1 Corintios 3:3 - La'aqtaqa Ñim Lo'onatac 'Enauacna 2013

³ cha'aye ñaq 'eetalec da qoquiitaigui da qarapachiỹaxaqui. Ỹoqo'oye ña qannoita'a't, qataq qancotaitega't. Qaq 'era da qoñiitec da qaỹaỹaten da saishet da qoquiitaigui da lataxac So Saqcha'a La'añaxac Ñim Lo'onatac 'Enauacna, qataq qoñiita'am da lataxac ca shiỹaxaua maye ca'attague' ca 'eetapeguec da lapacheỹaxac.

Nuevo Testamento Toba Sur

³ cha'ayi ñaq 'eetalec da qoquiitaigui da qadapachiyaxaqui. Cha'ayi da ña qannoita'a't, qataq qancotaitega't, qataq qaucolaqaitagui, qaq yi'oqta da qami' ña qoquiitaigui da qadapachiyaxaqui, qaq qoñiita'am da n'onataxac 'enauac na shiÿaxauapi.

Nuevo Testamento Toba Sombrero Negro

³ qa'a maliaĝa oquitapegue'to jodaa'me anejiyaĝauayaĝaqui lamaico. Ami p'aguenataĝanaĝayaqa nataq'aen mach'e ami da'me auapichitapega't, chane'eja nach'eda di'yoq q'aen queda'me maliaĝa oquitapegue'to da'me anejiyaĝauayaĝaco lamaico. ¿Qo'li ja naq'aeta?

1 Corintios 3:3 Referans Kwoze

Santiago 3:16

Qaq ỹoqo'oye chegaqaigui da nca'alaxanaxac qataq da loquiaxac qataq 'enauac nam ỹotta'a't sa ỹaỹamaxañisat.

Tito 3:3

Cha'aye nataqa'en qomi' co'ollaxa soua hua'au' na'axa'te, qomi' qaica ca saỹaanaqpec qataq qomi' qauemaiqa, sesomaqtac qataq qomi' l-lataqa na ỹotta'a't qarqopitaxanaqtaicpi. Souaqtaigui na qauemsat qataq da nquiỹaxanaqtaic qataq seviraqta'a da ñepa'aguenaqta'a't.

Gálatas 5:15

Qalaxaye huo'o da ivitaxa da qami' qauloquiitega't qataq qanque'emaxachiỹa'a't, nache qami' 'eeta'am da maiche qanlaxacheetapeguela't.

2 Corintios 12:20

Cha'aye aỹem huo'o da icolanaxa da huo'otaq ivita da qami' ñeqo'onalo, qaq saiuena'a, da huo'otaq qami' selaleguete da qampi'iñeeguet da tatapigui ye iuel qom qami' ñauaneto, qataq saiuena'a da qami' nataqa'en saishet da tachigui cam tatapigui ye qarvilli da aỹem qanauañi'. Cha'aye aỹem huo'o da icolanaxa da huo'otaq qami' ñatenaleguete da qancotaitega't, qanquiỹaita'a't huo'otaq ñi 'oonolec dalematatega ca lỹa souaxat da mataxalaic, ỹa'axat ca saq 'en, quetapeguelec ca lỹa, quetague' da ño'oxonnaxac, qataq huo'o na choche lliỹa't naqa'en na laỹepi.

1 Corintios 11:18

Qaq sa'auaxaachiguiñi de'era, cha'aye aỹem qaỹa'aqtaxaateguem naxa da ivita da qalapoñiỹa't da qauo'onaxañi, nache saishet da qanhuooñiỹa't qataq qaucolaqaitagui. Qaq damaye sa'amaqten da 'eesa.

1 Corintios 1:11

Shenapec de'era, qami' ỹaqaỹarolqa, cha'aye huo'o na lauo' le'ecpi aca qarqaỹa Cloé aỹem da'aqtaxaatapeguem da huo'o na sa naỹamaxanna't da qoñiita.

1 Pedro 4:2

Qaq damaye ỹachaxan da qaỹa'axañiiuec da qoquiitegueto naua qauema qarqopitaxanaqtaicolli', huaña nache dam ñaq huo'o qanachaalataxaqui qoquiilec da qauo'oche dam ỹataqta 'eetapeguec Ñim Lo'onatac 'Enauacna.

Oseas 6:7

Qalaxaye qami', qoñeeta'am so Adán, da saishet da qaupaquiitelec da ñaỹamaxataxac, nache saishet da aỹem qaualaqaiguet.

1 Corintios 1:10

Qami' ỹaqaỹañicpi, qami' seroleguete da le'enaxat So Qarataxala' Jesucristo da qami' ñachoxoreetoiguilo da ỹataqta qanaỹaañeta't. Saishet da qaucolaqaitagui. Nachaqrata da qaica ca ỹaqpegueuga, 'oonolec ca qarhuennataqai qataq ca qoñiitapeguec.

1 Corintios 3:4

Cha'aye da huo'o ca 'enapec: «Aỹem ỹataxala' so Pablo,» qaq ca lỹa 'eeta': «Aỹem ỹataxala' so Apolo,» qaq damaye. ¿Peta'a sa qauaỹachiñiỹo' da nache 'eetec da lataxac na 'etaxaloxoicpi?