1 Juan 2:23 - La'aqtaqa Ñim Lo'onatac 'Enauacna 2013

²³ Camachaqca da sa ỹaconeguet Som Ñalec, nache nataqa'en sa ỹaconeguet Ñim Nta'a. Qaq cam ỹaconeguet Som Ñalec, nache nataqa'en ỹaconeguet Ñim Nta'a.

Nuevo Testamento Toba Sur

²³ Qaq 'enauac nam ÿoqolguet som llalec ñi Dios, namayipi sa ishit da hueta'aguet ñi qadta'a. Qalaxayi nam sa ishit da ÿoqolguet so llalec ñi Dios, namayipi nataq'en hueta'aguet ñi qadta'a.

Nuevo Testamento Toba Sombrero Negro

²³ Nataq'aen gamachaqaega jo'ne yoqoleguet joñe'me Lec'oĝot nach'e ena'am ja ue'tajop joñe'me Qadet'a; qalaĝaja joga'me jo'ne dechoqotaĝanec joñe'me Lec'oĝot, nach'ega ue'tajop joñe'me Qadet'a.

1 Juan 2:23 Referans Kwoze

1 Juan 4:15

Da huo'o ca shiỹaxaua da ỹa'amaqten So Jesucristo da Llalec Ñim Lo'onatac 'Enauacna, qaq que'eca shiỹaxaua qataq Ñim Lo'onatac 'Enauacna ỹataqta na'atta'a't, 'eeta'am da 'oonolec.

Juan 8:19

Nache qainattac Somaye, qoỹeeta': –¿Hua'ague ca neta'ague ca 'arta'a? Nache So Jesús 'enapeco': –Qami' saishet da Aỹem qauauattoñi, qaq nache 'ena'am Ñim Ita'a saishet da qauauattoñi. Cha'ayectaxa da Aỹem qauauattoñi, nache nataqa'en ishet da qauauattoñi Ñimaye.

Juan 10:30

Aỹem, qataq Ñim Ita'a, 'oonolec da qarataxac.

Juan 5:23

yaqto' 'enauac na shiỹaxauapi ishet da ỹo'oxoren na Llalec, 'eeta'am naqa'en da 'eetec da ỹo'oxoren Ñim Lta'a. Qaq cam saishet da ỹo'oxoren na Llalec, qaq camaye saishet nataqa'en da ỹo'oxoren Ñim Lta'a maye namaq Namaye.

1 Juan 5:1

Da sa'amaqtenaq So Jesús da nacheso So Lca'aguishec Ñim Lo'onatac 'Enauacna, nache 'eesa da qomi' llalaqpi Ñimaye. Cha'aye da sauotaxac Ñim Nta'a, nache iuen nataqa'en da sauotaxac na llalaqpi Ñimaye.

Lucas 10:22

Ime, nache So Jesús 'enapego' so shiỹaxauapi maye hueta'aguet Somaye, 'eeta': «Ñi Ita'a Aỹem imato'ot 'enauac na lataxacpi, qataq qaica ca Aỹem ỹauattoota da 'ena'am Ñimaye. Qataq Aỹem maye Aỹem Llalec, ỹataqta sauattoota Ñim Ita'a maye Lo'onatac 'Enauacna, qaica ca shena'am qataq maiche lleca'aua'a cam shiỹaxaua maye sauotaique da ỹauatton Ñimaye da 'ena'am Aỹem.»

Mateo 11:27

Ime, nache 'enapega som hueta'a yi'iye, 'eeta': «Ñim Ita'a Aỹem imato'ot 'enauac da lo'onataxanaxac qataq nachaqaỹemta da Aỹem ỹauatton, cha'aye Aỹem Llalec. Qaq qaica ca ishet da ỹauattoota Ñim Ita'a da 'eeta'am Aỹem. Ỹoqo'oye sauotaique da sa'aqtaxanem ca lỹa shiỹaxaua da sa'axat ñi Ita'a, yaqto' nataqa'en camaye ishet da ỹauatton Ñimaye.

1 Juan 2:22

Qaq ỹoqo'oye ¿negue't cam tenataxanaxaic? Qomye nacheca cam 'eetega So Jesús da saishet da Lca'aguishec Ñim Lo'onatac 'Enauacna. Qaq 'eca, cam npa'aguenaxaua So Cristo, cha'aye sa ỹaconeguet Ñim Lo'onatac 'Enauacna maye Nta'a qataq So Jesús maye Llalec.

Juan 16:3

Qaq ỹo'ot qome de'era namayepi, cha'aye saishet da ỹauatton Ñim Ita'a, nataqa'en Aỹem.

Juan 17:3

Qaq de'era achaalataxac maye chochaq tatec, damaye nachera da naigui da 'am qaỹauatton, 'am maye 'Aro'onatac 'Enauacna, maye nache'amta qataq 'am 'eesa, qataq nam 'Arca'aguishec maye 'anamaxa ana 'alhua co'ollaxa.

1 Juan 4:2

Qami' ishet da qauauattoñi ca shiỹaxaua da netanguit So Saqcha'a La'añaxac Ñim Lo'onatac 'Enauacna, da camaye ỹa'amaqten da So Jesucristo naỹa ana 'alhua qataq da ỹoqta 'eesa ỹale.

1 Juan 5:20

Nataqa'en saỹatenaq da So Llalec Ñim Lo'onatac 'Enauacna, Somaye anac da qomi' ỹanema da qaraỹaanec da yaqto' sauattonaqta Ñim Lo'onatac 'Enauacna maye 'eesa. Qataq ña'araqtaua'a som Llalec Jesucristo; Somaye nacheso som ỹataqta 'eesa Lo'onatac 'Enauacna maye chegoqo'ot da nca'alaxa chochaq tatec.