1 Corintios 8:3 - La'aqtaqa Ñim Lo'onatac 'Enauacna 2013

³ Qalaxaye Ñim Lo'onatac 'Enauacna, ỹauattoota 'enauac nam ỹauotec Ñimaye.

Nuevo Testamento Toba Sur

³ Qalaxayi da huo'o ca ÿauotec ñi Dios, qaq ñimayi ÿataqta ÿauattoota camayi.

Nuevo Testamento Toba Sombrero Negro

³ Qalaĝaja gamachaqaega jo'ne noqopita ñe'me Dios, ñe'me Dios yataqachiñe yateton joga'me.

1 Corintios 8:3 Referans Kwoze

Éxodo 33:17

Nache Ñim Lo'onatac 'Enauacna qaltaq, 'eeta': «De'era 'anasaxauec, damaye nataqa'en so'ot qome, cha'aye ỹoqta 'eesa da 'am ỹauotaxat qataq 'am ipe'et.»

Nahúm 1:7

Ñim Nataxala' soxoraic, Ñimaye ñe'eguenaxala' da qaivireguet ca nhuogoxo, qataq npaxaalec nam pe'etecot Ñimaye,

2 Timoteo 2:19

Qalaxaye Ñim Lo'onatac 'Enauacna mashe lapaxañi so lo'oxonaxala' da lo'onataxanaxac maye qaica ca iraxanapec. Qaq somaye nanettalec so nerec, 'eeta': «Ñim Nataxala' ỹauatton ca mashe lalamaxat;» nataqa'en 'eeta': «'Enauac na ỹo'oxoren da le'enaxat Ñim Lo'onatac 'Enauacna, iuen da ỹaxaañi da ỹo'ottac na sa ỹaỹamaxañisat.»

1 Corintios 2:9

Qaq tachigui da 'ena'ape naua nanettralec ana nere maye huetalec na la'aqtacpi Ñim Lo'onatac 'Enauacna maye 'eeta': «Ñim Lo'onatac 'Enauacna iqataxaatapigui' da ỹanem cam ỹauotec Ñimaye dam qaica ca ishet da ila'a, huo'otaq hua'axaỹa huo'otaq da iuennatapega.»

Gálatas 4:9

Qalaxaye nagui qauauattoñi Ñim Lo'onatac 'Enauacna. Qaq dam ỹoqta 'eesa 'eeta': Ñimaye maye qami' ỹauatto'n. Qaq ỹoqo'oye saishet da saỹaten da chaq ta'ainco' da sa qami' ala'q da qanañañiỹot nam qanatameetacotpi maye saq 'en. Ye namayepi qaica ca la'añaxac qataq qaica ca naigui.

Apocalipsis 2:19

Aỹem saỹaten 'enauac na 'auo'ottacpi. Saỹateeta da Aỹem 'auauotec qataq saishet da 'axanec da 'arpi'iỹaxac Aỹem. Nataqa'en saỹaten da qouetague' na laỹepi shiỹaxauapi. Qaq nagui de'era 'artaunaxanaxac namayepi ỹataqta ỹactec 'anqa'en, saq 'ena'am so hua'auchiguiñi.

Santiago 1:12

Ca na'añaxateguet da ñe'eguenataguec, nache Ñim Lo'onatac 'Enauacna ỹaalec da lqouagaxanaqtaic. Cha'aye da mashe inoxonaqchetec de'era ñe'eguenataguec, nache Ñim Lo'onatac 'Enauacna ỹami' ca laueguec qataq ca lta'araic llo'oxoyec camaye. Qaq damaye nachera da nca'alaxa maye chochaq tatec maye ỹachaxanapeguem nam ỹauotec Ñimaye.

Jeremías 1:5

«Co'ollaq saxanaxa da 'am sanem da 'arca'alaxa, nache Aỹem mashe 'am lleca'aguishec, qataq co'ollaq saxanaxa da 'auañiguiñi nache mashe 'am seỹotauga da yaqto' 'am ỹa'aqtaxanaxanec, da 'aua'aqtaxanem 'enauac nam ỹotta'a't shiỹaxauapi.»

Juan 10:14

De'era 'eetec da Ñim Ita'a Aỹem ỹauattoota, qataq Aỹem sauatton Ñimaye; nache 'eeta'am da 'eetec Aỹem da sauatton nam Aỹem quetague', qaq namayepi nataqa'en Aỹem ỹauattoota. Aỹem Nachaỹem no'on qagueta lo'o maye selotague' namayepi. De'era 'eetec ca no'on qagueta lo'o da na'aictaxa da ileetalec ana lalo qaguetapi, qaq nache sheetec nataqa'en Aỹem da ỹataqta qaica ca shectega, da na'aictaxa da seleetalec nam Aỹem ca'attague'pi.

Mateo 7:23

Qalaxaye Aỹem shenapega qome namayepi, sheeta': ¡Aỹem saishet da qami' sategueua'alo! ¡Aỹem qoquiỹa'ai, qami' shiỹaxauapi maye qauo'ocheetac na sa ỹaỹamaxañi!

Salmos 1:6

Cha'aye Ñim Nataxala', ỹataqta ntela'a da llecỹaxac nam no'on da lataxac, qaq da llecỹaxac na qauemaicpi qalaq taỹa'a da nlaguiñi.

1 Juan 4:19

Qomi' ỹataqta sauotaxac na qarqaỹañicpi, cha'aye Ñim Lo'onatac 'Enauacna hua'auñi da qomi' ỹauoteque.

