a'q da huo'o ca qami' ỹalaua't, nache camaye ipi'itaxaatega da ỹo'ottac dam 'eetapeguec Ñim Lo'onatac 'Enauacna.

Juan 3:7

Saishet da 'are'elaqchet de'era 'am sa'axattapeguem, da 'enauac na shiỹaxauapi iuen da taigui da dalaxaic nañoxoc.

Apocalipsis 17:7

Qalaxaye so namaxashec piguem le'ec aỹem 'enapega, 'eeta': «¿Ta'ainco' ye ỹataqta huo'o da 'are'elaxa? Aỹem nagui 'am sa'axatem dam naigui maye saqcha'a de'era 'arauanaqchec. 'Am sa'aqtaxanem da naigui asa'aso 'alo qataq so shiguiỹac leguemaxaic maye siete naua lqaigo qataq diez naua lcouel maye netalec asomaye.

Proverbios 29:27

Na ỹalleppi maye no'on da lataxac saisheteguet na qauemaicpi, qataq na qauemaicpi nataqa'en saisheteguet na no'on da lataxac.