1 Juan 2:15 - La'aqtaqa Ñim Lo'onatac 'Enauacna 2013

¹⁵ Saishet qome da qoñiita'am nam 'etaxaloxoicpi ana 'alhua, qataq saishet da qauo'oche nam ỹo'ottacpi namayepi. Cha'aye nam ỹo'ottac de'era nache saishet da ỹauotec Ñim Lo'onatac 'Enauacna maye Nta'a.

Nuevo Testamento Toba Sur

¹⁵ Qaq sa ishit qome da qauauochiic ana 'alhua qataq nam 'onataxacpi mayi huetalec anamayi. Cha'ayi da huo'o ca ÿauotec ana 'alhua, nachi camayi sa ishit da ÿauotec ñi qadta'a Dios.

Nuevo Testamento Toba Sombrero Negro

¹⁵ Ena'te auepichiya'alo gaa'me yauo'oe jogaa'me jiyaĝadipi jo'ne ja 'noe'n, uotaĝa gaa'me jo'ne lamaico uedalegue jena'me aleua. Qom gamachaqaega yepita'alo gaa'me yauo'oe jogaa'me jiyaĝadipi jo'ne ja 'noe'n, qama'le ja yaqanatet ta'le noqopita ñe'me Qadet'a.

1 Juan 2:15 Referans Kwoze

Santiago 4:4

Qami' saishet da qauauochec Ñim Lo'onatac 'Enauacna qataq saishet da qaualaqaiguet. Cha'aye ca ỹauotec na huetalec ana 'alhua, nache camaye ỹe'eguelaxa da ipa'agueetac Ñim Lo'onatac 'Enauacna. ¡Qaq damaye nache 'eetec! Da qami' qauauochec na qauem maye huetalec ana 'alhua, nache qavi'eguelaqaỹa da qapa'agueñiitac Ñim Lo'onatac 'Enauacna.

Romanos 12:2

Qataq saishet da qoquiitague' da lataxac 'enauac na huetalec ana 'alhua. Nachaqrata da qanaralaxache' naua qarhuennataxacolli'. Qaq 'era da ishet da qauaỹachiñi maye ỹaỹamaxareeta Ñim Lo'onatac 'Enauacna, 'eeta': Cam 'onaxaic qataq cam qaỹaỹamaxareeta qataq cam nalochiguiñi.

Mateo 6:24

Qaica ca namaxashec da ishet da dos naqa'e'n caua na'aco'ye. Cha'aye ishet da ỹalaxaguet qataq ỹauotec ca 'oonolec, qaq ca lỹa qalaq saishet. Nache 'eetec nataqa'en da qoñiita da sa qauañoxoche da qauo'onataxañiỹot Ñim Lo'onatac 'Enauacna, nache nataqa'en qoquiito'ot da qauo'onataxañiitacot da nsallaxa.

Lucas 16:13

Qaica ca namaxashec da ishet da do'onataxanoto caua dos na'aco'ye, cha'aye ishet da 'oonolec ca ỹauotec saq 'ena'am ca lỹa. Qataq ishet da ỹalaxaguet ca 'oonolec qaq ca lỹa qalaq saishet da ỹalaxaguet. Qaq nache 'eetec nataqa'en, da saishet da qaỹo'onataxanot Ñim Lo'onatac 'Enauacna qataq da nsallaxa.»

Juan 15:19

Na shiỹaxauapi qami' ỹauoteque da qoñiita'am namayepi da lataxac. Qalaxaye qami' saishet da qoñiita'am namayepi, cha'aye qami' lleca'aua'alo da yaqto' saishet da qoñiita'am da lataxac namayepi, ỹoqo'oye ỹataqta saishet da qami' iuote'n.

1 Juan 3:17

Da huo'o ca sallaxanec da ilota'a ca 'oonolec nam la'amqaanataxanaxauapi da huo'o da lhuenaxanaxa, qalaxaye saishet da itauan, nache que'eca sallaxanec saishet da dauotaxanaqta da 'eeta'am Ñim Lo'onatac 'Enauacna da lauotaxanaqtaic.

1 Timoteo 6:10

Cha'aye da nqopitaxanaqtaic aca yo'oqchigui anom, nachera da lpa'a' na 'enauac ỹotta'a't sa ỹaỹamaxañisat. Cha'aye mashe huo'o na ime'eguet da lqopitaxanaqtaic anamaye, nache ỹalat da lpi'iỹaxac Ñim Lo'onatac 'Enauacna, qaq nache huaña da ivireguet na qalota lqalaiguesat qataq nque'eenaxacpi.

Gálatas 1:10

Saishet da shectaigui da choche ñimitta'a da na shiỹaxauapi ỹaỹamaxareeta ca shenapec. Qataq saishet da ñimitta'a da aỹem qaỹamateguet. Cha'aye da nache sheetec de'era, nache saishet da aỹem lamaxashec So Cristo. ¡Cha'aye da ỹoqta ỹaỹamaqchiguiñi ñaqa'en da Ñim Lo'onatac 'Enauacna aỹem ỹaỹamaxareeta!

1 Juan 4:5

Namayepi ỹataqta 'etaxaloxoicpi. Qaq nam maiche laỹepi 'etaxaloxoicpi maye huetalec ana 'alhua ỹalaqta'aguet namayepi, cha'aye 'eeta'am da ltaxaỹaxac.

Efesios 2:2

Qataq souaxat da qoquiitague' da qauem lataxac maye ỹo'ottac na shiỹaxauapi maye huetalec ana 'alhua. Qataq qauo'ocheetac na 'eetapeguecsat som saqcha'a maye damaxasoxonapec som ilotague' nam qauem saq cha'api na'añaxacpi qataq maiche ỹoiqueetac nam saishet da ỹalaxaguet Ñim Lo'onatac 'Enauacna.

1 Juan 5:10

Da sepi'iỹaqa'a So Llalec Ñim Lo'onatac 'Enauacna, huaña, nache sa'amaqtenaq dam ỹa'axattac Ñim Lo'onatac 'Enauacna. Qalaxaye nam saishet da ỹa'amaqten Ñim Lo'onatac 'Enauacna, nache 'eeta'am naqa'en da tenataxanaxaic Ñimaye, cha'aye saishet da ỹa'amaqten dam la'aqtaxanaxac Ñim Lo'onatac 'Enauacna co'ollaq ỹa'axattac So Llalec Jesucristo.

Mateo 4:8

Qaq pa'atec nache so pa'aguenataxanaxaic ỹauega So Jesús aso qaỹoqotcheguemec 'alhua. Nache hualec asomaye da imeenaxanaxanec na 'alhuapi maye hueta'a na sallaxanecpi qataq 'añaxaicpi.

Santiago 1:27

Da qaỹa'amaqten Ñim Lo'onatac 'Enauacna maye Nta'a, nache iuen da qaỹauo'o ca ntonaxac Ñimaye qataq qaỹo'ot ca ỹaỹamaqchiguiñi. Qaq damaye 'eeta': qaitauan ana pa'aipi qataq nam qaicaua caua lta'al maye huo'o da nque'eenaxac, qataq saishet da qanasheneuo da dauegaxan na qauemsat maye huetalec ana 'alhua.