1 Juan 2:19 - La'aqtaqa Ñim Lo'onatac 'Enauacna 2013

¹⁹ Ne'ena ipa'agueetacpi So Cristo qomi' ỹalectaiguilo naxa da llaponaqta'a't, qalaxaye ỹoqta 'eesa da namayepi saishet da qaraỹepi. Cha'ayectaxa da ỹoqta 'eesa da maiche qaraỹepi, nache saishettaxa da qomi' ca'aisalo. Qalaxaye namayepi nỹotec da yaqto' ỹoqta ỹachaxan da saishet da 'enauac naxa nam salegaqta'aguet da ỹoqta qaraỹepi.

Nuevo Testamento Toba Sur

¹⁹ Namayipi qomi' ca'aisalo, qalaxayi ÿoqta 'eesa da namayipi sa ishit da ÿoqta qomi' lÿa't. Cha'ayíctaxa da ÿoqta maichi qomi' lÿa't, nachi sa ishíttaxa da qomi' ca'aisalo. Qalaxayi namayipi 'eetec de'eda, yaqto' yi'oqta da sa ishit da 'en'a't da ÿoqta qadaÿipi.

Nuevo Testamento Toba Sombrero Negro

¹⁹ Nach'egaua jo'ne qo'mi ueteda'ajopa mañaĝa, qalaĝaja ja eja da'me qo'mi chiyoqodayilo, qama'le qo'mi ca'ae jogaa'me. Gamachaqaega jo'ne yataqata qo'mi chiyaqayilo, nach'ega qamqa'me nach'e eta't qo'mi uetauelo. Qalaĝaja, 'uo da'me dojo' qaedi di'yoqo'teque queda'me yema jogaa'me ja qo'mi 'te yotaua'n.

1 Juan 2:19 Referans Kwoze

Hechos 20:30

Qataq ivira'a da qoñiita, huo'o qome ca maiche qami' chegoqtoiguilo qara'amqaanataxanaxauai, nache dapaxaguenataxanec na choche natenataxanaxac, qaq saishet da ỹa'axat cam ỹoqta 'eesa, cha'aye nshetaique da na 'amqaanataxanaxaicpi ca'ategue qataq ỹalaxaguet camaye.

1 Corintios 11:19

Qaq damaye iuen da nache 'eetec, yaqto' yo'oq na ỹoqta 'eesa da ca'attague' So Cristo.

Judas 1:19

Qaq ne'ena shiỹaxauapi, nachena na ỹayen da deloguiỹa't qataq colaxagui naqa'en na shiỹaxauapi, cha'aye ỹalaxaguet nam maiche 'eetapeguecpi qataq saishet da netanguit som Saqcha'a La'añaxac Ñim Lo'onatac 'Enauacna.

Lucas 8:13

Qaq asom nañiguishe maye tatelec so 'alhua maye ỹalliigui na coma', qalaq naigui ca shiỹaxaua maye na'axaỹaxaatega da na'aqtac qalaq huo'o da ntonaxac. Qalaxaye ye saishet da ỹoqta ỹaỹateeta, nache da huo'o ye ivireguet lqalaic, nache saqaỹaloq da ỹaxanec da lpi'iỹaxac Ñim Lo'onatac 'Enauacna.

Mateo 24:24

Cha'aye nvi' qome nam tenataxanaxaicpi maye 'eetega lca'aguishecpi Ñim Lo'onatac 'Enauacna qataq nam 'eetega da la'aqtaxanaxanecpi Ñimaye, nache ỹo'ot qome nam sa qaỹauanapega qataq huo'o da llo'oxoyec, nache ỹatenachet na qalota shiỹaxauapi. Qaq ivira'a da ishet nataqa'en da ỹatenachet nam ỹataqta iỹaxanapi Ñim Lo'onatac 'Enauacna.

Hechos 15:24

Cha'aye qomi' qara'axaỹaxac da huo'o na shiỹaxauapi chegoqchiguiña ne'ena, da saishet da qaramaxashecpi da qami' nqo'onalo da qami' sa ỹalemaxa't. Qaq naua la'aqtaxanaxaco namayepi ỹo'ot da sa qauaỹaañi ca qoñiitec.

Marcos 13:22

Cha'aye nvi' qome na datenataxanpi 'eetega lca'aguishecpi qataq la'aqtaxanaxanecpi Ñim Lo'onatac 'Enauacna, nache ỹo'ot qome na sa qaỹauanapega maye ỹataqta huo'o da llo'oxoyec da yaqto' ỹatenachet na shiỹaxauapi. Ivira'a da ishet da ỹatenachet nataqa'en nam ỹataqta iỹaxanapi Ñim Lo'onatac 'Enauacna.

