1 Juan 2:18 - La'aqtaqa Ñim Lo'onatac 'Enauacna 2013

¹⁸ Qami' ỹalqolqa, mashe souaqtaiguilo naua pa'atre'c na'axa'te, qaq ana 'alhua mashe saqaỹaloq da imeuo. Qami' qaua'aqaitapeguelec naxa da, qom yaqta'a da nvi' ca loga'tna, nache nvi' ca npa'aguenaxaua So Cristo. Qalaxaye aỹem sauotaique da qami' sa'aqtaxanema da mashe qalota na yo'oq nam ipa'agueetac So Cristo. Qaq ỹoqo'oye qomi' saỹatenaq da mashe souaqtaiguilo naua pa'atre'c na'axa'te.

Nuevo Testamento Toba Sur

¹⁸ Qami' ÿalqolqa, mashi nvildeuo naua pa'atreec na'axa'te, qaq qami' qauaÿajñi da huo'o qome ca anatai' mayi npa'aguene' so Cristo. Qaq nagui mashi qalota na yi'oq nam npa'aguene' somayi. Ÿoqo'oyi qomi' saÿajnaq da mashi nvildeuo naua pa'atreec na'axa'te.

Nuevo Testamento Toba Sombrero Negro

¹⁸ Ami yalaqapi, male yovideta gaa'me noloqo'ote jo'ne p'atedegue, nataq'aen joote auomachiiya queda'me 'uo ga'me na'taquena jo'ne nautena joñe'me Cristo. Qama'le nayi uo'oe gaa'me qayoĝode' jo'ne nautetedapega joñe'me Cristo: qo'che' jayatenaq queda'me male yovideta gaa'me noloqo'ote jo'ne p'atedegue.

1 Juan 2:18 Referans Kwoze

1 Juan 4:3

Qaq da huo'o ca 'eetega da saq 'en de'era, nache camaye saishet da netanguit So Saqcha'a La'añaxac Ñim Lo'onatac 'Enauacna. Nachaqrata da hueto'ot som saqcha'a la'añaxac som npa'aguenaxaua So Cristo. Qaq qami' mashe qaua'aqaitapeguelec da se'eso saqcha'a na'añaxac iuen da anac, qaq aỹem sauotaique da qami' sa'aqtaxanema da somaye mashe hueta'a ana 'alhua.

2 Juan 1:7

Ana'ana 'alhua qalota na ỹatenachettac na shiỹaxauapi, 'eetega da So Jesucristo saishet da anaỹa ana 'alhua da 'eeta'am cam ỹoqta 'eesa shiỹaxaua, maye huo'oi naua lapa'ache qataq naua lpi'ineqa. Qaq 'era dam la'aqtaxanaxac som npa'aguenaxaua So Cristo, som tenataxanaxaic.

1 Juan 2:22

Qaq ỹoqo'oye ¿negue't cam tenataxanaxaic? Qomye nacheca cam 'eetega So Jesús da saishet da Lca'aguishec Ñim Lo'onatac 'Enauacna. Qaq 'eca, cam npa'aguenaxaua So Cristo, cha'aye sa ỹaconeguet Ñim Lo'onatac 'Enauacna maye Nta'a qataq So Jesús maye Llalec.

Mateo 24:24

Cha'aye nvi' qome nam tenataxanaxaicpi maye 'eetega lca'aguishecpi Ñim Lo'onatac 'Enauacna qataq nam 'eetega da la'aqtaxanaxanecpi Ñimaye, nache ỹo'ot qome nam sa qaỹauanapega qataq huo'o da llo'oxoyec, nache ỹatenachet na qalota shiỹaxauapi. Qaq ivira'a da ishet nataqa'en da ỹatenachet nam ỹataqta iỹaxanapi Ñim Lo'onatac 'Enauacna.

Mateo 24:5

Cha'aye ỹataqta qalota qome na anac, nache choche ne'enaqchingui da ỹe'enaxat, nache 'enapega na shiỹaxauapi, 'eeta': «Aỹem maye nachaỹem Lca'aguishec Ñim Lo'onatac 'Enauacna.» Qataq do'onataxana qome da ỹe'enaxat, nache qalota qome na ỹatenachet.

1 Juan 4:1

Qami' ñauochaxau' ỹaqaỹa't, saisheto' da qaua'amaqchiñi 'enauac nam 'eetega da netanguit So Saqcha'a La'añaxac Ñim Lo'onatac 'Enauacna. Nachaqrato' da qavi'iguiñi, yaqto' qauaỹaañi da ỹoqta 'eesa camaye huo'otaq saishet. Cha'aye ana 'alhua ỹataqta nlaqchigui na tenataxanaxaicpi 'eetega da la'aqtaxanaxanecpi Ñim Lo'onatac 'Enauacna.

Marcos 13:6

Cha'aye ỹataqta qalota qome na anac da nactaigui da ỹe'enaxat, nache 'eeta': «Nachaỹem maye aỹem Lca'aguishec Ñim Lo'onatac 'Enauacna», nache ỹataqta qalota qome na ỹatenachet.

