1 Corintios 4:4 - La'aqtaqa Ñim Lo'onatac 'Enauacna 2013

⁴ Aỹem saishet da ñetoonec da huo'o ca so'ot sa ỹaỹamaxañi, qalaxaye damaye saishet da naigui da ỹoqta 'eesa da aỹem huesochiguiñi da qaica ca ỹasouaxashet. Ñim Lo'onatac 'Enauacna maye nachaqñita hueto'ot da la'añaxac da aỹem nmit.

Nuevo Testamento Toba Sur

⁴ 'Eesa da ñitounaxac da sa ishit da yi'aloqchittac, qalaxayi sa ishit da sa'aualec da shinapec da saqca ca ÿasouaxashit. Cha'ayi so qadataxala' Jesús mayi nachiso so aÿim nmit qome.

Nuevo Testamento Toba Sombrero Negro

⁴ qa'a da'me yelnataĝac queda'me qaya'te ja no'en ta'le ja'uo. Qalaĝaja ja naqaeda ta'le male chiyaqayi da'me jayem qoyen yataqatelegue, dite ñe'me Jaliaĝanec nach'eñe 'me jayem naloqoten.

1 Corintios 4:4 Referans Kwoze

Salmos 143:2

Saishet qome da 'anmittac ne'ena 'aramaxashec, cha'aye qaica ca 'enapec qaica ca ỹasouaxat da 'am datato'ot.

Salmos 130:3

'Am Nataxala', taxa da 'aulotagui na nasouaxashetpi, nache ¿negue'tom ca ishet da 'am nachatto'ot?

2 Corintios 1:12

Qomi' ỹa'añaqche't da saỹaanaq da ỹaỹamaqchiguiñi da qarataxac, qataq ỹataqta qomi' 'eesora nagui da souaqta'aguet 'enauac na shiỹaxauapi, qataq ỹactec naxa da qami' souaqta'agueta. Qaq de'era saishet da so'otaq da seca'ataqtague' da maiche qaraỹaanec, nachaqrata da ltaunaxanaxac Ñim Lo'onatac 'Enauacna, qataq sanaqtac da qana'achecỹaxac souaxat da lta'araic lsoxoyec.

Proverbios 21:2

Ca shiỹaxaua 'eeta'am da ỹaỹamaqchiguiñi naqa'en 'enauac nam ỹo'otpi, qalaxaye Ñim Nataxala', nacheñi ñi nmit na 'eetapeguecpi camaye.

Salmos 19:12

¿Negue't ca ishet da ila'a ca maiche lalamaxat lsomaxac? Ỹoqo'oye aỹem 'auchoxoren qome, 'am Ỹataxala', souaxat na ỹasouaxashetpi maye saqcha'a.

2 Corintios 5:10

Cha'aye 'enauac qome qomi' ñachaataxaua'a So Cristo, cha'aye nacheso so nmit cam qaro'onataxanaxac co'ollaxa da ña ñachaataqtaigui da qaro'ocỹaxac, qataq nacheso som chegoqtot ca la'aqtac da qomi' qoỹanema ca no'on qaraueguec, huo'otaq ca qanhuaxanaguec.

1 Corintios 4:5

Qaq ỹoqo'oye qami', saishet da qaua'aviỹalec da qanmichi ca qarỹai, nato' qom ñe'eguelaq So Jesucristo. Qaq qom ñe'eguelaq Somaye, nache ỹachaxan nam saqcha'a qataq nam iuennatega ñi 'oonolec. Nache Ñim Lo'onatac 'Enauacna ỹo'oxoren ñi 'oonolec, chegoqchigui cam ỹo'ot.

Da na'aqtaguec so Job 40:4

«¿Hua'ago' ca sheetec ca ỹa'aqtac aỹem? Ye ỹataqta qaica ca ỹa'amaqchec. 'Onaxaico' da choche ñe'emaxat.

Da na'aqtaguec so Job 27:6

Qaq nache shecto'ot qome da shenapec no'on da ỹataxac, saishet da ñañan, cha'aye da ñaq ñeca'altauec, nache da ivilỹaxac saishet da aỹem ỹa'aloqchettac.

Da na'aqtaguec so Job 25:4

Qaq ¿peta'a huo'o ca choche shiỹaxaua, da 'enapec no'on da lataxac, qataq qaica ca ỹasouaxat da ỹauaachigui Ñim Lo'onatac 'Enauacna?

Hechos 23:1

Nache so Pablo co'ollaq ỹamataigui so nta'alpi maye loicnatac na lataxaguesat. Nache 'enapeco': –Qami' Israel le'ecpi, aỹem ỹataqta ỹe'emaqtac da ivilỹaxac, cha'aye choche ivitta'a nagui da ỹataqta salaxaguet 'enauac Ñim Lo'onatac 'Enauacna.

Juan 21:17

Nache qaltaq ỹe'eguelaxalec da inat, 'eeta': –'Am Simón maye 'am llalec so Jonás, ¿peta'a 'eesa da Aỹem 'auauotec? Nache so Pedro ỹataqta naquicochiguiñi, souaxat da mashe ivi' tres da ỹe'eguelaxalec da qainat da 'eesa da huo'o da lauotaxanaqtaic. Nache somaye 'enapeco': –'Am Ỹataxala', 'am 'auaỹaten mque' 'enauac da ỹataxac, qataq 'auaỹateeta da ỹataqta 'am sauotec. Nache So Jesús 'enapego' somaye, 'eeta': –'Aulo'ogue qone' ana ilopi qagueta.

Da na'aqtaguec so Job 15:14

Qaica ca naigui ca shiỹaxaua maye chegaqaigui aca 'alo da 'eetega qui'itta da lataxac, qataq da 'eetega qaica ca lasouaxashet.

Da na'aqtaguec so Job 9:20

Qaq na'aictoxo' da qaica ca ỹasouaxashet, qalaxaye naua ỹa'aqtaqa nachenaua naua aỹem ỹasouaxa't. Qataq na'aictoxo' da no'on da ỹataxac, qalaxaye Ñimaye nache 'ena'am huo'o naqa'en ca ỹasouaxashet,

Romanos 4:2

Da Ñim Lo'onatac 'Enauacna taxa da ỹaỹamaxareeta somaye souaxat nam ỹo'otpi, nache somayectaxa ỹataqta huo'o da ño'oxonnaxac. Qalaxaye da nachaatot Ñim Lo'onatac 'Enauacna, nache saishet da huo'o ca na'amqaanaxac.

Salmos 50:6

Nache na piguem ỹa'axat qome da Ñim Lo'onatac 'Enauacna, nacheñi ñi nmit 'enauacna.

Salmos 26:12

Naua ỹapia'ate qalaq ỹaỹamaqchiguiñi da lapiaxa'c. Ỹoqo'oye sho'oxoren Ñim Nataxala' da salectaigui cam qalota shiỹaxauapi.

Proverbios 29:26

Qalota na nmitta'ai da lqouagaxanaqtaic ca nta'a, qalaxaye nacheñita Ñim Nataxala' maye ỹan ca nalochiguiñi lataxac.

1 Corintios 4:3

Aỹem saishet da huo'o ca iuogoxo da aỹem qanmichi, huo'otaq da aỹem qaỹataxanot ca yo'oqchigui nta'a da aỹem nmit. Nache 'ena'am aỹem saishet da sa'aualec da ñimitteguela't.