1 Juan 2:28 - La'aqtaqa Ñim Lo'onatac 'Enauacna 2013

²⁸ Qaq ỹoqo'oye nagui qami' ỹalqolqa, no'on da nache qoquiito'ot da qana'ayeetaua'a So Cristo. Yaqto' qom ñe'eguelaq Somaye, nache nda'a't da qanaquitaxac, qaq saishet da huo'o ca qara'aloxo souaxat da ỹauo'o ca qanhuaxanaguec.

Nuevo Testamento Toba Sur

²⁸ Qaq ÿoqo'oyi qami' ÿalqolqa, nachi 'eetai' qome da qan'ayiitau'a so Cristo, yaqto' ÿataqta huo'o qome da qadpe'e qom ivita da nachaxan somayi, qaq sa ishit da huo'o ca qad'aloxo qom ivita da ñi'iguelaq.

Nuevo Testamento Toba Sombrero Negro

²⁸ Nayi, ami yalaqapi, 'noota qom nach'e aueñeta't auoqochi'taguet joñe'me Cristo, qaedi yataqachiñe 'uo da'me qadepe'e qom'che di'yo'quena joñe'me, nataq'aen qaedi qo'mi ja qadepocoq qom jajoyaqa'aguet joñe'me da'me lovidaĝac.

1 Juan 2:28 Referans Kwoze

1 Juan 4:17

Qaq da ỹoqta 'eesa da sauotaxac na qarqaỹañicpi qataq shenaqta'am da 'eetec So Jesucristo co'ollaq huetalec ana 'alhua, nache saishet qone' da qomi' icolanaqche't que'eca na'a'q qom ñe'eguelaq So Jesús da nmit 'enauac na shiỹaxauapi.

Marcos 8:38

Da qaualliquiitaigui ne'ena shiỹaxauapi maye 'etaxaloxoicpi qataq saishet da ỹaconeguet Ñim Lo'onatac 'Enauacna, nache saishet da Aỹem qaua'aquiiteguelec qataq naua ỹa'aqtaqa. Qaq da Aỹem qaua'aquiilec, nache nataqa'en Aỹem Shiỹaxaua Llalec qami' sa'agueleguete qom ñe'eguelaq da ñanactaigui da la'añaxac Ñim Ita'a qataq na lamaxashecpi.»

1 Juan 3:2

Qami' ñauochaxau' ỹaqaỹa't, ¡qomi' mashe qomi' llalqa Ñim Lo'onatac 'Enauacna! Qaq na'aictaxa da saxanaxa da saỹatenaqta cam 'eeteque qomi' cam ñaq natauo na'a'q, nachaqrata da saỹatenaq da So Jesucristo qom ỹoltaq nachaxan, nache shenaqta'am Somaye, cha'aye ỹataqta ñimaqa'ai' da seloqto'ot qome.

1 Juan 3:21

Qami' ỹaqaỹarolqa, da ñanomaqta da qarvilỹaxac da saishet da huo'o ca qarasouaxashet, nache saỹaanaqta da Ñim Lo'onatac 'Enauacna da saishet da ỹo'ot ca qarasouaxashet.

Colosenses 3:4

Cha'aye So Cristo nacheso so qanachaalataxaqui. Qaq qom ivita da ñe'eguelaq da nachaxan, nache qami' nataqa'en qanachaxañi. Nache qanhuañiỹaua'a da llo'oxoyec Somaye.

1 Juan 2:1

Aỹem ỹataqta qami' sauoteque, 'eeta'am ñaqa'en da maiche qami' ỹalqa. Ỹoqo'oye qami' samaxalo ana ỹere da yaqto' saishet da huo'o ca qauo'oche qarasouaxashechi. Qalaxaye da huo'otaq huo'o ca huo'o ca lasouaxashet, nache So Jesucristo maye no'on da lataxac, Somaye qomi' detaqleguete da datato'ot Ñim Lo'onatac 'Enauacna maye Nta'a.

1 Ts 3:13

Nataqa'en seỹaxanaqtacot Somaye da qami' ỹanema ca qara'añaxaqui da qaumachiỹo'ot da qarpi'iỹaxaqui Ñim Lo'onatac 'Enauacna, qataq qami' ỹanema da ỹataqta qui'itta da qarquiyaqteỹaxaqui qataq qaica ca qarasouaxashechi. Yaqto' qom ñe'eguelaq Somaye da nnaictague' na qui'itta lamaxashecpi, nache qaica ca ỹauo'o ca qarasouaxashechi da qanachaachiỹot Ñim Lo'onatac 'Enauacna. Aja', nache 'eetec.

