1 Juan 2:13 - La'aqtaqa Ñim Lo'onatac 'Enauacna 2013

^13-14 Qaq qami' maye mashe qami' ỹepi, qami' samaxalo ana ỹere, cha'aye qauauattoñiita So Jesús, som nache 'eetai' da huo'o co'ollaq saxanaxa da ỹo'ot ana 'alhua Ñim Lo'onatac 'Enauacna. Qaq qami' maye qami' nsoxoppi, qami' samaxalo ana ỹere nataqa'en, cha'aye qami' 'añaxaicpi qataq qanaviqui so pa'aguenataxanaxaic, qataq huesota da qarataxaqui da qauacoñiiguet da la'aqtac Ñim Lo'onatac 'Enauacna. Qami' samaxalo 'enauac da qoñiita ana ỹere, cha'aye qauauattoñi Ñim Lo'onatac 'Enauacna.

Nuevo Testamento Toba Sur

¹³ Qataq qami' ÿi'axaiquipi, qami' samaxalo ana ÿide, cha'ayi mashi ÿataqta qauauattoñiita som nal'ena da huo'o co'ollaq ñaq saxanaxa da huo'o ana 'alhua. Qataq qami' nsoxotpi, qami' samaxalo ana ÿide, cha'ayi mashi qodoxonqui so shiÿaxaua lma'na. Qataq qami' ÿalqolqa, qami' samaxalo ana ÿide, cha'ayi mashi qauauattoñiita ñi qadta'a.

Nuevo Testamento Toba Sombrero Negro

¹³ Ami 'yaĝaiquipi, ami janema jenjo' 'yaqatac qa'a joote auatetoñi joñe'me jo'ne jalchi'ena 'uo joca'li yemta. Ami joĝodipi, ami janema jenjo' 'yaqatac qa'a adaloya'aguet ta'le anomachi joñe'me payac.

1 Juan 2:13 Referans Kwoze

Juan 14:7

Qaq da qami' Aỹem qauauattoñi, nache nataqa'en qauauattoñi Ñim Ita'a. Qaq nagui mashe sogote da qauauattoñi, cha'aye mashe qauloito'ot Namaye.

1 Juan 4:4

Qami' ỹalqolqa, qami' lalamaqa'ate Ñim Lo'onatac 'Enauacna qaq mashe sogote da qoroxoñiqui ne'ena tenataxanaxaicpi maye 'eetega da la'aqtaxanaxanecpi Ñim Lo'onatac 'Enauacna, cha'aye Ñimaye nache 'eetai' da qami' hueta'agueta, qataq ỹactec da la'añaxac, napacalec da la'añaxac so npa'aguenaxaua.

1 Juan 1:1

Sauoqo'o ana qorere da qami' samaxasaxalo, da qami' sa'aqtaxanaxama som sauanaqchigui qataq sa'axasoqchigui, som Na'aqtac maye chegaqaigui da nca'alaxa som nale'ena co'ollaxa da huo'o, co'ollaq saxanaxa da ỹo'ot ana 'alhua Ñim Lo'onatac 'Enauacna. So'otaq damaye yaqto' ishet da nalochiguiñi da qantonaxac, qataq da yaqto' nache 'eetai' da qomi' qana'ayeetaua'alo, 'eeta'ama qomi' da qolaqto'ot da ña'araqtaua'a Ñim Lo'onatac 'Enauacna maye Nta'a qataq So Llalec Jesucristo. Se'eso Na'aqtac maye chegaqaigui da nca'alaxa nacheso So Jesucristo, qataq nacheso so ỹan da 'eesa nca'alaxa. Qaq de'era nca'alaxa damaye chochaq tatec. Somaye nache 'eetai' da hueta'aguet Ñim Lo'onatac 'Enauacna maye Lta'a, qalaxaye qomi' naỹalo. Qaq qomi' maye qomi' lapaxaguenataqa sa'axasoqchiguilo naua la'aqtaqa qataq ỹataqta ñeloqta'ai' qataq seviraqa'a da ishet da sepotaxaua'a.

Lucas 10:22

Ime, nache So Jesús 'enapego' so shiỹaxauapi maye hueta'aguet Somaye, 'eeta': «Ñi Ita'a Aỹem imato'ot 'enauac na lataxacpi, qataq qaica ca Aỹem ỹauattoota da 'ena'am Ñimaye. Qataq Aỹem maye Aỹem Llalec, ỹataqta sauattoota Ñim Ita'a maye Lo'onatac 'Enauacna, qaica ca shena'am qataq maiche lleca'aua'a cam shiỹaxaua maye sauotaique da ỹauatton Ñimaye da 'ena'am Aỹem.»

Juan 17:3

Qaq de'era achaalataxac maye chochaq tatec, damaye nachera da naigui da 'am qaỹauatton, 'am maye 'Aro'onatac 'Enauacna, maye nache'amta qataq 'am 'eesa, qataq nam 'Arca'aguishec maye 'anamaxa ana 'alhua co'ollaxa.

