1 Juan 2:16 - La'aqtaqa Ñim Lo'onatac 'Enauacna 2013

¹⁶ Nam lataxacpi maye ỹachaxaatac na shiỹaxauapi maye huetalec ana 'alhua, saishet da chegoqo'ot Ñim Lo'onatac 'Enauacna, namayepi chegoqo'ot nam 'etaxaloxoicpi maye huetalec ana 'alhua. 'Ena nam lataxacpi maye ỹachaxaatac ana 'alhua: na qauem nqopitaxanaqtaiguesat, da nyaxayec da qaỹaconeguet cam qailota'a, qataq da nsallaxa maye chegaqaigui da ño'oxonnaxac ca shiỹaxaua.

Nuevo Testamento Toba Sur

¹⁶ Cha'ayi qaica da huo'o cam 'oonolec nam 'onataxacpi ana 'alhua da huo'otaq chigoqo'ot ñi qadta'a Dios, cha'ayi nachinatac nam 'onataxacpi mayi huetalec ana 'alhua. Qaq namayi nachina na qauem lhuennataxacpi da qadapachiyaxac, qataq da lqopitaxanaqtaic naua qad'ai'te, qataq da 'amqajnaxac da nachaalataxac na shiÿaxauapi. Qaq 'enauac namayi chigaqaigui nam 'onataxacpi mayi huetalec ana 'alhua.

Nuevo Testamento Toba Sombrero Negro

¹⁶ Qa'a yema gaa'me lamaico jogaa'me jiyaĝadipi jo'ne ja 'noe'n ja chiyoqodaje'ma joñe'me Qadet'a, dite da'me mach'e chiyaqayilo jogaa'me jiyaĝadipi. Naajo' yepitaqate'tape 'lonataqa jo'ne ja 'noe'n gaa'me jiyaĝadipi: daa'me ja 'noe'n lamaico 'me nejiyaĝauayaĝaco, nataq'aen da'me yepiteda'a ga'me jo'ne yauata, nataq'aen daa'me ni'yoĝodenaĝaco da'me neuoyaĝac.

1 Juan 2:16 Referans Kwoze

Gálatas 5:17

Cha'aye na qauem nqopitaxanaqtaic namayepi ỹataqta dataỹa'aguet dam 'eetapeguec So Saqcha'a La'añaxac Ñim Lo'onatac 'Enauacna, qaq So Saqcha'a Na'añaxac dataỹa'aguet na qauem nqopitaxanaqtaiguesat. Qaq ỹoqo'oye qami' saishet da qauo'oche cam maiche qoñiitapeguec.

Génesis 3:6

Nache aso 'alo ila'a co'ollaxa da ana ala asa'aso qo'oipaq ỹataqta 'onaxai, nache huo'o da lyaxa da chec, qataq da lyaxa da huo'o da lauattonaxanaxac. Nache nqat aso 'oonole ala asomaye nache chec, qaq ime nache ỹanem so lhua, nache somaye nataqa'en chec.

Proverbios 27:20

Da nleuaxa qataq aca huachiqui saishet da huo'o ca loga't qataq nache 'eetec da lqopitaxanaqtaic ca ỹale saishet da imeuo,

Efesios 2:3

Qaq nataqa'en 'enauac da shenaqta nache shenaqta'am namayepi soua hua'au' vi'iye, da qolaqtague' nam maiche shenaqtapeguecpi, qataq so'otaqtac dam lqopitaxanaqtaic da qarapachiỹaxac qataq nam maiche qarhuennataxacpi. Qaq ỹoqo'oye ỹataqta 'itchiguiñi da qomi' huetaleguete da qaica ca 'ena'am lchec lalemataic Ñim Lo'onatac 'Enauacna da shenaqta'am 'enauac nam laỹepi shiỹaxauapi.

