1 Corintios 2:4 - La'aqtaqa Ñim Lo'onatac 'Enauacna 2013

⁴ Ỹoqo'oye co'ollaq setaqtac da sa'axattac da na'aqtac, qalaq saishet da saconalo naua ltaxaỹaxaco ca shiỹaxaua ỹaanaxanaxaic, da yaqto' qaua'amqaanataxañi. Nachaqrata da sa'aqta'a So Saqcha'a La'añaxac Ñim Lo'onatac 'Enauacna da ỹachaxan da la'añaxac, da yaqto' nachera chegoqchigui da qaua'amqaanataxañi.

Nuevo Testamento Toba Sur

⁴ Ÿoqo'oyi co'olla setaqtac da sa'axattac da n'aqtac, qalaq sa ishit da saconalo naua ltaxaÿaxaco ca shiÿaxaua ÿajnaxanaxaic, da yaqto' qau'amqajnataxañi. Chaqsota so Espíritu Santo qataq da l'añaxac ñi Dios dam huo'o mshi qau'amqajnataxañi co'ollaq qami' sa'aqtaxaatapeguema.

Nuevo Testamento Toba Sombrero Negro

⁴ qama'le ca'li ami jojapegue'to nataq'aen ami japaĝagueneque da'me 'naqataĝanaĝac, ja ami 'te jedolo'te ga'me 'yaqataqa jo'ne qalache qaedi ami ñauela'ajalo. Ja naq'aeta, dite da'me 'yaqataĝanaĝac nach'eda 'nanec queda'me yataqachiñe t'adaic da'me lañoqotaĝanaĝac joñe'me Dios Lepaqal,

1 Corintios 2:4 Referans Kwoze

1 Corintios 4:20

Da huo'o ca netaigui da lo'onataxanaxac Ñim Lo'onatac 'Enauacna, nache ỹachaxan damaye, ỹachegoxotchigui nam ỹo'otpi, qaq saishet da nda'a't da choche ỹa'axattac.

1 Ts 1:5

Cha'aye co'ollaq qami' sa'aqtaxanaxama da no'on na'axaỹaxac qalaq saishet da ndotre'c naua qara'aqtaqa. Nachaqrata da co'ollaq qami' souaqta'agueta qalaq qami' sachaxanaxalo da qomi' hueto'oto da la'añaxac Ñim Lo'onatac 'Enauacna qataq So Saqcha'a Na'añaxac Qui'itta da do'onataxaatapoigui da shenaqta, qaq damaye naigui da maiche qanaỹamaxataxaqui.

1 Corintios 1:17

Cha'aye So Cristo saishet da aỹem ỹamaxalec da sachelaxanataxan. Chaqrata da aỹem ỹamaxalec da sa'axattac da no'on na'axaỹaxac. Qalaxaye saishet da so'onataxana ca laỹaanec ca choche shiỹaxaua, yaqto' saishet da huo'otaq saqca ca naigui qanqa'en da l-leuaxa So Cristo co'ollaq qaiuaxaneuo.

1 Corintios 2:1

Qami' ỹaqaỹañicpi maye qaua'amaqchiñiitac So Cristo, co'ollaq qami' ñeqo'onalo da qami' sa'aqtaxanema da saqcha'a 'eetapeguec Ñim Lo'onatac 'Enauacna, qalaq saishet da saconalo naua na'aqtaqa maye qalaqaiqa qataq da ỹo'ot da na'aalaxa.

Romanos 15:19

Chegoqchigui da la'añaxac So Saqcha'a Na'añaxac Qui'itta da qalota na so'ot nam sa qaỹauanapegapi qataq nam ỹo'ot da na'aalaxa, qataq sevirapeguec da sa'axattac da no'on na'axaỹaxac, sachegoqchiguiña ye Jerusalén qataq choche sevitta'a ye Iliria.

2 Pedro 1:16

Co'ollaq qami' sapaxaguenaqtapegueeque da la'añaxac So Qarataxala' Jesucristo qataq da lle'eguelaxasoxoc, nache qomi' saishet da maiche so'otaq ca qara'aqtaxanaxac, nachaqrata da ỹataqta ñimaqa'ai' co'ollaxa da seloqtagui de'era lta'araic la'añaxac So Qarataxala'.

1 Corintios 2:13

Da sa'axataq de'era qomi' ỹo'oteque Ñim Lo'onatac 'Enauacna, nache saishet da setaxasoxoiguilo naua na'aqtaqa maye chegaqaiguilo da maiche laỹaanec na shiỹaxauapi, nachaqnauate' naua na'aqtaqa maye qomi' ỹapaxagueneque So Saqcha'a La'añaxac Ñim Lo'onatac 'Enauacna.

Colosenses 2:4

Qaq qami' sa'axatema de'era, yaqto' saishet da huo'o ca qami' ỹatenache't souaxat naua choche no'onaxa't ltaxaỹaxaco maye saq 'e'n.

2 Pedro 2:18

Cha'aye namayepi naua la'aqtaqa ỹataqta 'onaxaiqa naqa'e'n, nache ỹo'ot da la'aalaxa na shiỹaxauapi, qalaxaye naua la'aqtaqa qaica ca naiguilo. Ỹayen na laỹepi da yaqto' ỹalegueua'a na lamanaxanaqtaiguesat qataq nam qauem lqopitaxanaqtaicpi; nataqa'en ỹatenachet nam ỹataqta lta'araic da na'añaxataxac da yaqto' ishet da cara'acolec da ca'ai da ỹo'otta'ape naua lasouaxashe'ete.