Malaquías 3:2

Qalaxaye ¿negue't ca ishet da nala'aguet que'eca na'a'q maye lviraxaqui? Qataq ¿negue'tom cam ishet da nachaata'aguet? Cha'aye qom nvi', nache 'eeta'am ca norec, da yaqto' qomi' iqui'itaxa't, qataq 'eeta'am qome ca nỹoxonaxat da iỹouec nam qarshepaxanaxa.

1 Juan 5:14

Qomi' huo'o da qarpi'iỹaxac Ñim Lo'onatac 'Enauacna, cha'aye saỹatenaq da qomi' hua'axaỹalo da seỹaxanaqot Ñimaye da seỹaxanaqaique ca ỹaỹamaxareeta.

1 Pedro 5:4

Yaqto' qom ñe'eguelaq So Cristo maye Lataxala' nam ilotague' na 'amqaanataxanaxaicpi, nache qami' qauacoñiiguet ca qaica ca 'ena'am da llo'oxoyec qansheetenaguiiqui maye qaica ca loga't.

Apocalipsis 1:7

¡Ñaq qauloỹa! ¡Na Cristo mashe anacta, netalec na lo'oc na piguem! 'Enauac da qailota'aguet da anacta, ivira'a nam ỹalauat co'ollaxa; qataq nataqa'en 'enauac na huetalec ana 'alhua, nỹen souaxat namaye. 'Era dam 'eetec qome, ¡aja', nache 'eetec!

Hebreos 9:28

Qaq nache 'eeta'am So Cristo da 'oonolec da nañan da yaqto' qalota da shenaqta na qaỹapalaxat na lasouaxashetpi. Ime, nache Somaye ñe'eguelaxa qome ana 'alhua, qalaxaye saishet da naỹa da qaltaq ileualec na qarasouaxashetpi, nachaqrata da anac da 'enauac qomi' nca'alaxatre'c, qomi' maye seuataqtaique ca lviraxac.

1 Ts 2:19

Huo'o da qaryaxa da qami' ñauanaxato, cha'aye So Qarataxala' qom ñe'eguelaq, nache qomi' iỹaxanoto qome da sanaxaua'a da qaro'onataxanaxac, nache qomi' qome huo'o da qana'amqaanaxac, qataq da qantonaxac souaxat da qaro'onataxanaxac da qoñiita.

1 Corintios 1:7

Ỹoqo'oye nagui da qauacheetaique So Jesucristo da ñe'eguelaq, nache qami' nlaqchiguilo nam chegoqo'ot Ñim Lo'onatac 'Enauacna.

Romanos 9:33

Ana nere maye huetalec na la'aqtacpi Ñim Lo'onatac 'Enauacna Ñimaye 'eeta': «Aỹem sanaña qome ye Jerusalén ca 'oonolec coma'. Qaq camaye qome qalota na depoxolaxaisop qataq huañi naqa'en. Qalaxaye Ñim Lo'onatac 'Enauacna sa ỹatenachet 'enauac nam pi'iỹa'a Ñimaye.»

Tito 2:13

Nataqa'en qomi' ỹapaxagueneque da qolaqtot da qarhuataxanaxac da seuataqta'aguet que'eca na'a'q maye qomi' qaỹachaxanapeguema, da ñe'eguelaq da nactaigui da llo'oxoyec So Qarataxala' Jesucristo maye Qarta'a, qataq Qarca'alaxaqui.

2 Timoteo 4:8

Saỹaten da Ñimaye maye sa depe'enaxan da nmit 'enauac na shiỹaxauapi. Ñimaye aỹem ỹami' ca nsheetenaguec da ñachaalataxac maye lasheue da ỹalaxayec. Qaq saishet da nachaỹemta da aỹem ỹami', maye nataqa'en 'enauac na shiỹaxauapi maye ỹayeeta'aguet ca lle'eguelaxasoxoc Ñimaye.

