1 Juan 2:20 - La'aqtaqa Ñim Lo'onatac 'Enauacna 2013

²⁰ Qalaxaye So Cristo maye Llalec Ñim Lo'onatac 'Enauacna qami' nqateeguesopa ana 'alhua, nache qami' ỹanema So Saqcha'a Na'añaxac Qui'itta, nache 'enauac da qoñiita, qauauattoñiita da 'eesa lataxac.

Nuevo Testamento Toba Sur

²⁰ Qalaxayi so Cristo mashi qami' ÿanema so Espíritu Santo, nachi 'enauac da qoñiita huo'o da qadauattonaxanaxaqui.

Nuevo Testamento Toba Sombrero Negro

²⁰ Qalaĝaja, Cristo joote ami yanema joñe'me Dios Lepaqal, qama'le yema ami 'uo da'me ami yayatenaĝaneque yema naa'me naajo'.

1 Juan 2:20 Referans Kwoze

Juan 14:26

Qalaxaye ca Saqcha'a Na'añaxac Qui'itta maye Ñim Ita'a qami' namaxalo nactaigui naqa'en da ỹe'enaxat da yaqto' qami' itaua'n qataq qami' ỹa'añaqche't, camaye qami' ỹapaxagueneque 'enauac na lataxaguesat qataq qami' iuennataxanaxaneque 'enauac na ỹa'aqtacpi maye qami' sa'aqtaxaateguema nagui.

1 Juan 2:27

Qalaxaye qami' mashe qami' netanguita So Saqcha'a Na'añaxac Qui'itta, som chegoqchigui naqa'en So Cristo da qami' nqateeguesopa ana 'alhua. Qaq ỹoqo'oye saishet da iuen da huo'o ca qami' ỹapaxague'n, cha'aye So Saqcha'a La'añaxac Ñim Lo'onatac 'Enauacna maiche qami' ỹapaxagueneque 'enauac na lataxaguesat. Qaq nam qami' ỹapaxagueneque Somaye, saishet da choche natenataxanaxac, nachaqrata da ỹataqta 'eesa. Qaq ỹoqo'oye qauo'oche nam qami' ỹapaxagueneque So Saqcha'a Na'añaxac Qui'itta, qataq nache 'eetai' da qana'ayeetaua'a So Cristo.

Isaías 61:1

So saq cha'a la'añaxac Ñim Nataxala' aỹem hueta'aguet, cha'aye Ñim Nataxala' aỹem lca'aguishec, aỹem namaq da sa'axatem da no'on na'axaỹaxac nam choxoraqpi, qataq sa'añaqchet nam daquicotac da lquiyaqteỹaxac, qataq sa'axatem da qaisouec nam ncoñeteguishecpi, qataq da qaisouec nam netaigui ana ncoñetaxanaxaquipi,

Proverbios 28:5

Na qauemaicpi qalaq saishet da ỹaỹaten da llec ca ỹaỹamaqchiguiñi lataxac, qaq na nmitaique Ñim Nataxala' qalaq ỹaỹaten 'enauac namayepi.

Salmos 23:5

Qataq 'auqataxanai' so iquia'axac, ỹauaachigui 'anqa'en na ñepa'aguenaxauapi, qataq 'aucorelec na iqaic so coraxat, qataq ipaxaatapeguelec 'anqa'en aso ỹaquipiaxaqui.

Hechos 10:38

So Jesús maye Nazaret le'ec. Qaq Ñim Lo'onatac 'Enauacna ỹanem co'ollaxa da la'añaxac Somaye So Saqcha'a Na'añaxac Qui'itta. Qaq Ñimaye ye hueta'aguet So Jesús, nache Somaye nache 'eetai' naxa da ỹo'ottac na ỹaỹamaqchiguiñi qataq nataren 'enauac nam huetalec da la'añaxac so pa'aguenataxanaxaic.