2 Pedro 2:1

So Israel le'ecpi huo'o co'ollaxa na 'eetega da lamaxayec Ñim Lo'onatac 'Enauacna, qalaxaye saishet da 'en. Qaq nache 'eetec nataqa'en da qoñiita da huo'o na napaxaguenataxanaq da 'eetega lamaxashec Ñim Lo'onatac 'Enauacna, qalaxaye saq 'en. Namayepi ỹan da napaxaguenataxanaxac maye saq 'en qataq huo'o da lchec, qalaxaye saishet da qananomiỹa, ivira'a da 'eetega So Jesucristo da saishet da deca'alaqtaxan. Qaq ỹoqo'oye namayepi ishet da nque'elaxatta da qailaxachigui.

Mateo 24:11

Qataq qalota qome na nvi' maye tenataxanaxaicpi, 'eetega da la'aqtaxanaxanecpi Ñim Lo'onatac 'Enauacna, nache ỹataqta qalota qome na ỹatenachet shiỹaxauapi.

Judas 1:18

Soomaye qami' ỹapaxagueeta'ape qataq qami' da'aqtaxaateguema co'ollaxa da que'ecaua pa'atre'c na'axa'te, nache huo'o na shiỹaxauapi 'enaxanaxaicpi maye nañaneguet da quetague' nam maiche 'eetapeguecpi maye qauem.

2 Pedro 3:3

Qaq da hua'auñi, qami' iuen da qauaỹachiñi da que'ecaua pa'atre'c na'axa'te, nache nvi' qome ca shiỹaxauapi maye quetague' nam qauem lqopitaxanaqtaiguesat. Qataq qami' ỹe'eeta'ape.

Hebreos 1:2

Qalaxaye nagui ne'enaua pa'atre'c na'axa'te, Ñim Lo'onatac 'Enauacna qomi' ỹanema da la'aqtaxanaxac ỹachegoxotchigui So Llalec. Qaq Ñimaye ỹachegoxotchigui co'ollaxa So Llalec da ỹo'ot 'enauacna, qataq nacheso so ipataxalec da ilo'ogue 'enauac na huetalecna.

1 Pedro 1:20

Qaq damaye maiche lhuennataxac Ñim Lo'onatac 'Enauacna co'ollaq saxanaxa da ỹo'ot ana 'alhua, qaq So Cristo nachaxan ne'enaua pa'atre'c na'axa'te, qaq damaye maiche qana'achequi.

1 Pedro 1:5

Qami' huo'o da qarpi'iỹaxaqui Ñim Lo'onatac 'Enauacna, qaq ỹoqo'oye Ñimaye qami' npaxattaleguete, ỹauota'a da la'añaxac, yaqto' qami' ishet da qanca'alliiuec, ipacchigui dam lapaqtañi 'eetapeguec cam pa'atec na'a'q.

Juan 21:5

Nache So Jesús inatta'apo' soomaye, 'eeta': –Ỹale't ¿huo'o peta'a ca qaralliiguishiqui? Nache soomaye 'ena'apo': –Qaica.

Romanos 13:11

Qaq 'enauac de'era sheetega da qami' iuen da qauloỹa'alo ne'enaua na'axa'te maye souaqtaiguilo, qaq qami' qoviitaigui da 'eeta'am da qauo'ocheeta. ¡Mashe ivita ye laloqo' da qanloiuec! Mashe saqaỹapeque ca na'a'q da Ñim Lo'onatac 'Enauacna qomi' nca'alaxatre'c; ỹataqta 'eesa da saqaỹapeque saq 'ena'am co'ollaq cheta'ague da sa'amaqtenaq So Jesús.

Romanos 13:12

¡Mashe yaqta'a da ivita ye laloqo'! Qaq ỹoqo'oye nagui saxanaxañi da so'otaqtac da qaye'etaxaloxo, cha'aye da qaỹo'ottac damaye, nache 'eeta'am da qanayeetaigui na napalaxa. Nachaqrata da so'otaq ca ỹaỹamaqchiguiñi maye 'eeta'am da qanayeetaigui da yo'oqchiguiñi. Ñellaqañi da qarqopitaxanaqtaic maye qomi' ỹauecta'alo da so'otaq ca qauem, ime, nache ño'onaxataq da qarataxac, 'eeta'am da ima'ape naua na'axa'te da souaqtaigui ye na'a'q. Saishet da ñeqo'onaxa ca naponaxac maye huaña da sa qailo'ogue da nataxac, saishet da qomi' taxaiqa qataq saishet da qomi' quisheguetaxaiqa, qataq saishet da qolaqtague' da qaramanaxanaqtaic, qataq saishet da ñimitaqta'a da loquiaxac, qataq saishet da qomi' ca'alaxanaxaiqa. Nachaqrato' da sa'axasoqta'a So Jesucristo da qomi' npaxattaleguete qataq qomi' itauaata'ape da se'enaxataq da maiche lataxac.

1 Pedro 4:7

Mashe nayeeta'a ye loga't 'enauacna. Qaq ỹoqo'oye ỹataqta qanloitec, qataq ỹataqta sa qauasaguiyi da qanqouagaxauñiitac.