1 Corintios 8:1 - La'aqtaqa Ñim Lo'onatac 'Enauacna 2013

¹ Qaq nagui qami' sa'axatema da lataxac ca nallec maye hua'auñi da qoỹanot na choche ne'enaqtacpi maye qanatameetacotpi qataq saq 'en. 'Enauac da shenaqta saỹatenaq de'era. Qalaxaye saỹatenaq de'era nauattonaxanaxac da ỹo'ot da napagaqaanaxac qataq da ño'oxonnaxac ca shiỹaxaua. Qalaxaye da nsoxoyec ỹa'añaqchet da qara'amqaanataxanaxac.

Nuevo Testamento Toba Sur

¹ Qaq nagui qami' sa'axatema da lliquiaxac ca nallic mayi qanatameelec da qoÿanot ca nqolac. 'Eesa da 'enauac da qadauattonatac de'eda. Qalaxayi de'eda nauattonaxanaxac ÿashittagui naq'en da ñi'oxonnaxac ca shiÿaxaua. Chaqdata da nsoxoyic mayi nañaxat naq'en camayi.

Nuevo Testamento Toba Sombrero Negro

¹ Nayi ja'ateguet da'me jayem auenachiyec ga'me lapat jo'ne joote qoyanema gaa'me qop'iyapegalo jo'ne ch'e 'nonataqa. Yataqachiñe eja da'me dojo' 'naqatac: “Ena'uaque qo'mi jayatenaq da'me jo'ne yataqata eja.” Qalaĝaja da'me nayatenaĝanaĝac 'yetem ga'me jiyaĝaua da'me ma'te 'yoĝodenaĝaic; joda'me noqopich'i qamqa'me 'yañaqatet joga'me.

1 Corintios 8:1 Referans Kwoze

1 Corintios 8:7

Qalaxaye saishet da 'enauac da qaỹaỹateeteguet de'era. Co'ollaq saxanaxa da qaua'amaqchiñi So Cristo, nache da qoñiita huo'o na ỹo'oxoreetac na ne'enaqtacpi maye qanatameetacotpi qataq saq 'en, qaq nagui ñaq 'eetalec da ỹa'amaqteetac namayepi da 'eetega huo'o da lca'alaxa. Qaq ỹoqo'oye da ivita da chec na nallec maye hua'auñi da qoỹanot namayepi, nache da lvilỹaxac ỹataqta ñi'i, nache 'eetega huo'o da lasouaxashet.

Romanos 14:3

Qalaxaye nam chec 'enauac nam huo'o, saishet qome da ỹo'otaatac na laỹepi maye lquia'axac de'era. Nache 'eeta'am nataqa'en nam nda'a't ana nañiguishe laue da chectac, namayepi saishet qome da quetapeguelec nam camachaqca ca chec, cha'aye Ñim Lo'onatac 'Enauacna, 'enauac da ỹaỹamaxareeta namayepi.

Isaías 5:21

¡Choxoraxaso' nam 'eetega ỹaanaxanaxaicpi, qataq nam 'eetega ỹaanataxanaxaicpi!

Apocalipsis 2:14

Qalaxaye Aỹem nache 'ena'am huo'o da sa saỹamaxaren da qoneta, cha'aye 'auaconeguet nam quetague' da qauem lataxac so Balaam. Cha'aye somaye ỹapaxaguenec co'ollaxa so Balac dam 'eetec naqa'en na Israel le'ecpi da yaqto' somayepi nache queto'ot da ỹo'ottac na qauem, qataq ỹayen da yaqto' somayepi chec nam mashe qoỹanot na ne'enaqtac nqui'ipi maye qanatameetacotpi qataq saq 'en, qataq da yaqto' sa ỹalaxaguet Ñim Lo'onatac 'Enauacna.

1 Corintios 8:4

Qaq da 'eetec nam nallec maye hua'auñi da qoỹanot na qanatameetacotpi ne'enaqtacpi maye saq 'en, qomi' saỹaanaqta da nam qanatameetacotpi maye saq 'en qaica ca lca'alaxa, cha'aye 'oonolec Ñim Lo'onatac 'Enauacna qaica ca lỹa.

1 Corintios 8:2

Da huo'o ca ipi'itaxaatega da qalota na ỹaỹaten, camaye ỹoqta 'eesa da qaica ca ỹaỹaten.

Romanos 15:14

Qami' ỹaqaỹarolqa maye qaua'amaqchiñiitac So Cristo, aỹem ỹoqta 'eesa ñaqa'en da ỹataqta qami' nlaqchiguilo da qarauotaxanaqtaiqui qataq da qarauattonaxanaxaqui, cha'aye ñi 'oonolec ỹaỹaten da huaqata ca lỹa.

Efesios 4:16

Qaq nacheso So Cristo som na'atta'a't naqa'en na 'amqaanataxanaxaicpi, qaq ỹoqo'oye ñi 'oonolec ne'ena na'atta'a'tpi ỹataqta cam lo'onataxanaxac, qataq 'enauac namayepi nacoota't yaqto' na 'amqaanataxanaxaicpi nquictasheguem da lañaxataxac qataq da la'añaxac souaxat da lsoxoyec.