Juan 16:13

Qalaxaye qom anac cam Saqcha'a Na'añaxac Qui'itta maye ỹoqta 'eesa, nache Camaye qami' ỹapaxagueneque 'enauac nam lataxaguesat maye 'eesa; cha'aye Camaye saishet da maiche nallegoxottela't ca la'aqtaxanaxac, nachaqrata da ỹa'axat 'enauac nam hua'aqchigui, qataq qami' ỹaỹaanaxanaxaneque cam ñaq naỹa'acna.

Hebreos 1:9

Qataq 'anqopita da 'auo'ot ca ỹaỹamaqchiguiñi, qataq ỹataqta sa 'auaỹamaxaren da 'auo'ot ca sa ỹaỹamaxañi. Ñim Lo'onatac 'Enauacna 'am ỹanagui da nta'a lauotaxat, ¡Nta'a maye ỹataqta lta'araic da lamaicỹaxac ana 'alhua!»

1 Juan 4:13

Saỹatenaqta da qomi' ỹataqta 'eesa da ña'araqtaua'a Ñim Lo'onatac 'Enauacna, cha'aye Ñimaye qomi' ỹanema So Saqcha'a La'añaxac.

Salmos 45:7

'Am ỹataqta 'auauotec da no'on, qalaxaye 'auaỹemec da qauem. Qaq ỹoqo'oye 'am lca'ateua'a Ñim Lo'onatac 'Enauacna, Ñim 'Anatamnaxala', da 'am talec naqa'en da 'antonaxac, qaq saq 'ena'am na 'araỹepi.

Hechos 3:14

Nache qami' saishet co'ollaxa da qauỹaxañiiua'a da qaisouec se'eso ỹale maye qui'itta qataq no'on da lataxac; nda'a't da qami' qauỹaxañiiua'a da qaisouec som laataxanaxaic.

Lucas 4:18

«So Saqcha'a La'añaxac Ñim Lo'onatac 'Enauacna Aỹem netanguit, cha'aye Aỹem Lca'aguishec qataq Aỹem namaq da sa'axatem da no'on la'axaỹaxac nam choxoraqpi, qataq da sa'axatem da qaisouec na ncoñeteguishecpi, qataq she'eguelaxatem da nauaañi na sa nauaañipi, qataq da yaqto' ñeca'alaxatec nam sa qaiyacnapec,

Marcos 1:24

Somaye ỹataqta ỹa'alaxalec So Jesús, 'eeta': –¡'Am Jesús maye 'am Nazaret le'ec! ¿Ta'ainco' da qomi' 'atapegueua'alo? ¿Qomi' 'auanaỹalo peta'a da qomi' 'aulaxachiguilo? Aỹem 'am sauatton, da 'am Llalec Ñim Lo'onatac 'Enauacna.

Salmos 92:10

Qalaxaye 'am, 'anquigaxattauec qome da ỹa'añaxac sheeta'am ca huaca no'onaxa le'ec, qataq aỹem 'aucorelec ca 'arcoraxanaxat maye ỹataqta no'on da laitaỹaxac.

Salmos 71:22

Qaq aỹem 'am sho'oxoreetac qome, sauota'a ana nvique arpa qataq ana salterio, so'onaxaatalec da 'aupacchiguilo naua qona'ape, 'Am Ñatamnaxala' maye qui'itta Natamnaxala' na Israel le'ecpi.

Apocalipsis 4:8

Qaq ñi 'oonolec se'esoua cuatro shiguiỹa'c qalaq ivi' seis ana laua't ñi 'oonolec, qataq nlaxagui ana la'aitepi qataq saishet da ỹa'axaneguet da lo'onaxanaxa'c ye na'a'q qataq ye pe da 'eetra': «¡Ỹataqta qui'itta, ỹataqta qui'itta, ỹataqta qui'itta Ñim Nataxala', Ñim Lo'onatac 'Enauacna maye qaica ca ỹaqalanapec, maye nache 'eetai' da huo'o, Ñim nca'altauec qataq mashe nayeetai'!»

