1 Corintios 5:3 - La'aqtaqa Ñim Lo'onatac 'Enauacna 2013

^3-4 Aỹem na'aictaxa da aỹem qaỹoqta qalaq, nache 'eetai' da sa samagueñi naxa da qami' seuennategalo. Qaq ỹoqo'oye da ivita da qalapoñiỹa't, qalaq 'eeta'am qanqa'eñi da qami' soota'agueta qataq qauennachiỹa'a qome da mashe qami' hueto'oto da na'añaxac maye qami' ỹanema So Qarataxala' Jesús. Qaq ỹoqo'oye chegoqchigui ñaqa'en da le'enaxat So Qarataxala' Jesucristo da qami' shenapegalo da ñi'iñi ỹale huo'o da lasouaxashet,

Nuevo Testamento Toba Sur

³ Nai'ctaxa da sa ishit da yi'oqchigui da qami' ñachattaiguilo, qalaxayi da iqui'iÿaxac mashi sogote da qami' hueta'agueta. Qaq mashi sogote da ñimattague' da iuennataxac da 'en'am da mashi qaÿamaqhuec que'eca shiÿaxaua mayi i'ot de'eda lta'adaic sa ÿaÿamaxañi, 'eeta'am da mashi qami' soota'agueta.

Nuevo Testamento Toba Sombrero Negro

³ Jayem mate mane'e qaya'a, ja ami 'te qoyoqo'talo, qalaĝaja nach'e eta't ami jenate'talo. Chane'eja joote jemaĝaguet ga'me jo'ne naq'aeta da'me 'yetetac, ena'am ta'le joote ami jouetauelo.

1 Corintios 5:3 Referans Kwoze

Colosenses 2:5

Cha'aye aỹem, na'aictaxa da saishet da yo'oqchigui da qami' salectaiguilo, qalaxaye, nache 'eetai' da qami' seuennategalo qataq ỹo'ot da ñetonaxac da qami' saỹate'n da ỹaỹamaqchiguiñi da qarataxaqui, qataq qoquiito'ot da qarpi'iỹaxaqui So Cristo.

1 Ts 2:17

Qami' qarqaỹa't, se'eso na'a'q co'ollaq qami' sachegoxosoqtegueta qaq co'ollaq qaỹata'ague da sa qami' ñauanaxato qalaq, nache 'eetai' da qami' seuennaqtegalo souaxat da qarauoche da qoñiita. Huaña, nache ỹataqta huo'o da qaryaxa da qaltaq qami' ñauanaxato.

2 Corintios 13:2

Co'ollaq mashe dos da she'eguelaxalec da qami' ñamaqtegalo, nache qami' secoyegueete' da nam huo'o ca lasouaxashet aỹem ỹataqta ña'axannec da shenapega, semata'aguet nam taỹa'a nataqa'en da ỹo'ot de'era ñe'etaxaloxo. Qaq nagui da aỹem qaỹoqta, nache qaltaq she'eguelaxaalec de'era.

2 Corintios 10:11

Qalaxaye que'eca shiỹaxauapi maye 'enapec de'era, camayepi no'on da ỹaỹateeta nataqa'en da qom qami' ñeqo'onalo, nache sachetac da ỹa'añaxac 'eeta'am da ỹa'añaxac da setaqtac da samaq ana ỹere da aỹem qaỹoqta.

2 Corintios 10:1

Aỹem qoỹeetegacnaxa da qaica ca ỹa'amaqchec da qami' sootaiguilo, qalaxaye naxa da aỹem qaỹoqta, qalaq ỹataqta saq llivigui ye iuel. Qaq aỹem qami' ñachoxonnoiguilo chegoqchigui da lsoxosoxonaxac qataq da lauotaxanaqtaic So Cristo, da qom qami' sevitalo, qalaq saishet da aỹem qauamaqỹalec, da yaqto' sa sareno'ot da shenapega nam qomi' quetapegueleguete, cha'aye namayepi 'eetega da so'otaqtac damaye, cha'aye huo'o cam yo'oqchigui ñaquitaqtaique, shenaqta'am nam laỹepi shiỹaxauapi maye huetalec ana 'alhua.

1 Corintios 5:12

Aỹem saishet da sa'aualec da ñimit ca saxanaxa da da'amqaanataxan. Ñim Lo'onatac 'Enauacna maye nmit qome namayepi. Qalaxaye qami' maye iuen da qanmichi na 'amqaanataxanaxaicpi qaupaquiitelec dam nanettalec ana nere maye huetalec na la'aqtacpi Ñim Lo'onatac 'Enauacna maye 'eeta': «Qanqacheeuec que'eca qami' huetanguilo 'etaxaloxoic.»