1 Corintios 15:34

Ỹataqta qauennataxañiitelec ca qauo'oche, qataq saishet da sa qaualaqaiguet Ñim Lo'onatac 'Enauacna. Qaq nache sheetec de'era, yaqto' qami' huo'o da qara'aloqoi. Cha'aye huo'o da qoñiita na saishet da ỹauatton Ñim Lo'onatac 'Enauacna.

Hechos 15:29

Saishet qome da qolliqui na lapat cam mashe qoỹanot na ne'enaqtacpi maye qanatameetacotpi, qataq saishet da qolliqui na ntago'q, nache 'eeta'am na lapat na shiguiỹac maye choche ichegueuo na lqosot, qataq saishet da huo'o ca ncachetague' aca sa lhua. Qaq qom qaupaquiitelec da qauo'oche' ne'enaua, nache ỹo'ot da ỹataqta qauamaichiguiñi. Qauacoñiiguet qome da qarquinaxanaxac.»

Isaías 47:10

'Am qaica ca 'andaqtaique da 'auo'ottac da qauem, qataq qoneta' naxa: «Qaica ca aỹem ilotagui.» Dam 'araỹaanec qataq nam 'arauattonaxanaxacpi 'am ỹatenachet. Qaq dam pa'auo 'arhuennataxac, 'eeta': «Aỹem nachaqaỹemta nache qaica ca lỹa.»

Números 25:2

qaq asomayepi, nache ỹauec co'ollaxa se'eso ỹalleppi da ỹanot na lachetaqtaxanaxat so natamnaxala'pi asomayepi. Nache so Israel le'ecpi nhuanaua'a de'era nquia'axac, qataq natamnot na natamnaxala'pi so Moab le'ecpi,

1 Corintios 10:28

Qalaxaye da huo'o ca qami' da'aqtaxanema, 'eeta': «Ne'ena lapat, mashe qoỹanot na qanatameetacotpi maye saq 'en qataq choche ne'enaqtacpi,» nache saishet da qolliqui, yaqto' saishet da qauque'emaqchichi da lhuennataxac cam qami' da'aqtaxanema, cha'aye qami' qaica ca 'eetec da qolliqui qalaxaye cam qami' da'aqtaxanema maye ishet da ique'emaqchet da lhuennataxac.

Hechos 21:25

Qaq nam saishet da judiopi maye ỹa'amaqten So Jesús, qalaxaye mashe sauoqo'o co'ollaxa aso qorere da shenaqtega, da yaqto' saishet da taỹapegueua'a de'era qarataxac. Nachaqrata da namayepi saishet qome da chec na lapat nam mashe qoỹanot na ne'enaqtacpi maye qanatameetacotpi, qataq saishet da chec na ntago'q qataq na lapat ca choche ichegueuo na lqosot, qataq saishet qome da huo'o ca ncachetague' aca sa lhua.

Hechos 15:10

Qaq ỹoqo'oye nagui qami', ¿ta'ainco' ye qauauoitaique da qauataiỹa'aguet nam ỹo'otpi Ñim Lo'onatac 'Enauacna? Qataq ¿ta'ainco' da qauauoitaique da qoñiỹapega nam quetague' So Jesús da ỹalaxalec na namaxasoxonaxacpi, ye so hua'au qarta'alpi qataq qomi' sa seshetaq da salaxasoxolec?

Apocalipsis 2:20

Qalaxaye huo'o da sa saỹamaxaren da qoneta. Cha'aye 'am ỹataqta 'aua'aqta'a añi 'alo le'enaxat Jezabel da queto'ot da ỹatenachettac nam Aỹem quetague'. Aña'añi 'alo ỹa'axattac da 'eetega nacheñi Ñim Lo'onatac 'Enauacna da namaq añimaye, qataq da'aqtaxaateguem nam ỹo'onataxanaxanecpi da ishet da qanallec na mashe qoỹanot na ne'enaqtac nqui'ipi maye saq 'en, qataq ỹayen namayepi da yaqto' sa ỹalaxaguet Ñim Lo'onatac 'Enauacna.

Colosenses 2:18

Qaq ỹoqo'oye saishet da qauaqaita'a da huo'o ca qami' ỹaueegueta ca qarasouaxashechi, qataq ỹoqta ỹactec da saishet da qauqocheetega nam shiỹaxauapi maye ỹo'oxoreetac na namaxashec piguem le'ecpi qaltaq ne'enaqchingui da huesota da lataxac. Qataq 'eetega da huo'oi naua lauanaqcheco, qalaxaye choche datenataxaatac. Qataq naua lhuennataxaco ỹataqta nlaqchiguilo da ño'oxonnaxac, qalaxaye nachaqrata da iuennatega nam qauempi.