Santiago 3:15

Cha'aye de'era naỹaanec saishet da chegoqo'ot Ñim Lo'onatac 'Enauacna, nachaqrata da chegaqalec ana 'alhua qataq chegoqo'ot so saqcha'a na'añaxac leguemaxaic.

1 Pedro 2:11

Qami' ñauochaxau' ỹaqaỹarolqa maye sa'amaqtenaqtac So Cristo, qami' qoñiita'am ca chegaqauec maye cara'acolec da hueta'a ana 'alhua. Saisheto' da qoquiitalec da maiche qaralamaxache qarqopitaxanaqtaiqui, cha'aye da qauo'oche damaye, nache qami' iqataqche't.

2 Pedro 2:10

Que'eca nhuaxanaxanaxac ỹataqta lalamaxat nam saishet da ỹalaxalec nam lamaxasoxonaxacpi Ñimaye qataq huetaigui da ỹo'ottac 'enauac na qauem maye maiche 'eetapeguecpi. Ne'ena dapaxaguenataxaatac maye tenataxanaxaicpi ỹataqta qaramchiguilo naua lquiyaqtel qataq ño'oxonnaxaicpi, qataq saishet da ñi'iỹa da isheueetac na lamaxashecpi Ñim Lo'onatac 'Enauacna maye no'on da lataxac.

Josué 7:21

Can sela'a so ỹataqta 'onaxaic npo' maye qaỹachegoxota'ague da Babilonia, qataq aso doscientos aso lcatpiole plata qataq so 'oonolec laỹe' so oro maye ivi' medio kilos, ỹalectaigui som qaiuotaxanec nogoxoshetpi. Nache soqopita'alo yi'iyiua nogoxoshe'ete, ỹoqo'oye aỹem saconalo yeemaye qataq soxottrañi, selaroigui na 'alhua nam pa'auo ñi ipe'l, qaq aye lcatpi plata, nache sepa'axaachiguiñi.»

Tito 2:12

Qaq de'era lqouagaxanaqtaic Ñim Lo'onatac 'Enauacna qomi' ỹapaxagueneque da 'enauac qolaqa'ai da qauem qarataxac qataq da qarqopitaxanaqtaic. Nache sachoq da achaalataxac da ntel-la't ca shiỹaxaua, qataq no'on da lataxac, qataq nañanot da quetague' Ñim Lo'onatac 'Enauacna.

Salmos 78:18

Qataq ỹe'eguen Ñimaye, nache iỹaxaataique ca nallec maye nshetaique.

2 Pedro 2:18

Cha'aye namayepi naua la'aqtaqa ỹataqta 'onaxaiqa naqa'e'n, nache ỹo'ot da la'aalaxa na shiỹaxauapi, qalaxaye naua la'aqtaqa qaica ca naiguilo. Ỹayen na laỹepi da yaqto' ỹalegueua'a na lamanaxanaqtaiguesat qataq nam qauem lqopitaxanaqtaicpi; nataqa'en ỹatenachet nam ỹataqta lta'araic da na'añaxataxac da yaqto' ishet da cara'acolec da ca'ai da ỹo'otta'ape naua lasouaxashe'ete.

1 Pedro 1:14

Qami' co'ollaxa da saxanaxa da qauauattoñi da no'on na'axaỹaxac maye na'aqtaguec So Jesucristo, nache qauo'ocheetac 'enauac nam qauem maye maiche qoñiitapeguec. Qalaxaye nagui iuen da imauec da qaualaqaiguet Ñim Lo'onatac 'Enauacna qoñiita'am ca ñalaqpi maye laxaraicpi.

Tito 3:3

Cha'aye nataqa'en qomi' co'ollaxa soua hua'au' na'axa'te, qomi' qaica ca saỹaanaqpec qataq qomi' qauemaiqa, sesomaqtac qataq qomi' l-lataqa na ỹotta'a't qarqopitaxanaqtaicpi. Souaqtaigui na qauemsat qataq da nquiỹaxanaqtaic qataq seviraqta'a da ñepa'aguenaqta'a't.

