1 Corintios 4:9 - La'aqtaqa Ñim Lo'onatac 'Enauacna 2013

⁹ Qalaxaye qomi' maye qomi' namaxa'she, Ñim Lo'onatac 'Enauacna 'eeta'am da qomi' ipa'axaatre'c. Shenaqta'am ca ncoñeteguishec maye taỹa'a da qaỹalauat, souaxat ca lasouaxashet. Seviraqta'aguet da qomi' imeteeta'ape na shiỹaxauapi qataq 'enauac na chegaqasheguem lamaxashecpi Ñim Lo'onatac 'Enauacna.

Nuevo Testamento Toba Sur

⁹ Cha'ayi yi'oqta da ñi Dios ipa'axaatreec qomi' mayi qomi' Jesús lamaxa'shi da saqca ca qad'amaqchic. Shinaqta'am ca shiÿaxaua mayi taÿa'a da qaÿalauat souaxat da lasouaxashit. Sovidaqta'aguet da qomi' i'aalaque da qomi' imete'n 'enauac na chigaqshiguem Dios lamaxashicpi qataq 'enauac na shiÿaxauapi.

Nuevo Testamento Toba Sombrero Negro

⁹ Qa'a ñe'me Dios qo'mi yeloĝonaĝateda'a ga'me p'ategue, qo'mi jo'ne lamaĝa's ñe'me Cristo, qalaĝaja ena'am ta'le qo'mi qoyepolegueta da'me neleuaĝa, qaedi ena'uaque qo'mi qoyec'ate'n, jogaa'me piyem laje' nataq'aen joga'me jiyaĝadipi 'me aleua laje'pi.

1 Corintios 4:9 Referans Kwoze

Hebreos 10:33

Qalota da qoñiita na ivireguet da qaisheueetac qataq sa qaiyacnapec, ỹauaachigui qanqa'en na shiỹaxauapi. Qataq huo'o nataqa'en co'ollaxa da qoñiita na nhuanaua'a da nque'eenaxac nam nache 'eetec de'era da nque'eenaxac.

Romanos 8:36

Da 'enapec ana nere maye huetalec na la'aqtacpi Ñim Lo'onatac 'Enauacna, 'eeta': «'Am sasouaxalec da imauec ye na'a'q da qomi' qaỹauecta'alo da qarleuaxa; 'eeta'ama qanqa'en qomi' aca qagueta da qaỹauectaua'a ca nalaataqa'.»

Hebreos 1:14

Cha'aye na namaxashecpi piguem le'ecpi, namayepi choche saqcha'a na'añaxacpi maye do'onataxaatacot Ñim Lo'onatac 'Enauacna. Qataq Ñimaye ỹamaxa namayepi da itauan 'enauac nam shiỹaxauapi maye taỹa'a da nca'alaxatec Ñimaye.

Hebreos 11:36

Qalota so shiỹaxauapi ỹe'eetac somayepi, qataq sa iyacnapec qataq iviraxata'a da ỹanaigui ana ncoñetaxanaxaquipi.

1 Ts 3:3

yaqto' qaica ca 'oonolec da qoñiita da nañaxanapiguiñi da lpi'iỹaxac souaxat da que'eenaxac. Cha'aye qami' mashe qauaỹaañita da, nache qoyecỹaxac da ñeque'etaxanaxagui ne'ena que'eenaxaguesat.

2 Corintios 6:9

Qataq huo'o da qoỹeetega qomi' sa qaỹauatto'n, na'aictaxa da ỹataqta qomi' nauattonataqa. Qataq huo'o da souaqaigui da lchec da nleuaxa, qalaxaye ñaqaiyeta ña ñeca'alaqtauec. Huo'o da qomi' qaiuaxaata'ape, qalaxaye saishet da qomi' qaỹalaua't.

Hechos 19:31

Nataqa'en huo'o na 'amaqtaqaicpi maye lma' yi'iye nam nauattonaxauapi somaye, nam namaxa da la'aqtac da yaqto' saishet da pa'aua'a so shiỹaxauapi.

Hechos 19:29

Nache ỹataqta huo'o da la'axa 'enauac so shiỹaxauapi maye hueta'a se'eso nỹecpi. Nache huo'oi soua je'c da ỹaconeua'alo so Gayo qataq so Aristarco maye maiche lỹa't so Pablo chegoqra'ague da 'alhua Macedonia, nache qaỹaueguereua'a cam nỹec maye huaña naxa da qaỹo'ot na ntaxaỹaxac.

Salmos 44:22

Qalaxaye souaxat da qoneta nache qomi' qaỹauecta'alo da qarleuaxa, shenaqta'am aca qagueta da qaỹauecta'a ca nalaataqa'.

Salmos 71:7

Qaq ỹataqta qalota co'ollaxa na aỹem ỹa'aalac, qalaxaye 'am maye nache 'am ỹe'eguenaxala'.

Jeremías 20:18

¿Ta'ainco' da sañiguiñi co'ollaxa da yaqto' nacherata da semeteetac da qui'ic qataq da naquicoxo, qataq da yaqto' imeuo da ñachaalataxac qalaq nlaqchigui da ỹa'agaxa?

1 Corintios 15:19

Da qanaquitaxac So Cristo da nda'a't da talec nagui da ñaq ñachaataqtac, nache saishet da huo'o ca 'ena'ama qomi' da qarachoxoyec.

2 Corintios 11:23

¿Namayepi peta'a lamaxashecpi So Cristo? Qaq da nache 'eetec, nache aỹem ỹactec da ñapactelec namayepi, qaq na'aictaxa da 'eco' huo'o da aỹoic da shenapec de'era. Qalaxaye aỹem ỹactec da ỹo'onataxanaxac, saq 'ena'am namayepi. Ỹactec da ñeuaxanaguec, qataq ỹactec da ñecoñetaguec. Qalota da sootaigui da lchec da nleuaxa.