1 Corintios 4:2 - La'aqtaqa Ñim Lo'onatac 'Enauacna 2013

² Qaq cam huo'o ca qaipataxalec no'onataxanaxac camaye iuen da ỹataqta npe'et.

Nuevo Testamento Toba Sur

² Qaq ÿoqo'oyi cam huo'o ca qaipataxalec iuen da ÿataqta npe'et.

Nuevo Testamento Toba Sombrero Negro

² Qa'a ga'me jo'ne yaconeguet da'me 'nelopaguec, 'noota ta'le yaloĝon queda'me eja nalo'taguet da'me yataqachiñe ye'et joga'me.

1 Corintios 4:2 Referans Kwoze

Mateo 25:21

Nache so ỹale 'enapeco': «¡Ỹataqta 'am ỹo'oxoraq! Cha'aye 'am no'on namaxashec, qataq ishet da 'am qaipi'iỹa'a. Cha'aye 'am ỹataqta 'antela'a som saq 'amaqtaq maye 'am sami', qaq nagui aỹem 'am sepataxalec cam ỹactec da llo'oxoyec. Qaq nagui, nache no'on da sauoqo'o ca qayo'oxonnataxanaxac.»

Lucas 12:42

Nache So Qarataxala' ỹasateguet somaye 'eeta': –¿Chaq negue't cam namaxashec maye ỹataqta ỹalaq qataq nlotec? Qomye, nacheca cam namaxashec maye ca na'aco' ipataxalec da ilo'ogue ca lma' qataq caua llalqa, qataq iqataxanai' ca nallec.

Mateo 25:23

Nache se'eso ỹale 'enapeco': «¡Ỹataqta 'am ỹo'oxoraq! Cha'aye 'am no'on namaxashec, qataq ishet da 'am qaipi'iỹa'a. Cha'aye 'am ỹataqta 'antela'a som saq 'amaqtaq maye 'am sami', qaq nagui aỹem 'am sepataxalec cam ỹactec da llo'oxoyec. Qaq nagui, nache no'on da sauoqo'o ca qayo'oxonnataxanaxac.»

Proverbios 13:17

Ca na'aqtaxanaxanec qauemaic ỹo'ot na cotaxacpi, qaq ca no'on na'aqtaxanaxanec qalaq ỹo'ot da nlagaxayec.

Números 12:7

qalaxaye da ỹamaxashec Moisés, qalaq saishet da nache 'eetec de'era ñaqa'en. Cha'aye damaye nacherata ipe'et, qaica ca 'ena'am da ỹalectaigui na ỹalamaxatpi nhuo' le'ecpi,

Colosenses 4:17

Nataqa'en qoñiỹapega qome ca Arquipo, qoñiita': «Ỹataqta 'auaỹamaxatchiguiñi qome da 'aro'onataxanaxac maye 'am ipataxalec So Qarataxala'.»

2 Corintios 2:17

Qalaxaye qomi' saishet da 'eco' qomi' nmenaxaiqa da semenaqta'ape naua la'aqtaqa Ñim Lo'onatac 'Enauacna, da huo'otaq shenaqta'am nam qalota maye ỹashaxaare'c naua na'aqtaqa. Nachaqrata da ỹataqta qomi' 'eesora da sa'aqtaxanaqtac, qaq qomi' ỹaỹate'n Ñim Lo'onatac 'Enauacna, cha'aye maiche qomi' lamaxa'she qataq ña'araqtaua'a So Cristo.

Colosenses 1:7

Qaq damaye qami' ỹapaxagueneque so Epafras, som qanauochaxaua qaltaq qaro'onataxanaxaua de'era qaro'onataxanaxac, som ỹataqta ipaqueelec da lasataxac da do'onataxan souaxat da lauoche So Cristo.

1 Corintios 7:25

Qaq ana pa'ai qataq ana saxanaxa da huaron, aỹem qaica ca iqataxac chegoqo'ot So Qarataxala' da sanem. Qalaxaye sami' da iuennataxac, qaq ishet da aỹem qaipi'iỹa'a souaxat da lqouagaxanaqtaic Ñim Lo'onatac 'Enauacna maye aỹem huetalec.

2 Corintios 4:2

Saishet da huo'o ca qomi' ỹa'aloqche't, qataq saishet da huo'o ca soxotaqtañi. Saishet da satenachetaqtac na shiỹaxauapi qataq saishet da ñaralaxataq da la'aqtaxanaxac Ñim Lo'onatac 'Enauacna. Nachaqrata da Ñim Lo'onatac 'Enauacna qomi' ỹaỹateete' da qara'aqtaxanaxac da ỹataqta 'eesa. Ỹoqo'oye 'enauac na shiỹaxauapi ishet da pi'iỹa'alo qomi'.

Colosenses 4:7

Qaq ñim qanauochaxaua qarqaỹa Tíquico maye ỹataqta qarpe'et qataq qaro'onataxanaxaua da so'onataxanaqot So Qarataxala', ñimaye qami' ỹa'axatema ca qara'axaỹaxaqui da sheeta. Ñimaye nache 'eetai' naxa da aỹem itauaatac da so'onataxanaqtacot So Qarataxala'.

1 Corintios 4:17

Qaq qami' samaxalo so Timoteo maye ỹauotaxat 'eeta'am ca ỹalec, cha'aye somaye ỹataqta ỹalaxaguet So Qarataxala'. Qaq ỹoqo'oye ỹataqta ipe'et somaye. Qaq somaye qome qami' iuennataxanaxaneque nam ỹapaxaguenataxanaxacpi maye na'aqtaguec So Cristo dam sapaxagueetapeguec 'enauac nam hueta'a na 'amqaanataxanaxaicpi.

2 Reyes 12:15

Qaq se'eso shiỹaxauapi maye qoỹanem naxa asa'aso anom da yaqto' isheeten so 'onataxanaxaicpi, saishet da qaichemaxattac, cha'aye somayepi ỹataqta no'on da lataxac.

2 Reyes 22:7

Qalaxaye nataqa'en qonapega qome da saishet da ichemaxattac cam ilotague' ca 'onataxanaxaicpi, maye qoỹanem aca'aca anom, cha'aye camayepi ỹataqta no'on da lataxac.»

1 Corintios 4:1

Qami' iuen da qomi' qauamachiỹa'aque da choche qomi' lo'onataxanaxanaqa So Cristo, qomi' ipataxaleguete da sapaxaguenataxanaxac dam 'eetapeguec Ñim Lo'onatac 'Enauacna maye saqcha'a co'ollaxa.

1 Corintios 4:3

Aỹem saishet da huo'o ca iuogoxo da aỹem qanmichi, huo'otaq da aỹem qaỹataxanot ca yo'oqchigui nta'a da aỹem nmit. Nache 'ena'am aỹem saishet da sa'aualec da ñimitteguela't.