1 Juan 2:24 - La'aqtaqa Ñim Lo'onatac 'Enauacna 2013

²⁴ Qaq ỹoqo'oye saishet da qaỹa'axañiiñi da qauo'ocheetac nam qami' qaỹapaxagueneque co'ollaq cheta'ague da qaua'amaqchiñi So Cristo. Da qoquiito'ot da qauo'ocheetac damaye, nache qami' nache 'eetai' da qana'ayeetaua'a Som Ñalec qataq Ñim Nta'a,

Nuevo Testamento Toba Sur

²⁴ Qaq ÿoqo'oyi qami' ÿataqta qai'oxochiÿoiguilo qome naua qadquiyaqchilli' da n'aqtac mayi qau'aqaichigui co'ollaq chita'ague da qau'amqajnataxañi. Cha'ayi de'eda n'aqtac mayi qau'aqaichigui co'ollaxa da huo'otaq ÿataqta huetaiguilo naua qadquiyaqchilli', nachi qami' ÿataqta qan'ayiitau'a ñi Dios qataq so llalec.

Nuevo Testamento Toba Sombrero Negro

²⁴ Chane'eja, 'noota qom aviyamaĝachiyouelo naa'me adai'lidi' da'me 'naqataĝanaĝac jo'ne eja, 'me auomachiiya jo'ne chiyoqo'tagueta gaa'me noloqo'ote ca'li yemta auacoñiyeguet da'me adepi'i. Qom naq'aeta queda'me dojo' netayelo jonaa'me adai'lidi', qama'le nach'e ena'am oquitalegue queda'me auoqochi'taguet joñe'me Dios Lec'oĝot, nataq'aen joñe'me Qadet'a.

1 Juan 2:24 Referans Kwoze

Juan 14:23

Nache So Jesús 'enapeco': –Ca Aỹem ỹauotec, camaye nataqa'en ỹalaxaguet cam shenapec, nache Ñim Lo'onatac 'Enauacna maye Ita'a ỹauotec camaye. Nache Ñimaye qataq Aỹem ñanaguenaq da souaqta'aguet camaye.

1 Juan 4:13

Saỹatenaqta da qomi' ỹataqta 'eesa da ña'araqtaua'a Ñim Lo'onatac 'Enauacna, cha'aye Ñimaye qomi' ỹanema So Saqcha'a La'añaxac.

1 Juan 4:16

Qaq ỹoqo'oye saỹatenaq qataq sa'amaqtenaq da Ñim Lo'onatac 'Enauacna qomi' lauotaqa'ate. Ñimaye ỹataqta huotaxanaqtaqaic, ỹoqo'oye camachaqca ca ỹauotec ca lqaỹa, nache camaye ỹataqta 'itchiguiñi da na'attaua'a Ñim Lo'onatac 'Enauacna.

Apocalipsis 3:3

Qataq 'auennata'a 'enauac nam 'auaỹaten maye na'aqtaguec Ñim Lo'onatac 'Enauacna, ime, nache 'avi'eguelaqot Ñimaye qataq 'aualaxaguet. Qaq da saishet da nache qonetec de'era, nache 'am ñeqo'ona da sauo'o ca 'anhuaxanaguec, qataq 'am sevira qom mashe saishet da Aỹem 'auauotaique; sheeta'am ca cachaxaic da saishet da qaỹaỹaten ca laloqo' da nvi' da decache.

1 Juan 2:7

Qami' ỹaqaỹa't maye sa'amaqtenaqtac So Cristo, aỹem saishet da qami' saateguema ca dalaxaic namaxasoxonaxac. Nachaqrata dam namaxasoxonaxac maye qami' ỹanema Ñim Lo'onatac 'Enauacna co'ollaxa. Qaq de'era namaxasoxonaxac damaye ỹataqta nache 'eetai', Qaq damaye qami' mashe qauaỹachiñi.

Juan 15:7

Qaq qami' da nache 'eetai' da Aỹem qana'ayeetaua'a, qaltaq qaualaqaiguet 'enauac nam qami' sapaxagueneque, nache Ñim Ita'a qami' ỹanema 'enauac cam qauỹaxañiỹaique.

Apocalipsis 3:11

Qaq Aỹem saqaỹaloq da ñanac. Qaq ỹoqo'oye qoqueto'ot da 'aua'amaqteetac Aỹem, yaqto' saishet da huo'o ca ỹacona ca 'ansheetenaxat.

Colosenses 3:16

Qataq saishet da qaucoviỹa'ai da llo'oxoye'c naua lapaxaguenataxanaxaco So Cristo. Qataq da qauapaxagueñi ca qarỹai huo'otaq da qaua'añaqchichi qalaq ỹataqta qanaỹaanaxanaqchiñi. Qataq qauo'oñi na no'onecpi maye huetalec ana nere maye huetalec na la'aqtacpi Ñim Lo'onatac 'Enauacna, qataq qauo'oñi' naua no'onqa maye chegoqo'oto So Saqcha'a Na'añaxac Qui'itta, qataq qaỹa'añiitacot da qana'achecỹaxaqui Ñim Lo'onatac 'Enauacna ỹataqta imauec da qarquiyaqteỹaxaqui.