Deuteronómio 13:13

da huo'otaq sa ỹalaxaguet Ñim Lo'onatac 'Enauacna, nache 'enapega ca laỹepi, 'eeta': Qolaq ñeqo'onaxa da ñatamnaqot ye laỹepi atamnaxala'pi, maye sa qauauañiỹapega,

Da na'aqtaguec so Job 17:9

Nache na no'on da lataxac, saishet da ca'ai da no'on llecỹaxac, qataq na qui'itte' naua lhuaxaye nquicapeguec da la'añaxac.

2 Timoteo 2:19

Qalaxaye Ñim Lo'onatac 'Enauacna mashe lapaxañi so lo'oxonaxala' da lo'onataxanaxac maye qaica ca iraxanapec. Qaq somaye nanettalec so nerec, 'eeta': «Ñim Nataxala' ỹauatton ca mashe lalamaxat;» nataqa'en 'eeta': «'Enauac na ỹo'oxoren da le'enaxat Ñim Lo'onatac 'Enauacna, iuen da ỹaxaañi da ỹo'ottac na sa ỹaỹamaxañisat.»

Hebreos 10:39

Sanqot da qana'achec Ñim Lo'onatac 'Enauacna, cha'aye qomi' saishet da shenaqta'am nam ỹaxanec Ñimaye, nache ivira'a da qaỹauo'o ca nhuaxanaguec. Nachaqrata da nacheqomi' maye saconaxaguet da nca'alaxa souaxat da huo'o da qarpi'iỹaxac Ñim Lo'onatac 'Enauacna.

2 Timoteo 2:10

Ỹoqo'oye ña'añaxateguet na ỹotta'a't ñeque'eenaxacpi, yaqto' na lca'aguishecpi Ñim Lo'onatac 'Enauacna nca'alec, qataq ỹaconeguet da achaalataxac maye chochaq tatec, maye ỹachaxanapec So Cristo qataq Ñim Lo'onatac 'Enauacna.

Romanos 9:6

Qaq saishet da sheetega da Ñim Lo'onatac 'Enauacna da huo'otaq sa ipaguelec nam ỹachaxanapecotpi nam Israel le'ecpi. Qalaxaye saishet da 'enauac na judiopi da nhuanaua'a nam ỹataqta 'eesa Israel le'ecpi.

Juan 4:14

Qaq cam nỹomgui ca 'etaxat maye sanem, camaye saishet da ỹe'eguelaxalec da huo'o na laquip. Cha'aye cam 'etaxat maye sanem, 'eeta'am na 'etaxat maye npaxaatasheguem, da huetaigui camaye. Qaq nacheca ca iviraxata'a cam nca'alaxa maye chochaq tatec.

Salmos 37:28

Cha'aye Ñim Nataxala' ỹauotec da nalochiguiñi lataxac, qataq saishet da ca'ai ca quetegue Ñimaye. Qalaxaye nlaxaañi na qauemaicpi qataq saishet da huo'o ca no'onañi naqa'en na chegoxoguetpi.

Judas 1:1

Aỹem maye ỹe'enaxat Judas, so'onataxaatacot So Qarataxala' Jesucristo, qataq ỹaqaỹa so Santiago. Aỹem samaxa ana ỹere 'enauac nam lauotaxatpi qataq lca'aguishecpi Ñim Lo'onatac 'Enauacna, nam nataqa'en lhuateguishecpi So Jesucristo.

2 Timoteo 3:9

Qalaxaye namayepi saqaỹa'ague qome da llecỹaxac, cha'aye saqaỹaloq da qaỹaỹaana'a't da qaica ca ỹaỹaanapec. 'Eeta'ama soua Janes qataq so Jambres.

Juan 15:2

Qaq da huo'o aca 'oonole ana icouepi da saishet da huo'o ana ala, nache Ñi Ita'a iquesoxouec; qalaxaye nqat ana llaxataxa ana lcouepi maye huo'o ana ala, da yaqto' nquictec da alaỹaxac.

Salmos 41:9

Qataq ivira'a so ỹataqta ñauochaxaua, som ỹataqta sepe'etega, som iquia'axaua naxa qalaq aỹem dataỹa'aguet.

2 Juan 1:7

Ana'ana 'alhua qalota na ỹatenachettac na shiỹaxauapi, 'eetega da So Jesucristo saishet da anaỹa ana 'alhua da 'eeta'am cam ỹoqta 'eesa shiỹaxaua, maye huo'oi naua lapa'ache qataq naua lpi'ineqa. Qaq 'era dam la'aqtaxanaxac som npa'aguenaxaua So Cristo, som tenataxanaxaic.