1 Timoteo 6:14

Nache 'am shenapega da 'aualaxaguet 'enauac nam 'am samaxalec, yaqto' qaica ca ỹo'ot ca 'arasouaxashet. Qaq damaye ỹataqta qoqueto'ot choche ivitta'a da ñe'eguelaq So Qarataxala' Jesucristo,

1 Ts 5:23

Qaq Ñim Lo'onatac 'Enauacna qami' ỹanema da qarlagaxayiqui, qataq nacheñi qami' iqui'itaxatte' yaqto' qauo'onataxañiỹot. Qataq saishet da qami' ỹashenegueta ca sa ỹaỹamaxañi, choche ivitta'a da ñe'eguelaq So Qarataxala' Jesucristo, yaqto' so saqcha'a qarca'alaqai, qataq da qarvilỹaxaqui qataq da qaro'ocỹaxaqui, saishet da huo'o ca qarasouaxashechi qom qanachaachiỹot Ñim Lo'onatac 'Enauacna.

1 Corintios 15:23

Qalaxaye ñi 'oonolec ỹataqta ca maiche laloqo' da qaltaq qanca'alaxatec. So Cristo mashe sogote la'auaxanec da nca'alec qanqa'en. Qaq qom ñe'eguelaq Somaye, nache nca'alec nam quichiguiñi' da ỹa'amaqteetac Somaye.

Malaquías 4:5

Qaq ñaq qauloỹa da: Aỹem qami' ñamaxalo qome ca na'aqtaxanaxanec Elías, qom saxanaxa da nvi' que'eca na'a'q maye lalamaxat Ñim Nataxala', cam na'a'q maye ỹataqta lta'araic qataq chaqaic.

Isaías 25:9

Qaq que'eca na'a'q qoỹenapec qome: «'Eñi Ñim Qanatamnaxala', Ñimaye sepi'iỹaqa'a nache Ñimaye qomi' nca'alaxatrec. Nache qaramachiguiñi qataq ñetonaqtapigui', cha'aye Ñimaye qomi' nca'alaxatrec.»

1 Pedro 1:7

Cha'aye dam qarpi'iỹaxaqui Ñim Lo'onatac 'Enauacna maye qami' neto'oto, 'eeta'am na lcat oro: qaq 'eeta'am da 'eetec da lyac na lcat oro da qaiỹo da qaỹasaxangui ca norec, qaq nache 'ena'am da qarpi'iỹaxaqui Ñim Lo'onatac 'Enauacna da qaỹe'eguen, chegoqchigui na lqalaiguesat. Qaq ỹoqo'oye qami' de'era qarpi'iỹaxaqui da huo'otaq nache 'eetec de'era da qaỹe'eguen, nache ỹataqta napacalec da lyac ca lcat oro, cha'aye que'eca lcat oro ishet da dolagui. Qaq nache 'eetec So Jesucristo qom nachaxan, nache ỹataqta qaỹaỹamaxareeta qataq huo'o da ño'oxonnataguec dam qami' hueto'oto qarpi'iỹaxaqui Ñim Lo'onatac 'Enauacna.

Isaías 45:17

Qalaxaye Ñim Nataxala' nca'alaxatec qome na Israel le'ecpi, irolec da chochaq tatec lca'alaqtaxanaxac, qaq nache saishet qome da ỹe'eguelaxa da huetaigui da la'aloxo, qataq da qaica ca la'amaqchec.

Mateo 16:27

Cha'aye Aỹem Shiỹaxaua Llalec, saqaỹaloq da ñe'eguelaq ñanactaigui da la'añaxac Ñim Lo'onatac 'Enauacna qataq na ỹamaxashecpi da yaqto' sanem ca laueguec nam 'onaxaic nam ỹo'ottacpi qataq sauo'o ca nhuaxanaguec na qauem nam ỹo'ottacpi.

Mateo 16:28

Qaq ỹataqta 'eesa de'era qami' sa'aqtaxanema, da huo'o qome ca 'oonolec da qoñiita maye ỹalectauo nagui cam saishet qome da ileu, qom saxanaxa da ilogui da selo'ogue 'enauacna.»

Lucas 17:30

Qaq 'era qome da sheetec Aỹem Shiỹaxaua Llalec, qom ivita que'eca na'a'q da ñachaxan.

Efesios 3:12

Qaq ỹoqo'oye So Cristo nacheso so chegoqchigui da qarpi'iỹaxac qataq qomi' huesochiyiñi da ñequigaxaua'a Ñim Lo'onatac 'Enauacna, qaica ca sho'oqtaique.