Mateo 5:28

Qalaxaye Aỹem ỹataqta 'eesa de'era qami' sa'axatema da huo'o ca choche ilota'a aca 'alo, qaq huo'o da lqopiche, nache camaye sogote da 'eeta'am da mashe ncacheỹa'ai' acamaye dam lquiyaqteỹaxac.

Salmos 73:6

Qaq ỹoqo'oye da ño'oxonnaxac 'eeta'am da nqolaataña aca nqola, qataq da qaica ca iren 'eeta'am naqa'en aca lapoto.

Da na'aqtaguec so Job 31:1

Aỹem maiche iuennataxa co'ollaxa da ne'enaua ỹa'ai'te, saishet da iloguilo ñaqa'en aca 'alo maye saxanaxa da huaron.

Lucas 4:5

Ime, nache so pa'aguenataxanaxaic qaltaq ỹaviguisheguema So Jesús aso qaỹoqotcheguemec 'alhua. Nache hualec asomaye da ỹachaxana, 'enauac na 'alhuapi maye hueta'a na sallaxanecpi qataq 'añaxaicpi.

Gálatas 5:24

Qaq qomi' maye qomi' lalamaqa'ate So Jesucristo, mashe 'eeta'am da sogote da seuaxanaxauo da qanapagaqaanaxac qataq da qauem qarqopitaxanaqtaic.

Números 11:4

Qaq souaxat so chegaqauecpi maye ỹaleeguet so Israel le'ecpi, maye ndotec da lquia'axac tatapigui lauel. Nache so Israel le'ecpi ỹe'enaxat co'ollaxa somayepi, nache qaltaq ỹe'eguelaxalec da nỹeetagui, nache detaqtac, 'eeta': «¡Negue'tom ca qomi' ỹanema nagui ca lapat!

Mateo 4:8

Qaq pa'atec nache so pa'aguenataxanaxaic ỹauega So Jesús aso qaỹoqotcheguemec 'alhua. Nache hualec asomaye da imeenaxanaxanec na 'alhuapi maye hueta'a na sallaxanecpi qataq 'añaxaicpi.

Salmos 78:30

Qalaxaye co'ollaq ñaq saxanaxa da nme de'era lquia'axac lamaic, ñaq huetaigui na alap na aloq,

Números 11:34

Ỹoqo'oye yi'iye 'alhua qailonec da Quibrot Hatavá, cha'aye qailareña co'ollaxa 'enauac so nhuo' le'ecpi maye ndotec da lquia'axac tatapigui lauel.

Proverbios 6:25

Saishet qome da 'auqopitta'a da lyacỹaxac acamaye, qataq sa 'anañaneguet da 'am loxonec da lmeenaxanaxac.

1 Corintios 10:6

Qaq 'enauac de'era huaigui somayepi nachera da qanapaxaguenataguec, da yaqto' saishet da seqopitaqa'a ca sa ỹaỹamaxañi, 'eeta'am da 'eetec somayepi.

Génesis 6:2

nache som llalaqpi Ñim Lo'onatac 'Enauacna, ila'a co'ollaxa da se'eso 'alpi ỹataqta 'onaxaipi, nache lca'agui asomayepi, nache huaroneguet anam ỹataqta lauela.

Daniel 4:30

nache 'enapeco': «¡Ña qauoloỹa na Babilonia da ỹataqta lta'araic! Aỹem so'ogoxona da lta'araic ỹa'añaxac co'ollaq ño'oxoosheguem da yaqto' hueta'a da llo'oxoyec da ỹo'onataxanaxac, qataq da ỹachaxan da ỹa'amaqchec.»

Santiago 4:16

Qalaxaye qami' qaravilliỹa da ño'oxonnaxaiqa naua qartaxaỹaxacolli', 'eeta'am da qaralamaxache ca ñaq natauo na'a'q, qaq damaye ỹataqta sa ỹaỹamaxañi.