1 Juan 5:18

Saỹatenaq da nam llalaqpi Ñim Lo'onatac 'Enauacna saishet da ỹo'ot ca lasouaxashet, cha'aye So Jesucristo maye Llalec Ñim Lo'onatac 'Enauacna ntela'a namayepi, qaq som pa'aguenataxanaxaic saishet da ishet da huo'o ca ỹo'otec qauem namayepi.

1 Juan 3:12

Saishet da shenaqta'am so Caín maye 'eeta'am ca llalec so pa'aguenataxanaxaic, nache ỹalauat so lqaỹa. Qaq ¿ta'ainco' ye ỹalauat? Qomye da ỹo'ottac so Caín co'ollaxa ỹataqta qauem, qaq dam ỹo'ottac som lqaỹa co'ollaxa qalaq ỹataqta 'onaxaic.

Mateo 11:27

Ime, nache 'enapega som hueta'a yi'iye, 'eeta': «Ñim Ita'a Aỹem imato'ot 'enauac da lo'onataxanaxac qataq nachaqaỹemta da Aỹem ỹauatton, cha'aye Aỹem Llalec. Qaq qaica ca ishet da ỹauattoota Ñim Ita'a da 'eeta'am Aỹem. Ỹoqo'oye sauotaique da sa'aqtaxanem ca lỹa shiỹaxaua da sa'axat ñi Ita'a, yaqto' nataqa'en camaye ishet da ỹauatton Ñimaye.

1 Juan 5:20

Nataqa'en saỹatenaq da So Llalec Ñim Lo'onatac 'Enauacna, Somaye anac da qomi' ỹanema da qaraỹaanec da yaqto' sauattonaqta Ñim Lo'onatac 'Enauacna maye 'eesa. Qataq ña'araqtaua'a som Llalec Jesucristo; Somaye nacheso som ỹataqta 'eesa Lo'onatac 'Enauacna maye chegoqo'ot da nca'alaxa chochaq tatec.

1 Juan 2:12

Qami' ỹalqolqa, qami' samaxalo ana ỹere, cha'aye Ñim Lo'onatac 'Enauacna mashe sogote da ỹapalaxat na qarasouaxashechi, chegoqchigui dam ỹo'ot co'ollaxa So Jesucristo.

1 Juan 2:1

Aỹem ỹataqta qami' sauoteque, 'eeta'am ñaqa'en da maiche qami' ỹalqa. Ỹoqo'oye qami' samaxalo ana ỹere da yaqto' saishet da huo'o ca qauo'oche qarasouaxashechi. Qalaxaye da huo'otaq huo'o ca huo'o ca lasouaxashet, nache So Jesucristo maye no'on da lataxac, Somaye qomi' detaqleguete da datato'ot Ñim Lo'onatac 'Enauacna maye Nta'a.

Tito 2:6

Nataqa'en qonapega na nsoxoppi da ỹaỹaten da nllañi da qauem lqopitaxanaqtaic.

2 Corintios 4:6

Co'ollaq Ñim Lo'onatac 'Enauacna ỹo'ot ana 'alhua, nache da la'aqtac, 'eeta': «Huo'o qome aca icoỹarelec na napalaxa.» Qaq co'ollaq qomi' ỹaỹaanaxanaxaneque da no'on na'axaỹaxac, nache nataqa'en icoỹaroigui da qantoonaxac, yaqto' chegoqchigui So Cristo da sauattonaq da la'amaqchec Ñimaye.

Juan 16:3

Qaq ỹo'ot qome de'era namayepi, cha'aye saishet da ỹauatton Ñim Ita'a, nataqa'en Aỹem.

Juan 14:9

Nache So Jesús 'enapego' somaye, 'eeta': –Felipe, Aỹem mashe huo'oi soua vi'iye da qami' soota'agueta, ¿qalaq ñaq saxanoxo' da Aỹem 'auauatton? Cha'aye ca Aỹem ila'a, camaye nataqa'en ila'a Ñim Ita'a, qaq ¿ta'ainco' ye Aỹem 'auỹaxaatacot da qami' sachaxanalo Ñim Ita'a?

Juan 8:19

Nache qainattac Somaye, qoỹeeta': –¿Hua'ague ca neta'ague ca 'arta'a? Nache So Jesús 'enapeco': –Qami' saishet da Aỹem qauauattoñi, qaq nache 'ena'am Ñim Ita'a saishet da qauauattoñi. Cha'ayectaxa da Aỹem qauauattoñi, nache nataqa'en ishet da qauauattoñi Ñimaye.

