1 Juan 2:10 - La'aqtaqa Ñim Lo'onatac 'Enauacna 2013

¹⁰ Qaq ca ỹauotec na laỹepi, nache camaye nachattaigui da lta'araic le'eraxa Ñim Lo'onatac 'Enauacna qataq saishet da ỹo'oteguet da la'axa ca la'amqaanataxanaxauapi.

Nuevo Testamento Toba Sur

¹⁰ Qaq ca ÿauotec ca lqaÿa, camayi nachattaigui na yi'oqchiguiñi, nachi sa ishit da qaÿauo'o ca lasouaxashit.

Nuevo Testamento Toba Sombrero Negro

¹⁰ Ñe'me jo'ne noqopita ga'me laqaya, nach'eñe uetaue da'me yoqochiñe nataq'aen qaya'te ga'me chiyaqayi q'aen ta'le chiyaqaje'mot.

1 Juan 2:10 Referans Kwoze

1 Juan 3:14

Cha'aye de'era nsoxoyec maye qomi' hueto'oto ỹachaxan da mashe saishet da qomi' leuaxaiqa, nachaqrata da nagui ñeca'alaqtauec. Qalaxaye ñi 'oonolec da qoñiita da saishet da ỹauotec ca lỹa, nache damaye naigui da ñaq qoviitaigui da la'añaxac da nleuaxa.

Romanos 14:13

Qaq ỹoqo'oye saishet ca 'oonolec da qoñiita da quetapeguelec ca lỹa. Nachaqrata da saishet da qomi' qanmaxaleguete da huo'o cam 'oonolec nam ca'attague' So Cristo da huo'o ca lasouaxashet, nache deqat da lpi'iỹaxac Ñim Lo'onatac 'Enauacna.

Oseas 6:3

¡Sauoqo'o qome ca qana'añaxataxac da sauattonaq Ñim Nataxala'! Cha'aye Ñimaye 'eesa qome da anac, 'eeta'am da nnoxoosheguem añi nala'. Qataq 'eesa qome da qomi' naỹalo, 'eeta'am na auot da talec ana 'alhua, nam auot maye huaigui ye latomaxa qataq ye nauoxo.

2 Pedro 1:10

Qami' ỹaqaỹa't, Ñim Lo'onatac 'Enauacna qami' lca'agui'she da yaqto' qauallicỹoigui na lalamaxatpi. Qaq da qauauoitaique da nache 'eetai' da qaualliquiitaigui namayepi, nache qami' iuen da qanquigaxachiitec da qana'añaxataxaqui da qauo'oche 'enauac de'era. Qaq da nache qoñiitec de'era, nache saishet da huo'o ca nqanaxat da qanachaalataxaqui da qaua'amaqchiñiitac So Cristo.

Juan 8:31

Nache So Jesús 'enapego' nam judiopi maye ỹa'amaqten Somaye, 'eeta': –Qami' qom ỹataqta qauo'oche de'era qami' sa'axatema, nache ỹoqta 'eesa da qami' ỹapaxaguenataqa.

Mateo 18:7

Qalota na lataxaguesat ana 'alhua da ỹo'oteguet na shiỹaxauapi da saishet da ỹalaxaguet Ñim Lo'onatac 'Enauacna, qataq qaica ca lataxac da huo'otaq qaivita'aguet. Qalaxaye ¡ỹataqta qauem da taỹa'ague cam ỹo'otec ca lỹa da sa ỹalaxaguet Ñim Lo'onatac 'Enauacna!

Mateo 13:21

Qalaxaye souaxat da saishet da ỹoqta ỹaỹateeta de'era na'aqtaxanaxac, nache saishet da 'eetai' de'era ntonaxac. Cha'aye da huo'o da ivireguet lqalaic, huo'otaq da sa qaiyacnapec souaxat da ỹalaxaguet Ñim Lo'onatac 'Enauacna, nache saqaỹaloq da icoua'ai de'era na'aqtaxanaxac.

Filipenses 1:10

yaqto' ishet da qauaỹaañi da qalca'aiua'a ca ỹataqta no'on. Yaqto' da ivita da ñe'eguelaq So Jesucristo, nache qaica ca qarasouaxashechi, qataq qaica ca qami' ỹasaxaleguete ca qarasouaxashechi.

Salmos 119:165

Cha'aye qalota da l-lagaxayec, cam ỹauoteque naua 'arqataxaco qataq qaica ca ishet da huañi naqa'en.

Juan 11:9

Nache So Jesús 'enapeco': –¿Saisheto' da ye 'oonolec na'a'q, ivi' naua doce hora? Ye ñi 'oonolec shiỹaxaua da huo'otaq queuotapigui' ye na'a'q, qalaq saishet da huo'o ca ỹe'egueneguet, cha'aye na le'eraxa añi nala' yo'oqtegue naqa'en ca llec camaye.

Juan 12:35

Nache So Jesús 'enapega somayepi, 'eeta': –Ñaq cara'acolec da qami' hueta'agueta nam lcoỹaraqte ana 'alhua, qalaxaye sa qaỹaraue'c caua na'axa'te da qami' hueta'agueta. Qaq ỹoqo'oye qauqueuoitapigui' nagui da ñaq huo'o na yo'oqchiguiñi, yaqto' saishet da qami' ique'elaxa't ca napalaxa. Cha'aye cam queuotapigui na napalaxa, camaye saishet da ỹaỹaten cam tata'ague.

1 Juan 2:11

Qalaxaye ca nquiỹa ca lqaỹa maye nataqa'en ỹa'amaqteetac So Cristo, nache camaye huetaigui na napalaxa, qataq sa ỹaỹaten ca tata'ague, cha'aye nam napalaxa saishet da nauaañi naqa'en camaye.