Apocalipsis 2:9

Aỹem saỹaten 'enauac nam lqalaiguesat maye qouetaigui nagui, qataq saỹaten da 'am choxoraq, na'aictaxa da ỹataqta lta'araic da 'arsallaxa maye saqcha'a. Nataqa'en saỹaten naua ltaxaỹaxaco qauema maye 'am ỹasaqteguelec nam 'eetega da judiopi, qalaxaye namayepi ỹalectaigui nam lalamaxatpi so pa'aguenataxanaxaic.

1 Pedro 1:8

Qami' na'aictaxa da saishet da qanmiỹa'ai' da qauloito'ot So Jesucristo, qalaxaye qauauochec qataq qaua'amaqchiñi Somaye, qataq huo'o da qantonaxaqui ỹataqta lta'araic qataq 'onaxaic, qaq damaye saishet da qaỹañoxot da ỹataqta qaỹa'axatta.

Éxodo 33:12

So Moisés 'enapega Ñim Nataxala', 'eeta': «'Am, maye aỹem 'auamaxalec co'ollaxa ne'ena nhuo' le'ecpi da saueca'aguet, qalaxaye saishet da aỹem 'aua'aqtaxanem da negue't ca aỹem itauan. Nataqa'en qonapec co'ollaxa da aỹem 'auauotec qataq aỹem 'arpe'et.

Salmos 17:3

Cha'aye 'am 'auaỹateete' naua iuennataxaco, qataq ye pe qalaq aỹem 'auchemaxattac qataq aỹem 'avi'egueetac, qalaxaye saishet da 'auanata ca saỹaỹamaxañi de'era ñachaalataxac. Qataq na aỹap saishet da chegaqaigui ca saỹaỹamaxañi,

Apocalipsis 2:13

Aỹem saỹaten da qoueta'a nam nỹecpi maye netaña añi nso'onaxaqui so pa'aguenataxanaxaic. Qalaxaye na'aictaxa da nache 'eetec de'era qalaq nache 'ena'am qoqueto'ot da huo'o da qarpi'iỹaxac Aỹem. Qataq saishet da 'axaañi da Aỹem 'aua'amaqteetac, na'aictaxa co'ollaq da huaña ne'ena nỹecpi maye qoueta'a da qaỹalauat so Antipas, som nache 'eetai' naxa da ỹachaxaata da lpi'iỹaxac Aỹem.

Juan 21:17

Nache qaltaq ỹe'eguelaxalec da inat, 'eeta': –'Am Simón maye 'am llalec so Jonás, ¿peta'a 'eesa da Aỹem 'auauotec? Nache so Pedro ỹataqta naquicochiguiñi, souaxat da mashe ivi' tres da ỹe'eguelaxalec da qainat da 'eesa da huo'o da lauotaxanaqtaic. Nache somaye 'enapeco': –'Am Ỹataxala', 'am 'auaỹaten mque' 'enauac da ỹataxac, qataq 'auaỹateeta da ỹataqta 'am sauotec. Nache So Jesús 'enapego' somaye, 'eeta': –'Aulo'ogue qone' ana ilopi qagueta.

Santiago 2:5

Qami' ñauochaxau' ỹaqaỹa't, ỹataqta aỹem qana'axaỹaxañiỹa: Ñim Lo'onatac 'Enauacna lca'aguishec na shiỹaxauapi choxoraq maye huetalec ana 'alhua, yaqto' namayepi da naquitaxac Ñim Lo'onatac 'Enauacna, nachera da ỹoqta 'eesa lsallaxa. Nataqa'en lca'aguishec na choxoraqpi da yaqto' ỹaconeguet da lo'onataxanaxac Ñim Lo'onatac 'Enauacna maye ỹachaxanapeguem co'ollaxa nam ỹauotec Ñimaye.

1 Reyes 3:3

Qaq so Salomón, ỹataqta ỹauotec co'ollaxa Ñim Nataxala', qataq ỹataqta ipacchigui da ỹo'ot nam nqataxacpi maye lapaxañi so lta'a David, qaq somaye nataqa'en tasheguema naxa so qaỹoqotcheguemapi da ỹavigaxat na lachetaqtaxanaxatpi, qataq da ỹo'ot na lchenaxanaxat.

Amós 3:2

«Nache qamiite' da qami' lleca'aua'alo, co'ollaq lleca'agui nam nhuo' le'ecpi ana 'alhua. Qaq ỹoqo'oye sauo'o qome ca qanhuaxanaguiiqui, souaxat nam qauemsat maye qauo'oche».

1 Corintios 13:12

Nagui da qarauattonaxanaxac Ñim Lo'onatac 'Enauacna, damaye saxanaxa da yo'oqoolec, 'eeta'am da seloqtalec aca tannaxai da 'omalec. Qalaxaye da nauattonaxanaxac qom ivita da nalochiguiñi, huaña nache selaqa'a Ñim Lo'onatac 'Enauacna. Nagui da ỹauattonaxanaxac saxanaxa da nalochiguiñi. Qalaxaye qom ivita da nalochiguiñi, huaña nache sauattoota Ñimaye, 'eeta'am da 'eetec da aỹem ỹauattoota Ñimaye.

1 Juan 4:7

Qami' ỹauotaqa'ate ỹalqolqa, iuen da ñi 'oonolec da shenaqta ỹataqta ỹauotec ca lỹa, cha'aye de'era nauotaxanaqtaic chegoqo'ot Ñim Lo'onatac 'Enauacna. Qaq 'enauac nam huo'o da lauotaxanaqtaic, namayepi llalaqpi Ñim Lo'onatac 'Enauacna, qataq ỹauatton Ñimaye.