Salmos 119:11

Añi iquiyaqte ỹataqta soxotoiguilo naua 'ara'aqtaqa, yaqto' saishet da 'am hueto'ot ca ỹasouaxashet.

1 Juan 1:7

Qalaxaye da ñachaataqtaigui na yo'oqchiguiñi, da shenaqta'am Ñim Lo'onatac 'Enauacna maye huetaigui da yo'oqchiguiñi, nache ỹataqta ña'araqta't da qomi' nqaỹañecpi, qaq Ñim Lo'onatac 'Enauacna ỹapalaxa't naua qarasouaxashe'ete, chegoqchiguilo naua ltago'q So Llalec Jesús.

Hebreos 3:14

Cha'aye da hua'auchiguiñi, co'ollaq sepi'iỹaqa'a So Cristo, nache chegoqchiguiña da qartaua Somaye; qaq da saishet da saxanaxauec da qarpi'iỹaxac Somaye, nache nataqa'en nache 'eetai' da qartaua.

Filipenses 4:15

Qataq qami' maye qoñiitaña na nỹecpi na Filipos, nataqa'en qauaỹaañita co'ollaq cheta'ague da sa'axat da no'on na'axaỹaxac maye chegaqaigui da nca'alaxa. Qataq co'ollaq sheca'ai ye 'alhua Macedonia, qalaq qaica ca aỹem itauan nam laỹepi 'amqaanataxanaxaicpi, nacheqamiita da aỹem qanamaqỹa co'ollaxa aso qartaunaxanaqchi.

3 Juan 1:3

Ỹataqta lta'araic da ñetonaxac co'ollaq huo'o na nvira aỹem nam 'amqaanataxanaxaicpi, nache aỹem da'aqtaxaatapeguem, da 'am qoqueto'ot da 'arpi'iỹaxac, dam 'eesa lataxac maye qomi' ỹapaxagueneque So Jesucristo.

2 Juan 1:2

dam qomi' ỹaueegueta da qarauotaxanaqtaic.

Hebreos 2:1

Qaq ỹoqo'oye qomi' iuen da ỹataqta sauoqo'o da qarqochoxo da na'aqtaxanaxac maye chegaqaigui da nca'alaxa maye sa'axasoqchigui, yaqto' saishet da qolaqa'ai so nqa'aic maye qomi' ỹachaxanalo Ñim Lo'onatac 'Enauacna.

Juan 8:25

Nache qainattac Somaye, qoỹeeta': –¿Negue't 'am? Nache So Jesús 'enapeco': –Mashe sogote mque' da qami' sa'aqtaxaateguema so hua'auchiguiñi.

Proverbios 23:23

'Anmitaique qome da 'eesa lataxac, naỹaanec, napaxaguenataxanaxac qataq da nauattonaxanaxac, ¡qalaxaye saishet qome da 'aumen!

Lucas 9:44

«Ña qana'axaỹaxañiichigui da shenapec, Aỹem Shiỹaxaua Llalec Aỹem qoỹanoigui qome nam Aỹem ipa'agueetacpi.»

Juan 6:56

Ca chec da ỹo'ocỹaxac qataq ca nỹomguilo naua itago'q, nache camaye nache 'eetai' da Aỹem na'attaua'a, qaq nache 'ena'am Aỹem soota'aguet camaye.

1 Juan 3:24

Da salaxasoxoguet Ñim Lo'onatac 'Enauacna, nache ỹataqta ña'araqtaua'a Ñimaye, qaq Ñimaye qomi' hueta'agueta. Qaq de'era saỹatenaq chegoqchigui So Saqcha'a Na'añaxac Qui'itta maye qomi' ỹanema.

1 Juan 4:15

Da huo'o ca shiỹaxaua da ỹa'amaqten So Jesucristo da Llalec Ñim Lo'onatac 'Enauacna, qaq que'eca shiỹaxaua qataq Ñim Lo'onatac 'Enauacna ỹataqta na'atta'a't, 'eeta'am da 'oonolec.

2 Juan 1:9

Da saishet da qoquiitegue nam qami' ỹapaxagueneque So Cristo, nache Ñim Lo'onatac 'Enauacna saishet da qami' hueta'agueta. Qalaxaye da qana'añaxacheetec dam qami' ỹapaxagueneque Ñimaye, nache Ñim Lo'onatac 'Enauacna maye Nta'a qataq So Llalec nache 'eetai' da qami' hueta'agueta.