Mateo 13:38

Qaq som nanaxanaqa', qalaq nachena nam shiỹaxauapi maye netalec ana 'alhua. Qaq aso no'on nañiguishe maye ala na trigo, qalaq nachena nam shiỹaxauapi maye huetaigui da lo'onataxanaxac Ñim Lo'onatac 'Enauacna. Qaq aso huoue maye le'enaxat cizaña, qalaq nachena nam ỹalaxaguet so pa'aguenataxanaxaic,

Mateo 13:19

Huo'o na na'axaỹaxaatega da na'aqtaguec da lo'onataxanaxac Ñim Lo'onatac 'Enauacna, qalaxaye ye saishet da ỹaỹaten, nache so pa'aguenataxanaxaic anac, nache ỹo'otec da icoua'ai de'era na'aqtaxanaxac. Qaq 'ena nam 'eeta'am aso nañiguishe ala maye tatelec so nqa'aic.

Proverbios 20:29

Da ỹo'oxoren na nsoxoppi nachera da la'añaxac, qaq da ỹo'oxoren na ỹa'axaiquipi qalaq nachana ana lapagaxai.

Salmos 91:14

«Cha'aye ỹataqta Aỹem ỹauotec nache ñeca'alaxatec qome, qataq ñepaxattalec cha'aye ỹauattoota da ỹe'enaxat.

Salmos 90:2

Co'ollaq saxanaxa da huo'o ana qasoxonaxapi, qataq saxanaxa da yo'oq ana 'alhua qataq 'enauac na huetalec, chegoqchiguiña co'ollaq la'atchiguiñi 'enauacna, qataq ivitta'a ca pa'atec na'a'q, da nache 'amta da 'Am Atamnaxala'.

1 Timoteo 5:1

Saishet da 'arolec ca 'artaxaỹaxac sa nsatta da 'auqata ca nqueroxonec. Nachaqrata da 'auchettot da qonapega, 'aue'enaxattem ca 'aralamaxat 'arta'a. Qataq da qonapega ca nsoq, qalaq 'aue'enaxattem ca maiche 'arqaỹa.

Juan 17:21

Qataq 'am seỹaxanot, 'am Ita'a, da yaqto' naamaye ỹataqta na'atta'a't, 'eeta'am da 'eetec 'am qataq Aỹem da ña'araqta'a't, nataqa'en naamaye qomi' na'attaua'alo. Yaqto' nam shiỹaxauapi maye huetalec ana 'alhua ỹa'amaqten da Aỹem 'aramaxashec.

Zacarías 9:17

Qaq ỹataqta sano'onolec, qataq ỹataqta 'onaxaic qome yi'iye 'alhua. Cha'aye souaxat da ỹataqta qalota na trigo, qataq na lataxa, nache nam nsoxoppi, qataq na qa'ampi, ỹataqta 'onaxaic da lañaxataxac.

Joel 2:28

Qaq qom ime de'era, nache talec ñaqa'en 'enauac na shiỹaxauapi ca lta'araic ỹa'añaxac, huaña, nache nam qaỹa'alquipi qataq ana qaỹa'allipi, huo'o qome nam ỹa'axata'api, qataq nam ỹa'axaiquipi huo'oi qome naua lchoxonaxaco, qataq na nsoxoppi huo'oi qome naua l-loxoco.

Salmos 148:12

Na nsoxoppi qataq na qa'ampi, ỹa'axaiquipi qataq na ñaqpiolec.

Mateo 5:37

Nachaqrata da 'oonolec ca qarasataxaqui. Qoñiita': aja' huo'otaq saishet. Cha'aye ca choche qaỹachegoxotauec na'aqtac, camaye chegoqo'ot so pa'aguenataxanaxaic.

Juan 16:33

Qaq Aỹem qami' sa'axatema 'enauac de'era, yaqto' huo'o da qarlagaxayiqui da Aỹem qana'ayeetaua'a. Qami' ana 'alhua maye qoviitalec huo'o da qanque'eenaxaqui. Qalaxaye qana'añaxache qome, cha'aye Aỹem mashe sogote da ỹoxonec nam 'onataxacpi maye huetalec ana 'alhua.

Apocalipsis 2:7

Qaq cam huo'oi naua ltela lauaco, qaq no'on da na'axaỹaxana da la'aqtac So Saqcha'a La'añaxac Ñim Lo'onatac 'Enauacna da 'enapega na 'amqaanataxanaxaicpi, 'eeta': Nam saishet da iqallem 'enauac nam lqalaiguesat qataq saishet da ỹaxanec da lpi'iỹaxac Aỹem, nache sami' da chec ana ala ara qo'oipaq maye chegaqaigui da nca'alaxa. Aram qo'oipaq maye nañaxattalec ye qaica ca 'ena'am da lyac lanaxanaqa' Ñim Lo'onatac 'Enauacna.›»

Apocalipsis 12:11

Cha'aye da l-leuaxa Ñi Qagueta Llalec, qataq da na'aqtaguec Ñimaye, nachera da iqallem. So qarqaỹañicpi saishet co'ollaxa da ñe'etac, nachaqrata da ỹan da nachaalataxac da qaỹalauat.