1 Corintios 2:2 - La'aqtaqa Ñim Lo'onatac 'Enauacna 2013

² Nachaqrata da ñacoola't da nachaqsota So Cristo da sa'axattac qataq da l-leuaxa co'ollaq qaiuaxaneguet so npe'enaxaqui.

Nuevo Testamento Toba Sur

² Cha'ayi co'ollaq qami' soota'agueta, qalaq ñacoola't da sa ishit da huo'o ca lÿa tatapigui iuel, chaqsota so Jesucristo som qaiuaxaneuo.

Nuevo Testamento Toba Sombrero Negro

² Qa'a ca'li ami jouetauelo, da'me mach'e yelnataĝac jetaque onolec ga'me ami japaĝagueneque: joda'me 'naqataĝanaĝac 'me 'yaĝatetac queda'me Jesús mach'e Dios Liquiyac, qalaĝaja nach'ena yeleu ca'li netaye jaga'me sodoso.

1 Corintios 2:2 Referans Kwoze

Gálatas 6:14

Qalaxaye aỹem, nachaqrata da huo'o da ña'amqaanaxac souaxat da sa'amaqten da l-leuaxa So Qarataxala' Jesucristo. Ỹoqo'oye huo'o da ña'achec, cha'aye de'era l-leuaxa Somaye, chegoqchigui da naua lhuennataxaco maye qauema nam huetalec ana 'alhua mashe saishet da seqochetega; cha'aye ana'ana 'alhua 'eeta'am ñaqa'en da mashe seleu.

Juan 17:3

Qaq de'era achaalataxac maye chochaq tatec, damaye nachera da naigui da 'am qaỹauatton, 'am maye 'Aro'onatac 'Enauacna, maye nache'amta qataq 'am 'eesa, qataq nam 'Arca'aguishec maye 'anamaxa ana 'alhua co'ollaxa.

Gálatas 3:1

¡Aicoue, qami' maye qarmaye na 'alhua Galacia, ỹataqta qaico' ca qauaỹaañiỹapec! ¡Ivira'a da 'eeta'am da huo'o ca qami' ira'n! Aỹem ỹataqta ỹataqtegue da ỹa'aqtaxanaxac da qami' sa'aqtaxaateguema da 'eetec da l-leuaxa So Jesucristo co'ollaq qaiuaxaneguet so npe'enaxaqui.