1 Corintios 7:2 - La'aqtaqa Ñim Lo'onatac 'Enauacna 2013

² Qaq damaye ỹaỹamaqchiguiñi. Qalaxaye da iuennataxac 'onaxaic da ca ỹale ỹauo'o aca lalamaqte lhua, qataq aca 'alo ỹauo'o ca ỹataqta lalamaxat lhua, yaqto' saishet da nqaañi da quisheguetaxac maye sa qaishetapec.

Nuevo Testamento Toba Sur

² Qalaxayi souaxat da huo'o na quetaigui da lquishiguetaxac, qaq no'on ca 'oonolec shiÿaxaua da ÿauo'o aca lalamaqte lhua, qataq aca 'alo ÿauo'o ca lalamaxat lhua.

Nuevo Testamento Toba Sombrero Negro

² Qalaĝaja, queda'me 'uo da'me nequejeguetaĝa, qama'le 'noota ta'le onolqa'tape uo'oe naa'me loua', nataq'aen onole'tape yauo uo'oe gaa'me mach'e loua'.

1 Corintios 7:2 Referans Kwoze

Efesios 5:28

Ca ỹale mashe huaron, ỹataqta ỹauotec aca lhua, 'eeta'am da lauotaxanaqtaic da lalamaxat lo'ocỹaxac. Qaq ca ỹauotec aca lhua, camaye 'eeta'am da lauotaxanaqtaic da maiche lo'ocỹaxac.

Efesios 5:33

Qaq ỹoqo'oye ñi 'oonolec da qoñiita ỹataqta ỹauotec aca lhua, 'eeta'am da lauotaxanaqtaic da maiche nachaalataxac. Qaq aca 'alo ỹataqta huo'o naq 'enec naqa'en ca lhua.

1 Corintios 7:9

Qalaxaye da saishet da nalo'oguet da lapaxaỹaxa, qaq 'onaxaic da ỹataqta huaron, cha'aye ỹaỹamaqchiguiñi da huaron, saq 'ena'am da choche dapaqtac.

Proverbios 18:22

Ca ỹanata aca lhua qalaq ỹanata da lamaicỹaxac, qataq ỹaconeguet da lqouagaxanaqtaic Ñim Lo'onatac 'Enauacna.

1 Corintios 6:18

Ỹoqo'oye saishet da qoquiitaigui da qarquisheguetaxaqui. Na laỹepi sa ỹaỹamaxañi maye ishet da ỹo'ot ca shiỹaxaua, namayepi saishet da na'aqchet da lo'ocỹaxac. Qalaxaye cam quetaigui da lquisheguetaxac, camaye maiche na'aqchet da lalamaxat lo'ocỹaxac.

1 Timoteo 4:3

Ne'ena shiỹaxauapi sa ỹashen da naronaxac, qataq huo'o na nallecpi na sa ỹashen da qanallec, maye Ñim Lo'onatac 'Enauacna ỹo'ot co'ollaxa namayepi da yaqto' na 'amqaanataxanaxaicpi qataq na ỹauatton da 'eesa lataxac, ishet da chec qalaq ỹaatac da na'achecỹaxac.

Malaquías 2:14

Qaq ñaq 'eetalec da qanataxañeetac da ta'ainec de'era. Cha'aye Ñim Nataxala' nacheñi ñim 'am ỹauaachigui da sa 'aupaguelec so 'ara'aqtac maye 'aỹa'anem asom 'alo maye 'auaroneguet co'ollaq ñaq 'am nsoqolec. ¡Qaq asomaye nachaso asom 'artaua co'ollaxa, qataq 'aỹa'anem so 'ara'aqtac da saishet da 'aualat!

Proverbios 19:14

Caua nta'al chegoqchiguilo da qaỹaconeguet ca nỹec qataq da nsallaxa, Qaq Ñim Nataxala' qalaq chegoqo'ot aca 'alo sanqalat.

Mateo 5:32

Qalaxaye nagui Aỹem shenapec da ca ỹale ishet da ỹalat aca lhua da huo'otaq huasoilec da lauatapiguiñi' ca lỹa ỹale. Qaq da huo'otaq ỹalat aca lhua da souaxat ca lỹa lataxac, nache camaye nataqa'en huetaigui da lchec da ishet da ỹo'ot que'eca nasouaxashet. Qaq aca'aca 'alo da ỹe'eguelaxalec da huaron, nache acamaye qataq cam dalaxaic lhua qaỹamata'ac da quisheguetaxaiqa.

1 Corintios 7:1

Aso qara'aqtaqui lmalate maye saconeguet qalaq qami', aỹem qaunacheetac da ỹaỹamaqchiguiñi da na shiỹaxauapi saishet da huaron.

1 Corintios 7:3

Qaq ca ỹale maye mashe huaron ỹataqta iloteguet aca lhua. Nache 'ena'am aca 'alo ỹataqta iloteguet ca lhua.

1 Ts 4:4

Qaq ñi 'oonolec da qoñiita iuen da ỹaỹateeta da ỹauo'o aca ỹataqta lhua, qataq huo'o naq 'enec naqa'en acamaye.

Jueces 21:22

Qaq da huo'otaq anac ca lta'alpi qataq ca lqaỹañecpi da qomi' icogaxana'ape souaxat que'eca qa'ampi, nache qomi' shenaqapega qome da qami' ichoxore'n, cha'aye qomi' saishet da sanataxa acam laỹepi 'alpi da yaqto' qaica ca ichiỹauga namayepi. Namayepi ỹo'ot de'era cha'aye co'ollaq seloquiaqtague' so lma' ye Jabés, nache saishet da sachoxoñi so 'alpi da yaqto' imauec da huaroneguet ñaqa'enaq namayepi. Nache saishet da huo'o ca qarasouaxashichi, cha'aye saishet da nache qami' da qa'añiiuec anamayepi.