1 Juan 2:12 - La'aqtaqa Ñim Lo'onatac 'Enauacna 2013

¹² Qami' ỹalqolqa, qami' samaxalo ana ỹere, cha'aye Ñim Lo'onatac 'Enauacna mashe sogote da ỹapalaxat na qarasouaxashechi, chegoqchigui dam ỹo'ot co'ollaxa So Jesucristo.

Nuevo Testamento Toba Sur

¹² Qami' ÿalqolqa, qami' samaxalo ana ÿide, cha'ayi ñi Dios mashi sogote da ÿapalaxat na qadasouaxashichi, souaxat so Jesucristo.

Nuevo Testamento Toba Sombrero Negro

¹² Ami yalaqapi, ami janema jenjo' 'yaqatac qa'a joote qoyapalaĝa't jodaa'me adoecodi', chiyoqotelegue da'me auacoñiyeguet joñe'me Jesús.

1 Juan 2:12 Referans Kwoze

Hechos 10:43

Nataqa'en soua hua'au' vi'iye 'enauac co'ollaxa som la'aqtaxanaxanecpi Ñim Lo'onatac 'Enauacna ỹa'axatta'aguet So Jesús, da ca ỹa'amaqten Somaye, nache qaỹapalaxat na lasouaxashetpi, chegoqchigui da la'añaxac Somaye. Qaq 'oonolec Somaye chegoqchigui da ishet da seviraqa'a da saconaxaguet da lchoxonnataxanaxa Ñim Lo'onatac 'Enauacna.

Hechos 13:38

Qaq ỹoqo'oye, qami' ỹaqaỹa't, 'era da na'aqtaxanaxac maye qami' sa'aqtaxanaqteguema, da So Jesús ishet da ỹapalaxat 'enauac na nasouaxashet. Na namaxasoxonaxacpi maye chegoqo'ot so Moisés qalaq saishet da huesoueeguesop naqa'en qami' na qarasouaxashechi.

Efesios 1:7

Chegoqchigui da l-leuaxa So Cristo co'ollaq qaiuaxaneguet so npe'enaxaqui, da Ñim Lo'onatac 'Enauacna ỹapalaxat 'enauac nam qarasouaxashetpi qataq qomi' isoueeguesopa namayepi. Qaq de'era ỹo'ot souaxat da chochaq huañi lsoxoyec Ñimaye. Ỹachegoxotchigui dam lta'araic laỹaanec qataq lauattonaxanaxac,

Hechos 4:12

Qaica ca lỹa ishet da chegoqchigui da nca'alaxa. Cha'aye Ñim Lo'onatac 'Enauacna qaica ca lỹa ne'enaxat da qomi' ỹanema ana 'alhua, da yaqto' ishet da qomi' nca'alaxatre'c, nachaqsota So Jesús.

Salmos 106:8

Qalaxaye Ñimaye nca'alaxatec somayepi, da yaqto' huo'o naqa'en da llo'oxoyec da le'enaxat Ñimaye, qataq yaqto' ỹachaxan da lta'araic la'añaxac.

Colosenses 1:14

ỹachegoxotchigui da l-leuaxa Somaye da qomi' nca'alaxatre'c, qataq da ỹapalaxat 'enauac na qarasouaxashetpi.

Salmos 25:11

'Am Nataxala', souaxat da huo'o naq 'enec 'anqa'en da 'are'enaxat, nache 'auapalaxat qome da lta'araic ỹasouaxashet.

1 Juan 1:7

Qalaxaye da ñachaataqtaigui na yo'oqchiguiñi, da shenaqta'am Ñim Lo'onatac 'Enauacna maye huetaigui da yo'oqchiguiñi, nache ỹataqta ña'araqta't da qomi' nqaỹañecpi, qaq Ñim Lo'onatac 'Enauacna ỹapalaxa't naua qarasouaxashe'ete, chegoqchiguilo naua ltago'q So Llalec Jesús.

Lucas 24:47

Nataqa'en iuen da qaỹa'aqtaxanem na ỹotta'a't shiỹaxauapi Aỹem, yaqto' 'enauac namayepi ỹe'egueloqot Ñim Lo'onatac 'Enauacna, qaq Ñimaye ỹapalaxat na lasouaxashetpi. Qaq chegoqchiguiña na Jerusalén,

Lucas 5:20

Nache So Jesús co'ollaq ila'a da lta'araic lpi'iỹaxa'c soomaye, nache 'enapega so sa no'on, 'eeta': «¡'Am ñauochaxaua, nagui sapalaxat na 'arasouaxashetpi!»

1 Juan 2:21

Qaq ỹoqo'oye qami' samaxalo ana ỹere, cha'aye saỹaten da qami' qauauattoñi da 'eesa lataxac, qataq qauaỹachiñi da ca ỹauatton damaye, nache camaye saishet da datenataxan.

Jeremías 14:7

¡'Am Nataxala', na'aictaxa na qarasouaxashetpi da qomi' ỹa'aloqche't, qaq no'on da huo'o ca 'auo'ot souaxat da llo'oxoyec da 'are'enaxat! Qalota naxa da saishet da 'am salaxasoxoguet, qaq huo'o da qarasouaxashet 'am hueto'ot.

1 Juan 2:7

Qami' ỹaqaỹa't maye sa'amaqtenaqtac So Cristo, aỹem saishet da qami' saateguema ca dalaxaic namaxasoxonaxac. Nachaqrata dam namaxasoxonaxac maye qami' ỹanema Ñim Lo'onatac 'Enauacna co'ollaxa. Qaq de'era namaxasoxonaxac damaye ỹataqta nache 'eetai', Qaq damaye qami' mashe qauaỹachiñi.

1 Juan 2:1

Aỹem ỹataqta qami' sauoteque, 'eeta'am ñaqa'en da maiche qami' ỹalqa. Ỹoqo'oye qami' samaxalo ana ỹere da yaqto' saishet da huo'o ca qauo'oche qarasouaxashechi. Qalaxaye da huo'otaq huo'o ca huo'o ca lasouaxashet, nache So Jesucristo maye no'on da lataxac, Somaye qomi' detaqleguete da datato'ot Ñim Lo'onatac 'Enauacna maye Nta'a.

1 Juan 1:9

Qalaxaye da sa'aqtaxanaxam naua qarasouaxashe'ete Ñim Lo'onatac 'Enauacna, qalaq nataqa'en qolaqto'ot da qarpi'iỹaxac da Ñimaye maye no'on da lataxac, ishet da qomi' ichoxore'n qataq iỹouec 'enauac na sa ỹaỹamaxañisat maye so'otaqtac.

Efesios 4:32

Chaqrato' da qami' soxoraiqa, qataq qami' choxonnataxanaxaiqa, ñi 'oonolec ỹataqta ichoxoren ca lỹa da huo'o ca ỹasouaxat, 'eeta'am Ñim Lo'onatac 'Enauacna da qami' ichoxore'n chegoqchigui naqa'en So Cristo.

1 Corintios 6:11

Qaq huo'o co'ollaxa da qoñiita na 'eeta'am ne'enapi. Qalaxaye Ñim Lo'onatac 'Enauacna mashe qami' ichoxore'n qataq qami' iqui'itaxatte', qataq mashe qami' lalamaqa'ate. Qaq 'enauac de'era chegoqchigui So Qarataxala' Jesucristo qataq So Saqcha'a La'añaxac Ñimaye.