1 Corintios 14:20

Qami' ỹaqaỹañicpi, qoñiita'am qome ca nogotolec maye qaica ca lasouaxashet, qalaxaye saishet da qaue'enaxache da lhuennataxac. Nachaqrata da qaue'enaxache da lhuennataxac ca shiỹaxaua ỹe.

1 Corintios 5:6

Qami' sa ỹaỹamaxañi da qaño'oxoreñiitapigui de'era. ¿Sa qauaỹaañiỹo' naxa da na'aqtac maye 'eeta': «Aca saq 'amaqtaq lalecte ana nauole ishet da ỹasheeraxachigui 'enauac ca ndaqñiguishec 'ayiiña»?

1 Corintios 5:2

¡Qalaq qami' ñaq 'eetalec da qaño'oxoreñiitai'! ¡Qamaq ishettaxa da ỹataqta qauaquicoita! Qataq qanqacheeguesoptaxa na 'amqaanataxanaxaicpi ñi'iñi ỹale.

1 Corintios 4:18

Huo'o na na'amaqteetai' da qoñiita, cha'aye ipettega da saishet da qami' she'eguelaxalo.

1 Corintios 4:10

Qaq qomi' souaxat da salaxasoxoguet So Cristo, nache na shiỹaxauapi qomi' ỹamata'aque da qaica ca saỹaanaqpec, qalaxaye qami' chegoqchigui da lqouagaxanaqtaic So Cristo, nache qami' qaỹamata'aque da qami' ỹaanaxanaxaiqa. Qomi' qaica ca qara'añaxac, qami' qalaq qami', 'añaxaiqa. Na shiỹaxauapi qomi' no'otanguilo, qaq qami' qalaq ỹataqta huo'o naq 'enec qanqa'en.

1 Corintios 1:5

Qataq nataqa'en chegoqchigui Somaye da Ñim Lo'onatac 'Enauacna qami' ỹanema da saqcha'a nsallaxa, qaq nachera da qara'aqtaxanaxaqui qataq da qarauattonaxanaxaqui,

Romanos 14:22

Cam ỹataqta qauaỹamaxayiñiita maye lataxac qanqa'eñi de'era, damaye 'eeta'am da nacheñi Ñim Lo'onatac 'Enauacna qataq qami' da qanasachiigui. ¡Ỹataqta machiguiñi cam nomta da huesochiguiñi da huo'o cam ỹo'ot qataq saishet da qauem ca lhuennataxac da ime da ỹo'ot!

Romanos 14:14

So Qarataxala' Jesús aỹem ỹapaxaguen da qaica ca nallec da qauem. Qalaxaye da huo'o ca ipettega da huo'o ca nallec maye saishet da ishet da qanallec, nache no'on da saishet da chec.

Romanos 14:10

Qaq ỹoqo'oye saishet da qoquiiteguelec na laỹepi qara'amqaanataxanaxauaipi qataq saishet da qauo'otañi, cha'aye 'enauac da shenaqta qome qomi' nmi't Ñim Lo'onatac 'Enauacna.

Romanos 12:16

Qataq saishet da huo'o ca ỹoqtapegueuga da qoñiita. Qataq saishet da qami' ño'oxonnaxaiqa. Nachaqrata da qoñiita'am na shiỹaxauapi maye qaica ca la'amaqchec. Qataq saishet da qaupi'itaxañiitega da qanapacỹalec na laỹepi shiỹaxauapi da qoñiitega qami' ỹaanaxanaxaiqa.

Romanos 11:25

Qami' ỹaqaỹa't, maye qaua'amaqchiñiitac So Cristo, ỹataqta qalota nam saxanaxa da qauaỹaañi. Ỹoqo'oye sauotaique da qami' sa'aqtaxanema dam saqcha'a 'eetapeguec Ñim Lo'onatac 'Enauacna. Huo'o nam judiopi nam ivitta'a da ỹataqta qaramchigui qataq sa ỹaỹamaxaren da ỹa'amaqten So Jesucristo. Qalaxaye namayepi, nache 'eetec de'era da lataxac choche ivitta'a da nam saishet da judiopi ỹalegoigui namayepi.

Romanos 14:19

Qaq ỹoqo'oye ñi 'oonolec da shenaqta souaqtaigui qome da nlagaxayec, qataq ñetaunaxa't, da yaqto' nquictasheguem dam dalaxaic achaalataxac maye qomi' ỹanema So Cristo.

1 Corintios 4:6

Saloqnaxaatapigui so Apolo qataq aỹem, yaqto' qami' ishet da qauachegoqoichigui da shenaqta da qauaỹaañi da naigui da na'aqtac naxa maye 'eeta': Saishet da qanapacỹapeguelec dam nanettalec ana nere, maye huetalec na la'aqtacpi Ñim Lo'onatac 'Enauacna. Yaqto' qaica ca ipettega da ca lo'onataxanaxanec Ñimaye napacalec da la'amaqchec ca lỹa.

1 Corintios 10:15

Aỹem saỹaten da qami' ỹaanaxanaxaiqa, qaq ỹoqo'oye saỹaten da aỹem qauaỹaañiteguet.