1 Pedro 1:12

Qalaxaye Ñim Lo'onatac 'Enauacna ỹaỹaanaxanaxanec somayepi da de'era ỹa'axattac saishet da lalamaxat somayepi, cha'aye damaye qaỹauotaique da qaralamaxache. Qaq 'era dam na'aqtaxanaxac maye qami' ỹanema som qami' da'aqtaxanema da no'on na'axaỹaxac. Qaq somayepi ỹachegoxotchigui da la'añaxac So Saqcha'a Na'añaxac Qui'itta maye chegoqo'ot na piguem. ¡Qaq de'era nachera da huotaique nataqa'en da ỹauaachigui co'ollaxa nam chegaqasheguem lamaxashecpi Ñim Lo'onatac 'Enauacna!

Gálatas 1:10

Saishet da shectaigui da choche ñimitta'a da na shiỹaxauapi ỹaỹamaxareeta ca shenapec. Qataq saishet da ñimitta'a da aỹem qaỹamateguet. Cha'aye da nache sheetec de'era, nache saishet da aỹem lamaxashec So Cristo. ¡Cha'aye da ỹoqta ỹaỹamaqchiguiñi ñaqa'en da Ñim Lo'onatac 'Enauacna aỹem ỹaỹamaxareeta!

Romanos 16:18

cha'aye ne'ena shiỹaxauapi saishet da do'onataxaatacot So Cristo maye Qarataxala', nachaqrata da maiche nmittaique ca maiche laỹamaxa. Qataq namayepi iroleguete naua la'aqtaqa isotta'ape na shiỹaxauapi da da'aqtaxan, qalaxaye namayepi ỹataqta tenataxanaxaicpi qataq ỹatenachet nam shiỹaxauapi maye saxanaxa da ỹaỹaten ca ỹoqta llec de'era na'aqtaxanaxac.

Hechos 20:27

Cha'aye aỹem ỹataqta sa'axatta 'enauac nam 'eetapeguecpi Ñim Lo'onatac 'Enauacna, qaica ca soxottapiguiñi.

Ezequiel 13:6

Na l-loxocpi qalaq saq'en, qataq nam la'aqtaxanaxacpi qalaq chochaq ashepegaxanaxacpi. Namayepi 'eetega ỹa'aqtaxanaxanecpi naxa, qalaxaye Aỹem saishet da samaq co'ollaxa namayepi. ¡Qaq ñaqaiyeta namayepi iuatta'a naxa da ipacchigui nam la'aqtaxanaxacpi!

Proverbios 7:21

Qaq naua amai' la'aqtaqa maye ñe'eguelaxattrasheguem, nachenaua naua ỹañoxo't da ỹasat se'eso nsoqolec,

Hechos 26:28

Nache so Agripa 'enapeco': –Mashe hua'c da aỹem 'auañoxot da yaqto' sa'amaqten So Cristo.

Jueces 16:5

Nache soua lataxala'ate so filisteopi nqo'oora da detaxaỹot aso Dalila, 'eeta': Ña 'auauo'o ca lataxac da 'am da'aqtaxanem so Sansón, ca chegaqa'ague dam lta'araic la'añaxac maye qaica ca 'ena'am, qataq ca 'eetec ca lataxac da yaqto' qoroxonec. Huaña qome nache ñanagaq da secoñeraqai' nache maiche soicnaqtac. Qaq da 'auo'ot de'era, nache ñi 'oonolec da shenaqta, 'am ỹanem qome aca mil cien na plata.

Jueces 14:15

Qaq ỹoqo'oye so ivita so lỹa na'a'q, nache qoỹenapego' aso lhua so Sansón, qoỹeeta': Ña 'auauo'o ca lataxac qome da so 'arhua 'am da'aqtaxanem ca naigui se'eso ỹapogoñi la'aqtac, cha'aye da sa 'auo'ot de'era, nache qomi' 'am savigaxataq qome, qataq 'enauac nam llalaqpi so 'arta'a. ¡Cha'aye 'ena'amso' da qomi' qanaviquiireuo da yaqto' qauacoñiỹa nam qaralamaxatpi!

Jeremías 20:10

Huo'o da sa'aqtega naxa na shiỹaxauapi da nsoxootega't, 'eeta': «¡Ỹataqta vichiguiiñalo da lchec!» Qataq 'eeta': «¡Ñaq qauanaqui sauoqo'o ca lasouaxashet!» Qaq ivira'a na ñauochaxauapi iuatta'a da huo'o ca ñe'enaxac. Nache, 'eeta': «Saiuena'a da ishet da satenachetaq, qataq qoroxonec, nache sauoqo'o ca qarvi'.»

Proverbios 20:19

Ca na'aqtaqa lo'o' sa ỹaỹaten da ỹoxooñi ca qoỹoxottapiguiñi, qaq ỹoqo'oye saishet qome da 'aualectapeeguet que'eca na'aqtaqa lo'o'.

Romanos 15:13

Qataq huo'o da iỹaxanaxac Ñim Lo'onatac 'Enauacna maye qomi' ỹanema da qanaquitaxac, da Ñimaye qami' nlaxatchiguilo qome da qaramaicỹaxaqui. Qataq qami' ỹanema da qarlagaxayiqui maye chegaqaigui da qarpi'iỹaxaqui Ñimaye. Qataq chegoqchigui da la'añaxac So Saqcha'a Na'añaxac Qui'itta da nquictasheguem da qanaquitaxaqui.

2 Corintios 6:6

Nataqa'en ichoxot da qomi' so'onataxanaqtacot Ñim Lo'onatac 'Enauacna souaxat da no'on qarataxac, qataq da qarauattonaxanaxac maye 'eesa qataq da qarhualaxavic, qataq da qarauotaxanaqtaic, qataq da nache 'eetai' da qomi' hueta'agueta So Saqcha'a Na'añaxac Qui'itta, qataq dam 'eesa qarsoxoyec,