Apocalipsis 3:7

Nataqa'en 'auauo'o aca 'ere, nache 'auamaxa ñi namaxashec maye ilotague' nam ỹa'amaqten So Jesús maye netaña ye nỹecpi ye Filadelfia. Qoneta': «Aỹem maye ỹoqta 'eesa da Aỹem Llalec Ñim Lo'onatac 'Enauacna qataq selo'ogue da lo'onataxanaxac co'ollaxa so nta'a David. Da ivita da sauatoigui ca lasom, nache qaica ca ishet da ỹapogui, qaq da sapogui qalaq qaica ca ỹe'eguelaxalec da ỹauatoigui. Qaq nagui ñaq 'ana'axaỹaxana dam 'am sa'axatem:

Hebreos 8:11

Huaña, nache saishet da iuen da huo'o ca ỹapaxagueetac ca lỹa, da ỹapaxaguenec da yaqto' Aỹem ỹauatton, cha'aye 'enauac qome Aỹem ỹauatton, na nsoxoppiolec qataq nam ỹa'axaiquipi.

1 Corintios 2:15

Qalaxaye ca shiỹaxaua maye netanguit So Saqcha'a La'añaxac Ñim Lo'onatac 'Enauacna, camaye ishet da nmit 'enauac na lataxaguesat. Qaq camaye, qaica ca ishet da nmit.

Lucas 4:34

–¡'Am Jesús Nazaret le'ec! ¿Negue't ca 'auauotaique da qomi' 'auo'oteque? ¿Qomi' 'auanaỹalo peta'a da qomi' 'aulaxachiguilo? Aỹem 'am sauatton. ¡'Am nache 'am Llalec Ñim Lo'onatac 'Enauacna!

Isaías 43:3

Cha'aye Aỹem Nataxala' maye Aỹem Qui'itta Natamnaxala' na Israel le'ecpi, 'am ñeca'alaxatec qome, Aỹem 'am sesheenaxana, nache sanec ye Egipto, Etiopía qataq ye Sabá da nmenegueta ñaqa'en 'am,

Salmos 16:10

cha'aye da ñachaalataxac saishet da 'ano'onaxatangui aca huachiqui, qataq saishet da 'aualatangui aca nshere ne'ena 'aramaxashec.

Jeremías 31:34

Qaq huaña nache saiuen da huo'oi caua nỹa't qataq caua auochaxau' qataq caua nhuo' lashe' da napaxagueetega't da yaqto' Aỹem ỹauatton, cha'aye 'enauac qome namayepi chegoqchiguiña natai' ñaqpiolec nache ivira'a na ỹepi da Aỹem ỹauatton qome. Qaq Aỹem sapalaxat qome na qauem maye ỹo'otpi qataq saishet da qaltaq seuennatega na lasouaxashetpi. Qaq 'era da ỹa'aqtac, Aỹem Nataxala'.»

Mateo 13:11

Nache So Jesús 'enapeco': Aỹem qami' sa'aqtaxaatema dam saqcha'a lataxac da lo'onataxanaxac Ñim Lo'onatac 'Enauacna, qalaxaye na shiỹaxauapi qalaq saishet da saỹaanaxanaxanec.

Judas 1:5

Qaq na'aictaxa da qami' mashe sogote da qauaỹaañi de'era, qalaxaye nache 'ena'am sauotaique da qami' seuennataxanaxaneque da 'eetec co'ollaxa Ñim Lo'onatac 'Enauacna da nqateeguesop ye 'alhua Egipto so Israel le'ecpi, ime, nache ileu naqa'en so shiỹaxauapi maye saishet da ỹa'amaqten Ñimaye.

Levítico 7:35

Qaq aca'aca nachetaqtaxanaqtepi maye qaỹavigaxat da qoỹanot Ñimaye, nachaca qome aca taỹot ñi Aarón qataq cam chegoxoguetpi, nache chegoqchiguiña qome que'eca na'a'q da qoỹanagui da ntaxaỹaxanaxanec da qaitaxaỹapegue' Ñim Nataxala'.